Facebook
Twitter
Google+
YouTube
Blog
RSS Feed
අදහස් බූන්දි
අපේ මධ්‍යම පන්තියේ නුතන සංස්කෘතික විලාසිතාව!
බූන්දි, 16:59:25
අපේ රට වැනි සමාජයක සංස්කෘතික චින්තනය හෝ සාමාන්‍ය විචාර බුද්ධිය සකස් වන්නේ බොහෝ දුරට මධ්‍යම පාන්තික සමාජ ස්ථරයේ චින්තනයේ හැඩරුව අනුවයි. සමාජ- දේශපාල - සංස්කෘතික දෘෂ්ටිවාදයන් සාමාන්‍ය පොදු ප්‍රජාව තුල සමාජගත වන්නේ මෙම ස්ථරයේ ඒ දේවල් අනුකරණය කරමිනි. එනිසා අසූව දශකයේ මැද භාගය වන තෙක් අපේ මධ්‍යම පන්තියේ පැවති දෘෂ්ටිවාදයන් සෙසු පොදු සමාජය කෙරෙහි බලපෑ ආකාරයත් ඉන් අනතුරුව එම තත්ත්වය වෙනස්වූ ආකාරයත් සාකච්ඡා කිරීම වටී.

අපේ රටේ ස්වදේශික ධනපති පන්තියක් නොවූ බැවින් (ඒ වෙනුවට ධනය රැස්කරන ජාවාරම්කාර පන්තියක් පමණක් සිටීම නිසා) පෙරළා එයද මෙකී මධ්‍යම පන්තියේ ගුණාත්මක බව කෙරෙහි බලපාන්නට ඇත. අනෙක් අතට අපට අපේ අසල්වැසි ඉන්දියාවට මෙන් මහා පුරුෂයින් (තාගෝර්, නේරු, අම්බෙඩ්කාර්, ගාන්ධි වැනි) නොසිටි නිසා පරමාදර්ශ අහේනියක් ද බලපෑවේය.

80 දශකයේ මැද භාගයට පෙරාතුව අපේ පහළ මධ්‍යම පන්තියේ සංස්කෘතික විලාසිතාව, සංස්කෘතික අනුකරණය පහත පරිදි නිරීක්ෂණය කළ හැකිය. "ඔහු" තම අනන්‍යතාවය තුළට යම් සම්භාව්‍ය ගාම්භීරත්වයක් එකතුකර ගන්නට උත්සාහ දැරුවේය. එය එක්තරා දුරකට සමාජයේ විචාරශීලිත්වය ඔසවා තබන්නට ඉවහල් වුයේය. මහාචාර්ය එදිරිවීර සරත්චන්ද්‍ර, පණ්ඩිත් අමරදේව, මාටින් වික්‍රමසිංහ, වල්පොල රාහුල හිමි, මහාචාර්ය සිරි ගුණසිංහ එකල මධ්‍යම පන්තියේ සංස්කෘතික වීරයින් විය. ඔවුන්ගේ නාට්‍යයක්, ගීතයක්, නවකතාවක්, සමාජ විචාරයක්, චිත්‍රපටයක් අතහැරීම එම සම්භාව්‍ය අනන්‍යතාවය අත්හැරීමක් වැනි විය. එමෙන්ම එවැනි නිර්මාණයක් ඇසුරු කිරීමෙන් අනතුරුව ඒ අරභයා වන යම්කිසි විචාරයකට/ සංවාදයකට හවුල්වීමට නැඹුරුවක් ද තිබුණි. එය විසින් මෙම මධ්‍යම පාන්තික සමාජ ස්ථරයට යම් විචාරශීලී සමාජ අවබෝධයක් අත්පත් කරගත හැකි වුනි. අඩුම තරමින් එවන් පෙළඹවීමක් පැවතුණි. ආගම විසින් එවකට මධ්‍යම පන්තියේ සංස්කෘතික ජීවිතය අද මෙන් අත් අඩංගුවට ගෙන නොතිබුණි. අද අපේ මධ්‍යම පන්තිය තම සංස්කෘතික විවේකය ගත කිරීමට/ ගෙවා දැමීමට යොදා ගන්නේ සංදර්ශනාත්මක ආගමික වතාවත්ය. එහි කිසිම අධ්‍යාත්මික ගැඹුරක් හෝ සදාචාරාත්මක වටිනාකමක් පවා නොමැති බව පැහැදිලිව නිරීක්ෂණය කළ හැක. (එවකට සිටි දේශපාලන චරිත ද අදට වඩා යම් ශික්ෂණයක් ඇති අය වීම ද තවත් කරුණකි.)

මේ වනවිට ටෙලිවිෂන් චැනල වල වසංගතයක් සේ උතුරා යන, අවර ගනයේ මෙන්ම මිත්‍යාව පාදක කොටගත් යක්ෂ භූත ටෙලි නාට්‍ය අරභයා සමාජයෙන් බලවත් විරෝධයක් එල්ලවී නැත්තේ අපේ මධ්‍යම පන්තියට සමාජ අභිමතාර්ථ හෝ පුරුෂාර්ථ නොමැති නිසාය; එවැනි දෑ සමාජයේ ප්‍රගතියට අවැඩදායීය යන්න පිළිබඳව සවිඥානික නොවන නිෂ්ක්‍රීය උගතුන් අපට සිටින නිසාය; රසඥතාවය අවරසිකත්වය තුල ගිලී ගොස් ඇති නිසාය. එකී ටෙලිනාට්‍ය පුරා තිබෙන අඬදබර, කුමන්ත්‍රණ, මිනීමැරුම්, දුෂ්ටත්වය පුනපුනා අසන්නට නරඹන්නට වීම තුලින් ටෙලිවිෂන් ප්‍රේක්ෂකයා අවමානුෂික සත්වයෙකු බවට කෙමෙන් කෙමෙන් පත්කරයි. සමාජය කෙරෙහි නරක ප්‍රතිවිපාක උදා කරන මෙවැනි ජනමාධ්‍ය භාවිතාවන් කෙරෙහි ශිෂ්ට ප්‍රමිතියක් ගෙන ඒමට ක්‍රියාත්මක වන සමාජ බලවේගයක් නොමැත. සැබවින්ම ළමා මනෝවිද්‍යාව පිලිබඳ මානයෙන් ගත්කල මුඛයෙන් ලේ වෑහෙන ළමුන් යොදාගෙන ඉදිරිපත් කරන ටෙලිනාට්‍ය අරභයා ළමාරක්ෂක අධිකාරිය ක්‍රියාත්මක වියයුතුය යන්න අපගේ අවබෝධයයි.

දෙමළ ජාතික ගැටලුව විසින් බිහිකළ සිවිල් යුධ තත්වය හේතුවෙන් සමාජයේ වාර්ගික බෙදීමක් ඇතිවීම හා අසූව දශකයේ අවසානයත් සමග පැවති සමාජවාදී රාෂ්ට්‍ර පද්ධතිය බිඳ වැටීමත් සමග "සමාජවාදී" පරමාදර්ශ අහිමි වීමෙන් අපේ මධ්‍යම පන්තිය ජාතිවාදී/ ජාතිකවාදී දෘශ්ටිවාදයන්ට ගොදුරු වීමත් සමග නිසඟයෙන් සමාජයක් හෙලනුයේ අවිචාරශීලිත්වය කරාය. පෙර පැවති වාමාංශික නැඹුරුව තුල වාර්ගික, ආගමික බෙදීම් ඇති කිරීමට ඇති මනෝ භාවයන් දුර්වල කරන ලදී. එම දේශපාලන පරමාදර්ශ ඉදිරී යාමත් සමග ඇතිවූ දෘෂ්ටිවාදී රික්තය තුල මතුවුයේ ජාතිකවාදය, ජාතිවාදය හා අවිචාරී බවයි. ඒ ජාතිවාදය, මිත්‍යාව හා අතීතකාමය පෙර මෙන් (ප්‍රවේණික ඒවා නොව) නොව "නවීකරණය" කරන ලද අගතීන් වෙයි. එම නවීකාරකත්වයම මධ්‍යම පන්තිය ආකර්ෂණය කර ගැනීමට ඉවහල් වුනි.

ඒ අනුව අද අපේ රටේ මිත්‍යාව, ආධානග්‍රාහිත්වය හා අවිචාරය මෙතරම් සමාජ බලයක් අත්පත් කරගෙන ඇත්තේ මේ තත්වයේ අවසාන ඵලය ලෙසයි. සමාජයේ පරිවාරයේ පැවති මිත්‍යාව සමස්ත රාජ්‍ය පද්ධතියේ කේන්ද්‍රය ආක්‍රමණය කිරීම මෙහි අවසාන ඛේදවාචකයයි. පන්නිපිටියේ මහා මාර්ගය හරස්කොට වැඩුණු බෝ ගස ඉවත් කිරීමට බලගතු ආණ්ඩුවට පවා හැකියාවක් නැත්තේ මිත්‍යාව හා අවිචාරය විසින් 'අවුළුවා ලිය හැකි' අළුයට ගිනි වැනි භයානක අගතීන් අපේ සමාජයේ පවතින බැවිනි. විශාල මාර්ග තදබදයක් නිර්මාණය කරමින් මහජන සෞඛ්‍යයට තර්ජනයක් උදා කොට ඇති මහනුවර දළදා මාලිගාව ඉදිරිපිට වසා දමා ඇති A26 මාර්ගය විවෘත කිරීමට නොහැක්කේ එනිසා දළදා මාලිගයට අගෞරවයක් වන නිසා නොව එසේ කළහොත් (මෙතෙක් කල් එකී මාර්ගය වසා තැබීම තුලින් අලුතින් අත්කරගත් ආධිපත්‍යයට) ප්‍රභූ බෞද්ධ ආධිපත්‍යයට පරාජයක් වේ යැයි වන මුග්ධ අවිචාරීත්වය නිසාය. මාර්ගය මෑතකදී වසා දමන තෙක් එය විවෘතව තිබීම දළදාවට අගෞරවයක් වුනිද යන ප්‍රාථමික තර්කයවත් මේ ආගමික ප්‍රභූන් හට පහළ නොවේ.

වල්පොල රාහුල වැනි විචාරශීලී යතිවරුන් අද නොමැතිවීම පොදු බෞද්ධ සමාජයට හෝ හුදී ජනයාට කනගාටුවට කාරණයක් නොවන්නේ ඒ රික්තය පුරවන, ආගමික කානිවල් පවත්වන, පියකරු සුකොමල හිමි වරුන් කෙරෙහි සමාජයේ හා උපාසිකාවන්ගේ පවතින ඉල්ලුම නිසාය. දිනෙන් දින උත්සන්න වන අවිචාරය, අවරසිකත්වය, ජාතිවාදය, මෝඩ භක්තිය හා අපේ රට ගිලගන්න ලෝකයම කුමන්ත්‍රණය කරමින් සිටින්නේය යන ක්ෂේනෆොබියා නම් මානසික විකෘතිය විසින් ජනිත කරන දේශපාලන අරාජිකත්වය ආදිය විසින් රටකට උදාකළ හැකි විපාකය ඉතා භයානකය.

කෙසේමුත් අඳුරු වලාවේ ඇති රිදී රේඛාවක් සේ, පවතින මෙම අවිචාරී සමාජ මනෝභාවයට එරෙහිව යම් ක්‍රියාකාරිත්වයක් බිහිවෙමින් ඇත. එය මේ පසුගාමී ප්‍රවාහය අභිබවා යන්නට නොව අලගු තැබීමට වත් ප්‍රමාණවත් නොමැති වුවත් මේ අවිචාරිත්වය දරාගත නොහැකි සුළුතරයක් අප වැනි අයට නම් පහන් සංවේගය උපදවන්නකි.
සිත්තම- බැන්ක්සි
මේ වියමන ඔබේ මූණු පොතට එක් කරන්න-
Tags- Cultural Trends, Sri Lankan Middle Class, Superstition, Religious Beliefs In Sri Lanka, Ven. Walpola Rahula, Sarachchandra, Temple of the Tooth
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තාරක වරාපිටියගෙන් තවත් වියමන්
අදහස්
මේ "අහවල් FM" වහුකුණු රේඩියෝවයි!
අදහස්
ගල්කිස්සේ ප්‍රහාරය: අන්තවාදයේ නරුම මුහුණුවරයි!
අදහස්
ගබ්සාව සහ දෙවියන් වහන්සේගේ සැලැස්ම!
අදහස්
විභාගය ගොඩ යාමට ඥාන පූජාව!
අදහස්
බාහිර උපකාරක පන්ති තහනම නරක පූර්වාදර්ශයකි!
තවත් අදහස් බූන්දි
සිරිසේන සිදාදි එනවද, සිංහලේම ඉන්නවද?
පැ ර දු නේ ක වු ද ?
[සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්
[සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්
කතිරකාරයාගේ පෙබරවාරිය- ඔබ ඇවිත් යන්න එන්න!
බූන්දි නව ඊමේල් ලිපිනය- editorial@boondi.lk
BoondiLets
ගෞතම බුද්ධ දේශනා කරයි.
කොහේ හෝ තිබී කියවූ පමණින්, මා (බුදුන්) හෝ කවුරුන් හෝ කී පමණින් කිසිවක් විශ්වාස නොකරන්න. එය ඔබේම නුවණින් සහ අවබෝධයෙන් පසක් වන්නේ නම් පමණක් විශ්වාස... [More]
What's New | අලුතෙන්ම
ඔත්තු| නුඹ සුළං රැල්ලක්ව- පෙබරවාරි 17

9-Secs

නිශාන්ත ෆර්නෑන්ඩුගේ පළමු කාව්‍ය සංග්‍රහය "නුඹ සුළං රැල්ලක්ව", 2017 පෙබරවාරි 17 වැනිදා සවස 3:00ට, මහවැලි... [More]
අදහස්| සිරිසේන සිදාදි එනවද, සිංහලේම ඉන්නවද?

2-Mins

(ඥානසිරි කොත්තිගොඩ) යහපාලන ආණ්ඩුව ඉවරද​? අගමැති වෙනස් වෙයිද​? එජාප නායකකම රනිල්ට අහිමි වේවිද​? මහින්ද අගමැති වේවිද​? මේ දිනවල ජනතාව අතර වැඩිපුර... [More]
අදහස්| පැ ර දු නේ ක වු ද ?

2-Mins

(නැදිමාලේ Miniහෙක්) මැතිවරණයක ජය පරාජය තමන් කැමති ඕනෑම රසකාරක අනුපාන හෝ තිත්ත අබිං දමා විග්‍රහ කර ගැනීම ඕනෑම පක්ෂයකට පුද්ගලයෙකුට කාගෙන්වත් බාධාවක්... [More]
අදහස්| [සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්

1-Mins

බෙල්ලන්විල හාමුදුරුවන්ව අපවත් කළ මියන්මාරයෙන් ගෙනෙන ලද ඇත් පැටියාට මියන්මාරයෙන් අවතැන් වීමට සිදුවී ඇති රෝහින්ග්‍යා සරණාගත පවුලක ළමයෙක් ලියුමක් එවලා.... [More]
කතන්දර| "ඇඳ යට කොටියෙක්"- ළමා කතන්දරය [වීඩියෝව]

28-Secs

"ඇඳ යට කොටියෙක්"- පොඩිත්තන්ට විනෝදාත්මක කතන්දරයක් [කාටූන්]- Anupa Lal ලියා, Suvidha Mistry සිත්තම් කළ "Under My Bed" ළමා කතන්දරයේ සිංහල... [More]
කවි| සදාතනික සිසු විරුවාණෙනි, මම නුඹේ ප්‍රේමවන්තිය වෙමි!

34-Secs

(සාරධිකා මංජරී හේරත්) වසන්තේ මල් පිපී තිබුනලු
අවාරෙට රඟහලේ තනියට
හන්තාන අළු වෙලා බෝ කල්
පුරුදු ලෙස ගිම්හාන සුළඟට
නුඹත් මේ සඳ දකිනවා ඇති
ප්‍රේම හැඟුමන් මතෙන් නලියන... [More]
Cine| ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය

19-Mins

(ජයන්ත අමරසිංහ / සමන් එම්. කාරියකරවන ) ධර්මසේන පතිරාජ ශ්‍රී ලාංකේය සංස්කෘතිය තුළ ශක්තිමත් ව ස්ථානගත ව ඇත්තේ ශ්‍රව්‍ය දෘශ්‍ය කවියෙකු ලෙසිනි. ඔහු අතින් කාව්‍ය, නාටක, ගීත,... [More]
කතන්දර| "සිංහ කොඩියෙ කතන්දරේ" සිංහයා කියා දෙයි! [වීඩියෝව]

20-Secs

අපේ ජාතික කොඩිය සහ එහි ඉතිහාසය ගැන පොඩිත්තන්ට කියාදෙන- "සිංහ කොඩියෙ කතන්දරේ"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි... [More]
කතා-බස්| "බොහෝ ලේඛකයන් බයයි ඇත්ත කථාකරන්න!"- අශෝක හඳගම සමග කතාබහක්

6-Mins

(ඩිල්ෂානි චතුරිකා දාබරේ) ප්‍රවීණ සිනමාකරුවකු වන අශෝක හඳගම විසින් රචනා කරන ලද 'අම්මා සහ සඳ එළිය' කෙටිකතා සංග්‍රහය නව මුද්‍රණයක් ලෙසින් එළි දක්වා... [More]
අදහස්| [සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්

2-Mins

ලංකාවේ නිදහස් උළෙලට සපෝට් එකක් දෙන්න මේ දවස්වල ලංකාවට ඇවිල්ල ඉන්න එංගලන්තේ මහ රාජිනීන්වහන්සේගේ දෙවෙනි පුත්‍ර රත්නය වන එඩ්වඩ් කුමාරයාණන්වහන්සේ... [More]
BoondiLets| බර්ටොල්ට් බ්‍රෙෂ්ට් කියයි.
බැංකු මංකොල්ල කන්නේ ආධුනික හොරුන්ය. නියම වෘත්තීය හොරුන් කරන්නේ අලුතෙන් බැංකුවක් පිහිටුවීමය!
කවි| සිද්ධාර්ථ සහ මරියා ගේ පේ‍්‍රමයේ මහිමය!

28-Secs

(තුෂාරි ප්‍රියංගිකා) පිනිකැට අහුලමි
ඔබ එහි ඇද්දැයි බලමි
පිරිත් පැන් කළයකට දමා
තුන් සූත‍්‍රය වඩමි

මරියා මම! ඇසින් වට... [More]
අදහස්| මේ "අහවල් FM" වහුකුණු රේඩියෝවයි!

2-Mins

(තාරක වරාපිටිය) එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට... [More]
කවි| රයිපලයට තවත් පතුරොමක් ඔබමි.

14-Secs

(ලාල් හෑගොඩ) මාස පෝය දිනක
සඳ මත සිට
පොළොව දෙස
කැක්කුම් ඇසකින් බලමි

පෙම් කවක් ලිවිය යුතු උන් සැමට... [More]
ඔත්තු| කව්සිළුමිණ සහ අබෞද්ධ දෘෂ්ටීන් සහ ආසියානු සන්නිවේදන පර්යාවලෝකයන්- ජන. 26

14-Secs

දර්ශන අශෝක කුමාර විසින් රචිත "කව්සිළුමිණ සහ අබෞද්ධ දෘෂ්ටීන්" හා "ආසියානු සන්නිවේදන පර්යාවලෝකයන්" (Asian Perspectives... [More]
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook