Facebook
Twitter
Google+
YouTube
Blog
RSS Feed
වෙසෙස් බූන්දි
ඩාෆ්නි ග්ලෙසියා: මරණයෙන් නිහඬ කළ- හොරකමට එරෙහි හඬ
බූන්දි, 18:59:30
"ජනතාව අතුරින් කිහිප දෙනෙකු අත්‍යන්ත ම්ලේච්ඡයන් වීම හේතුවෙන් හෝ පාලක පක්ෂය ප්‍රජාතන්ත්‍රවාදය යන වචනයේ අරුත නොදැන සිටීම හේතුවෙන් හෝ ජනමාධ්‍යවේදීන්ට තමා ලිවිය යුතු දේ ලිවීම අත් හැරීමට සිදු වන දේශයක ජීවත් වන්නට මට අවශ්‍ය නැත. මේ ජඩයන්ට දිනන්නට හෝ පලා යන්නට මම ඉඩ නොතබමි. උන්ට එය කළ හැකි වනු ඇත්තේ මගේ මළමිනිය උඩින් පමණි."
-ඩාෆ්නි ග්ලෙසියා


ඩාෆ්නි ග්ලෙසියා (Daphne Galizia) යනු යුරෝපයේ කුඩාම රාජ්‍යය වන මොල්ටාවේ මාධ්‍යවේදිනියක්. පසුගියදා ඇය දහවල් කාලයේ තම මෝටර් රථයේ නැගී නිවසේ සිට සේවා ස්ථානයට යන අතරතුර, වාහනයේ අටවා තිබූ බෝම්බයක් පිපිරී ජීවිතක්ෂයට පත්වෙනවා. තම නිවස පේන තෙක්මානයේ, ඇගේ දරුවන් දෙදෙනාගේ ඇස් ඉදිරිපිට ග්ලෙසියාගේ සිරුර කෑලි වලට කැඩී මෝටර් රථයේ කොටස් සමග පාර පුරා විසිරෙනවා.

'විකි ලීක්ස් තනි ගැහැණිය' නමින් ප්‍රසිද්ධව ඇති ඇයගේ බ්ලොග් අඩවිය (සබැඳිය), එරට ප්‍රධාන පෙලේ මාධ්‍යවලට වඩා ජනප්‍රිය බව පැවසෙනවා. රටේ දූෂණ සහ වංචා වලට එරෙහිව තනි අරගලයක නිරත වෙන ඇය, නොබෝදා එරට අගමැතිට එරෙහිව ප්‍රබල චෝදනාවක් ගේනවා. ඇය කියන්නේ රටේ අගමැතිවරයා සහ තවත් අයෙක් එකතුවී ව්‍යාපාරිකයන්ට මෝල්ටා රාජ්‍යයේ ගමන් බලපත්‍ර විකිණූ බවයි.

ඊටත් පෙර, ඇය විසින් සිදුකල සුවිශේෂ ගවේෂණයක් නිසා ඇය මුළු ලෝකයේම අවධානයට ලක්වෙනවා. ඒ තමයි "පැනමා පේපර්ස්" නමින් හැදින්වෙන හෙළිදරවුව. පැනමාවේ නීති සමාගමක් වන 'Mossack Fonseca' සමාගම විසින් කළ ගනුදෙනු වලට අදාළ ලියකියවිලි ඇය විසින් එළිදරවු කරනු ලබනවා. එම ලියකියවිලිවල අන්තර්ගතයන් ලෝක ආර්ථිකය සහ දේශපාලනය හොල්ලන්නට සමත් වෙනවා. පැනමාවේ නිදහස් බදු ක්‍රමය ප්‍රයෝජනයට ගෙන අයථා අන්දමින් මුදල් උපයන ලෝක ප්‍රසිද්ධ සමාගම්, පුද්ගලයින් හා රාජ්‍ය නායකයින්ගේ ලැයිස්තුවක් ඇය එළිදරවු කරනවා. මේ ලැයිස්තුවේ ලෝකයේ ධනවත්ම පුද්ගලයින් සිය දෙනාගෙන් අති බහුතරය සිටිනවා. රුසියානු ජනාධිපති පුටින්, බ්‍රිතාන්‍යයේ හිටපු අගමැති ඩේවිඩ් කැමරන්ගේ පවුලේ ව්‍යාපාර පමණක් නොවේ බොහෝ මැද පෙරදිග රාජ්‍ය නායකයින් පැනමා රාජ්‍යයේ ව්‍යාජ සමාගම් පිහිටුවා අයුතු ප්‍රතිලාභ ලැබූ බව ග්ලෙසියා හෙළිදරවු කරනවා.

ලංකාවේ පවා සමාගම් සහ ආයතන ප්‍රධානීන්, රාජ්‍ය නිලධාරීන් පවා පැනමා රාජ්‍යයේ ව්‍යාජ සමාගම් වල ආයෝජනය කොට අයථා ලාභ ලබන්නටත් කළු සල්ලි හංගා තබන්නටත් ක්‍රියා කරමින් සිටින බව 'පැනමා පේපර්ස්' මගින් හෙළිදරවු උනත් රටේ සිදුවෙන සෑම ආර්ථික හා දේශපාලන සිදුවීමක් සේම මේ හෙළිදරවුව ද ක්ෂණික උත්කර්ෂයකට පත්ව නිහඩව නිවී යනවා.

ලෝක ප්‍රසිද්ධ පර්යේෂණ ආයතනයක් වන Oxfam ආයතනය පසුගිය වසරේ හෙළි කළ පත්‍රිකාවක සදහන් වන්නේ ලෝකයේ වත්කම් වලින් සියයට පනහකටම හිමිකම් කියන්නේ සියයට එකක් තරම් වූ පිරිසක් වන අතර මොවුන් අතරින් 20,000 තරම් වූ සුපිරි ධනවතුන් පිරිසක් (ultra-high net worth) ලෝක ආර්ථිකය සම්පුර්ණයෙන්ම පාලනය කරන බවයි. ඔවුන් තව දුරටත් කියා සිටින්නේ මානව ඉතිහාසයේ උපරිම ආර්ථික විෂමතාවය වාර්තාවෙන මේ අවදියේ, සුපිරි ධනවතුන් බිහිවීමේ යාන්ත්‍රණය පැනමා වැනි 'නිදහස් බදු ක්ෂේම භූමි' (tax havens) උපකාර වන බවයි. ග්ලෙසියාගේ හෙළිදරවුව ලෝකයට වැදගත් වෙන්නේ ඒ නිසයි.

ඇය සඳහන් කරන අන්දමේ නිදහස් බදු රාජ්‍යයන් පහළොවක් පමණ ලෝකයේ ලෝකයේ සෑම මහාද්විපයක්ම ආවරණය වෙන ලෙස පිහිටා තිබෙනවා. තවත් බොහෝ රාජ්‍යයන් මෙම නිදහස් බදු චක්‍රයේ වාසිය ලබාගන්නා ආකාරයෙන් තම ආර්ථික ප්‍රතිපත්ති වෙනස් කරමින් සිටිනවා. මෙවැනි රාජ්‍යයන් වල විශේෂත්වය නම් ඔවුන්ට ආර්ථික අනන්‍යතාවයක් (economic identity) නැති වීම සහ ඒවා සෑම විටම ආර්ථික වශයෙන් බලවත් රාජ්‍ය වල නූතන ආර්ථික කොලනි ලෙස පැවතීමයි. පැනමාව සහ එවැනිම රටක් වූ ජර්සි රාජ්‍යය (Jersey), සම්පුර්ණ වශයෙන්ම ඇමරිකාවේ නූතන ආර්ථික කොලනි වන අතර බ්‍රිතාන්‍ය ඇතුළු යුරෝපයේ ආර්ථික යටත්විජිත රාජ්‍යයන් ලෙස කේමන් දිවයින සහ වර්ජින් දිවයින ක්‍රියාකරනවා.

බූවල්ලෙක් ලෙසට ලෝකයේ ආර්ථික ක්‍රියාවලිය අල්ලාගෙන සිටින ලෝක සුපිරි සමාගම් පන්සියයෙන් (fortune 500 companies) අති බහුතරයක් තම ප්‍රාග්ධනය එක්රැස් කරගන්නේ මේ පැනමා වැනි ආර්ථික ක්ෂේම භුමි රටවල් හරහායි. දුප්පත් හෝ පොහොසත් රටවල භේදයක් නැතිව පොදු ජනතාවගේ අත රැඳි මුදල් ඉතා කපටි ආකාරයෙන් මේ සමාගම් වල ප්‍රාග්ධනය තුළට ගොඩ ගැහෙනවා.


ග්ලෙසියා තම පුතු සමග

වත්කම් අතින් ලෝකයේ අංක එකේ සමාගම වන ඇපල් සමාගම පමණක් නොව, සුප්‍රකට මයික්‍රෝසොෆ්ට් සමාගම, ජෙනරල් මෝටර්ස්, ෆේස්බුක්, කොකා කෝලා, මැක්ඩොනල්ඩ්ස් වැනි සමාගම් තමන්ගේ ප්‍රධාන කාර්යාල පිහිටුවා ඇත්තේ පැනමා රාජ්‍යයේයි. මේ අර්ථයෙන් ගත් විට පැනමා යනු ලෝකයේ සුපිරි ආර්ථික ශක්තියක් ඇති රටක් විය යුතුය; එහෙත් සත්‍යය ඊට ඉඳුරාම වෙනස් වේ. මේ ප්‍රධාන කාර්යාල සත්‍ය ඒවා නොව ප්‍රාග්ධනය එක්රැස් කරගැනීම පිණිස පිහිටවූ කපටි ආයතනයි. පැනමා වල එක් කුප්‍රකට ගොඩනැගිල්ලක ලෝකයේ ප්‍රසිද්ධ සමාගම් 200ක් පමණ පිහිටුවා ඇතැයි පැවසේ. එහි ඇති ඇතැම් සමාගම් වලට ඇත්තේ පුංචි කාමරයක් හෝ තැපැල් පෙට්ටියක් පමණයි!

මේ 'ප්‍රාග්ධනය ගොඩගැසීමේ' ක්‍රියාවලිය ගැන අවබෝධයක් ලබාගැනීම, යුගයේ අවශ්‍යතාවයක්. මේ සදහා අපි මැක්ඩොනල්ඩ්ස් සමාගමේ උදාහරණයක් ගමු. කොල්ලුපිටියේ, මැක් අවන්හලෙන් ඔබ බිග් මැක් එකක් මිලදී ගන්නවා. මැක් බර්ගර් එකකින් ලංකාවේ මැක් අවන්හල උපයන අදායම, වාර්ෂිකව සංගත බදු (cooperate tax) වශයෙන් ලංකාවේ රජයට ලැබිය යුතුයි. සිහින ආර්ථික ඔළුගෙඩි වලට අනුව, බර්ගර් සැදීමට අවශ්‍ය පිටි සහ මස් වර්ග ලංකාවේ වෙළඳපලින්ම සපයා ගන්නවා යැයි මොහොතකට හිතමු. එහෙත් මේ මිලදී ගැනීම් කරන්නේ, ලංකාවේ හෝ ඇමරිකාවේ මැක්ඩොනල්ඩ්ස් සමාගම් නොවේ. පැනමාවේ පිහිටා ඇති ව්‍යාජ මැක් සමාගම විසින්. ඉන්පසු එම භාණ්ඩ වලට ඉතා ඉහළ ව්‍යාජ මිලක් (fake value) ආරෝපණය කොට ලංකාවේ මැක් සමාගමට යළිත් විකුණයි. කෘතිමව මිළ ඉහළ දමන ලද මස් සහ පිටි වර්ග මිලට ගැනීම නිසා, ලංකාවේ මැක් සමාගමේ ලාභය අඩුවෙයි. එවිට ඔවුන් ලංකා රජයට ගෙවන සංගත බදු ප්‍රමාණය ද අඩු වෙයි. එහෙත් මේ ක්‍රියාවලිය තුල අධික ලාභයක් ලබන්නේ පැනමා රාජ්‍යයේ පිහිටුවා ඇති මැක් සමාගමයි. එහෙත් පැනමා රාජ්‍යයේ, සංගත බදු ක්‍රමයක් නැති නිසා මැක් බර්ගර් එකේ සම්පුර්ණ ලාභය තම ප්‍රාග්ධනයට එක් කර ගැනීමට මැක් සමාගමට හැකිවෙයි.


ග්ලෙසියා ඝාතනයට එරෙහිව මොල්ටාවේ ජනතා උද්ඝෝෂණ

ලංකාවේ මැක් සමාගම රටේ පවතින්නට අවශ්‍ය සාධක නිර්මාණය වෙන්නේ ලාභ ශ්‍රමය මගින්. පුංචි පඩි වලට දිගු වැඩ මුර වල නිරත වීමට මැක් සමාගමේ පමණක් නොවේ බොහෝ බහු ජාතික සමාගම් වල සේවකයින්ට සිදුවේ. බ්‍රිතාන්‍යයේ නම් මේ තත්වය තවත් කපටි වී ඇති අතර මැක් සේවකයින්ට ශුන්‍ය පැය සේවා කොන්ත්‍රාත් වලට යටත් වීමට සිදුවේ. (zero hour contracts) මෙහිදී සමාගමේ සේවකයින් පඩි රහිතව ගෙදරට වී සිටින අතර, සමාගමට අවශ්‍ය අවස්ථා වල පැය ගණනට සේවකයින් කැඳවිය හැකිය. ඒ සදහා අවශ්‍ය නීති රීති ඉතා දක්ෂ ලෙස රාජ්‍යය මගින් වෙනස් කොට ඇත. බ්‍රිතාන්‍යයේ පමණක් වාර්තාගත ලෙස මෙසේ ශුන්‍ය පැය සේවා කොන්ත්‍රාත් කරුවන් ලක්ෂ හයක් පමණ, බ්‍රිතාන්‍ය මැක් සමාගම හා සම්බන්ධ වී සිටිනවා. එය ලාභ ශ්‍රමය සුරා කෑමේ වාර්තාවක් බවයි පැවසෙන්නේ.

මාර්ක් සකබර්ග්ගේ ෆේස්බුක් සමාගම ක්‍රියාත්මක වෙන්නේ සමාගම් හතරක් එකතුවෙලා. (umbrella cooperation) ඇමරිකාවේ පර්යේෂණ සමාගම පිහිටුවා ඇති අතර මොල්ටාවේ, කේමන් දිවයිනේ සහ අයර්ලන්තයේ අනෙක් සමාගම් පිහිටවා තියනවා. එම සමාගමේ බදු වංචා කිරීම් මැතිව් ග්ලෙෂියා නම් ගවේෂණාත්මක මාධ්‍ය වාර්තාකරුවෙක් හෙළිදරවු කරනවා. ලෝක ප්‍රසිද්ධ Pulitzer සම්මානයෙන් පවා පිදුම් ලබා ඇති මේ මාධ්‍යවේදියාගේ, ෆේස්බුක් ගිණුම ෆේස්බුක් ආයතනය මගින් නවත්වනු ලබනවා.

ලෝකයේ ආර්ථිකය පාලනය කරන පුද්ගලයන් සහ සමාගම් වලින් සැදුම්ලත් ‘සුපිරි සමාජය’ට එරෙහිව නැගී සිටින පුද්ගලයින්ට එරෙහිව ‘ඇඩ්‍රස් නැති’ මරණ අත්පත් වන බව ඉතිහාසයේ අත්දැකීම් අපට පවසයි. එහෙත් ඔවුන්ගේ බෝම්බවලට අසුවී, තම සිරුර කෑලි කෑලි වලට කැඩී විසිරී යද්දී, ඩාෆ්නි ග්ලෙසියා වැන්නවුන් අපට නොකියා කියන්නේ සටන ඇත්තේ එතැන බවයි!

මුලාශ්‍ර- The Guardian, BBC panorama
මේ වියමන ඔබේ මූණු පොතට එක් කරන්න-
Tags- Daphne Caruana Galizia, Murder of Maltese journalist, Panama Papers, Corruption in Malta, Leaked Documents, Mossack Fonseca, Whistleblowers
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සරද සමරසිංහගෙන් තවත් වියමන්
කතන්දර
සෙන්ටෙනියල් දෝණි
වෙසෙස්
දත්තවාදී යුගයේ විප්ලවවාදින් හඳුනාගනිමු!
වෙසෙස්
සමාජවාදයේ සහ ධනවාදයේ දත්තවාදී කියවීම
වෙසෙස්
මානව සමාජයේ මීළඟ විප්ලවය 'දත්තවාදය'ද?
වෙසෙස්
හුදකලාව විකුණා විනෝදවෙන්න එන්න!
තවත් වෙසෙස් බූන්දි
වාලම්පුරි- වාසනාව, විහිළුව සහ මිත්‍යාව
ආගිය අතක් නැති වූ 'මහසෝනා'
අපි තමයි නියම විප්ලවකාරයෝ..!
ආරියසේන යූ ගමගේ- සොඳුරු මතක ඉතිරි කොට නික්ම ගිය වෛද්‍යවරයා
ස්ටීවන් හෝකින්- විශ්වය විමසයි.
BoondiLets
ක්‍රිස් හෙජස් කියයි.
අප දැන් සිටින්නේ වෛද්‍යවරුන් විසින් සෞඛ්‍යය වනසන, නීතිවේදීන් විසින් සාධාරණය වනසන, විශ්වවිද්‍යාල විසින් දැනුම වනසන, ආණ්ඩු විසින් නිදහස වනසන, මාධ්‍ය විසින් තොරතුරු වනසන, ආගම විසින්... [More]
What's New | අලුතෙන්ම
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook