Facebook
Twitter
Google+
YouTube
Blog
RSS Feed
Cine බූන්දි
අතීත ව්‍යාධිය වෙත අනාගතයෙන් එන රෝග ලක්ෂණය (සමාප්තියක් නොවන ස්මර්ණ)
බූන්දි, 16:36:16
ස්මර්ණ සමාප්ති නම් වූ ටෙලි චිත්‍රපටිය රූපවාහිනියේ විකාශය වූයේ 2000 වර්ෂයේදීය. අප එම අත්දැකීම නැවත සිහිපත් කරමින් තිබෙන මෙම 2017 වර්ෂය තුළ එම කෘතිය විසින් උරුම කරගන්නා නව අර්ථ පද්ධතිය කුමක්ද? බැලූබැල්මට චිත්‍රපටියට ඇත්තේ තිරස් කාල අක්ෂයකි. එහෙත් ඉතිහාසයේ අනිශ්චයන් විසින් අභිමුඛ කෙරෙන සිරස් කාල අක්ෂයකි. එහෙත් ඉතිහාසයේ අනිශ්චයන් විසින් අභිමුඛ කෙරෙන සිරස් කාල අක්ෂය විසින් මෙකී චිත්‍රපටියේ දෘෂ්ටිමය රාමුව තෙරපීමකට ලක්වීම නොවැලැක්විය හැකිය. එනයින් එය සමාප්තියකින් තොර විවෘත අභිනයක් ලෙස පෙනී සිටියි. හරියටම දශක දෙකකට ආසන්න වන කාලය විසින් චිත්‍රපටියට දෘෂ්ටිමය අභියෝගයක් එල්ල කර තිබෙයි. පුළුල් අරුතෙන් ගත් විට එය චිත්‍රපටියේ අතීත සෞන්දර්ය යන්ත්‍රය අක්‍රීය කර නව සෞන්දර්ය අර්ථ ජනන යන්ත්‍රයක් පනගැන්වීමක් බඳුය.

'ස්මර්ණ සමාප්ති'හි ආඛ්‍යානය දිවෙන්නේ පශ්චාත් යටත් විජිත ලාංකේය දකුණ අත්දුටු බිහිසුණු සමාජ - දේශපාලන ප්‍රචණ්ඩ සමයකට පසු එළැඹි දශකය පසුබිම් කාලය කරගනිමිනි. ඒ වනාහී අතුරුදහන් වූ, වදහිංසාවට ලක්වූ, අළු-දුවිලි බවට පත් වූ හා මිහිදන් වූ අයගේ මතක වස්ත්‍රයන්ගෙන් සාමයේ සුර දූත-දූතිකාවන් ලක් පොළොවට ප්‍රාදුර්භූත වූ දශකයයි. ඉතිහාසය අවසන් යැයි නිවේදනය කර තිබූ අතර අනාගතයේ අධිවේගී මාර්ගය විසින් දකුණු ලංකාවේ සියල්ලන්ම සාදරයෙන් පිළිගැනෙමින් තිබිණි. අතිදැවැන්ත මර්දනයකට මුහුණ දී යටිබිම්ගතව සිටි ජනතා විමුක්ති වාමාංශයේ ශේෂ වූ මනෝකාය පාර්ලිමේන්තු ප්‍රජාතන්ත්‍රවාදය හරහා ප්‍රතිසන්ධිය ලබමින් තිබිණි. එතෙක් පැවති කලා සංස්කෘතික අධිකාරිවාදයට විවෘතවම අභියෝග කරමින් ජනප්‍රිය සංස්කෘතිය පිළිබඳ විමුක්ති දහම සංස්කෘතික කථීකාවේ මධ්‍යයට පැමිණ තිබුණු අතර එය ව්‍යාපාරික විනෝද මාධ්‍ය ආයතන ක්‍රමයෙන් පැටව් ගසන්නට පටන්ගත් කාලයක්ද විය. සන්නිවේදනය, පණිවුඩ හුවමාරුව හා තොරතුරු තාක්ෂණය අලුත්ම ප්‍රාග්ධන සමුච්ඡන ක්ෂේත්‍රයන් බවට පත්වෙමින් සංස්කෘතික අධිනාටකීයත්වයක් ලාංකේය ඉතිහාස වේදිකාව මත රඟ දැක්වෙන්නට විය. දකුණේ යටගිය ප්‍රචණ්ඩත්වය හා උතුරේ යුද්ධය ආයෝජනය කර ගනිමින් ප්‍රජාතන්ත්‍රවාදය හා සාමය ධනෝපායන මාර්ගයක් කරගත් නව NGO සිවිල් සමාජ ප්‍රවනතාවයක නැගීම සිදුවන්නේ ද මෙකලය. එම නිර්දේශපාලනීකරණයේ ඊනියා දේශපාලන ප්‍රකාශනය ලෙස සමාජ ගත කෙරුණේ සිවිල් සමාජය ශක්තිමත් කිරීමක් ගැන වූ ප්‍රවාදයකි. ආර්ථීකය සංස්කෘතිය බවටත් සංස්කෘතිය ආර්ථීකය බවටත් පෙරලුණු මෙකී දශකය විසින් විවෘත වෙළඳපල යුගයක නිර්බාධ ඇරඹුමක් සනිටුහන් කළ බව පෙනිණි. අතීතය පිළිබඳව වූ පශ්චාත්තාපය නව සමාජ පර්යායක පෙකිණිවැල වූ අතර සියල්ල සංසිඳුණු බවක් දර්ශනය කෙරිණි.

සැබැවින්ම දෙදහසේ නව සහශ්‍රය මුව විට පැවැති මේ අලුත් ලංකාව යනු යටපත් කළ සමාජ ප්‍රචණ්ඩත්වය පිළිබඳ වූ අමතක-මතක හුයකින් සන්ධි කළ අවතාර දේහයක් හැර අන් යමක් නොවීය. සදාකාලික තුවාලයක් ශේෂ කරමින් එම හුය සිඳ දැමීමට දෙදහසේ මුල් දශකයම වැය විය. උත්ප්‍රාසජනක ලෙස දේශපාලන දකුණට එම සැත්කම කරනු ලැබුවේ උතුරේ දෙමළ විමුක්ති දේශපාලනය විසිනි. එම සන්නද්ධ දේශපාලනය සමූලිකව පරාජය වීම එහි වන්දිය විය. එකී දශකයේ කාලාන්තරය ස්මර්ණ සමාප්ති ටෙලි නිර්මාණයට විෂය නොවෙයි. ඒ වන විට එය නිෂ්පාදනය කර අවසන්ය. ස්මර්ණ සමාප්ති හරියටම ස්ථාන ගත වන්නේ පෙර කී භිම සමයේ සමාජ ක්ෂතිය හා 90 දශකයේ දකුණු ලංකාවේ ගොඩනැගුණු නව සමාජ පිළිවෙල අතර දෝලනය වන කලාපය තුළයි. එහෙත් ස්මර්ණ සමාප්තිහි අහිමි විෂය වස්තුව පරිකල්පනය කළ හැක්කේ එකී ටෙලි නිමැවුම විසින් නොදුටු අනාගතය තුළිනි. එම නිර්මාණයේ රෝග ලක්ෂණය අනාගතයෙන් පැමිණෙන්නක් වීමට නියමිතව තිබිණි. දෙදාහ දශකයේ ගොඩනැගුණු යුධවාදී සිංහල බෞද්ධ ජාතිකවාදී හෙජමොනික සැකැස්ම මෙම ටෙලි නිර්මාණයේ ව්‍යතිරේකයක් යැයි බැලූ බැල්මට කිව හැකි වුවද එම අතිරේකය ස්මර්ණ සමාප්ති හි ඇතුළත බවට පත් වන ආකාරය කියවා ගැනීම දේශපාලනිකය. වෙනත් අයුරකින් කිවහොත් ස්මර්ණ සමාප්ති විසින් අනාගත ලංකාව වෙතට බැල්මක් හෙළා තිබෙයි. එය වටහා ගන්නේ කෙසේද?

ස්මර්ණ සමාප්තිහි තේමාව වන්නේ සිංහල බෞද්ධ ගමක වාසය කළ බණ්ඩාර දිසානායක පවුල හා බඩහැලගෙදර රංකිරියාගේ පවුල අතර වූ කුල-පාංතික ආතතිය ඝාතන කිහිපයක් බවට පුපුරා යාමෙන් නිපන් කම්පනයේ, පසු තැවීමේ හා හෘද සාක්ෂියේ ස්මර්ණ අඳෝනාවයි. 80 දශකය අගභාගයේ සිංහල බෞද්ධ දකුණ අත්දුටු ප්‍රචණ්ඩ ව්‍යසනයක එක්තරා තියුණු ලක්ෂ්‍යක් කරා මාඉටිපේ සිය දැක්ම එල්ල කර තිබෙයි. දිසානායක පවුලේ අනුදැනුම මත රාජ්‍ය ත්‍රස්තවාදයේ මරණීය ගොදුරක් බවට පත්වන රංකිරියාගේ පවුලෙන් ශේෂ වන දයාරත්න පසුව අසංක සමරසේකර නම් වූ වෛද්‍යවරයාගේ භූමිකාව සමගින් යළි ගමට පැමිණෙන දර්ශනයෙන් මෙම ටෙලි නිර්මාණය ආරම්භ වෙයි. දිසානායක පවුලේ නන්දාවතී ඉස්කෝල හාමිනේ හා අසංක සමරසේකර යන චරිත දෙක කේන්ද්‍රීයව තබා ගනිමින් අතීතය හා වර්තමානය අතර ආත්මීය අන්තර් ඡේදනයන් හරහා ස්මර්ණ සමාප්ති විහිදී යයි. මෙහි නිර්මාණාත්මක සුවිශේෂත්වය වන්නේ සමස්ත සමාජ සංසිද්ධියක රාමුව තුළින් මෙම සුවිශේෂි ග්‍රාමීය සිදුවීම දෙස නරඹනවා වෙනුවට ආත්මයේ හා ලුබ්ධියේ රාමුකරණය තුළින් සමාජ දේශපාලන ඉතිහාස කථාව සංකේතකරණය කිරීමයි. ටෙලි නාට්‍යයේ කාල-චලන රූපයන් වනාහී එක්තරා අයුරකින් මෙහි පාත්‍ර වර්ගයා සිය ආත්මීය මරණීය සිරවීමෙන් ගැලවීම පිණිස බාහිරට ප්‍රක්ෂේපනය කළ රාමු සමුදායක් වැනිය. ආඛ්‍යානයට පසුබිම් වූ බිහිසුණු සිදුවීම් බොහොමයක් නිර්මාණයේ මතු වියමන තුළ ප්‍රේක්ෂක අත්දැකීමක් බවට පත් කිරීමට සත්‍යජිත් මාඉටිපේ උත්සාහ දරා නැත. ඒ වෙනුවට ස්මර්ණ සමාප්ති හි හිංසනය නිදන්ගතව ඇත්තේ නිර්මාණය විසින්ම පාදාගත් පෘෂ්ඨීය ගැඹුරක් තුළය. ටෙලි නාට්‍යයේ තීරණාත්මක දර්ශනයක් වන රංකිරියාගේ පවුල මරාදමන අවස්ථාව රූපණය කර ඇති ආකාරය ඊට එක් නිදසුනකි. එහි වන්නේ අපැහැදිළි දුරස්ථ රූපයකි. හඬපටය පමණක් තීව්‍ර ව ඇසෙයි. නිර්මාණය පුරාම විටින් විට අපට පෙන්වන බුද්ධ රූපය ඇතුළු බෞද්ධ සංඥාවලින් ද හිංසනයේ දසුන් මෙම වියමනේ මතුතලයට ආයෝජනය කිරීමට ඇති නොකැමැත්ත ප්‍රදර්ශනය කර තිබෙයි. ටෙලි නාට්‍යයේ රූප වින්‍යාසය ගොඩනැගී ඇත්තේ නිර්මාණයේ ඵෙතිහාසික සුසමාදර්ශයේ ප්‍රචණ්ඩ අමුද්‍රව්‍යයන් මූලික ආඛ්‍යාන ව්‍යුහයට දුරස්ථව තබා බව පෙනෙයි. ස්මර්ණ සමාප්ති නම් වූ කලා නිර්මාණයේ ප්‍රචණ්ඩත්වයට ඇත්තේ ව්‍යුහාත්මක සැකැස්මකි. එම නිසා එම උපාය මාර්ගය විසින් සමාජ දේශපාලන සැකැස්මක ප්‍රචණ්ඩත්වය සංවිධානය වී ඇති ආකාරය ඉඟි කරයි. සමාජ ප්‍රචණ්ඩත්වයට ඇත්තේ ව්‍යුහාත්මක අරුතකි. මෙම ටෙලි නිමැවුම සෞන්දර්ය ප්‍රවර්ගයක් ලෙස ජනනය කරන දේශපාලන අරුත සංකීර්ණ වන්නේ එබැවිණි.

මෙම රචනයේ යෝජිත කේන්ද්‍රීය ප්‍රස්තුකය වෙතට අපට දැන් එළඹිය හැකිය.

80 දශකයේ අග සිංහල බෞද්ධ ගම්බිම් පුරා ඇවිලී ගිය ගිනිදැල් හා දුම් රොටු යනු ඒකත්වයක ද්විරූපකාරයන් විය. ගැටුමේ ප්‍රධාන පාර්ශව දෙක වූ ජාතික- ජනතා විමුක්ති සටන්කරුවන් හා රාජ්‍ය මර්දන යන්ත්‍රයේ සේවකයන්ගේ ගර්භාෂය වූයේ සිංහල බෞද්ධ ග්‍රාමීය සංස්කෘතියයි. සභ්‍යත්ව රාජ්‍යයේ පදනම වූයේ එයයි. එහෙත් ඉන් දෘශ්‍ය කෙරුණේ වියරු ම්ලේච්ඡත්වයකි. අප හොඳින්ම දන්නා පරිදි සටන්කරුවන්ගේ තීරණාත්මක සමාජ අනන්‍යතාවය ලෙස මතුව ගැටුමේ ප්‍රධානතම ආධාරකයක් වූයේ කුල සාමූහිකත්වය හා කුල ධූරාවලියේ ආන්තිකකරණයයි. ස්මර්ණ සමාප්තිහි දිසානායක පවුල විසින් රංකිරියාගේ පවුල වෙත උසිගැන්වෙන මර්දනය එහි කේන්ද්‍රීය තේමාවකි. ඒ වන විට නව ලිබරල් ආර්ථීක විවෘතකරණය විසින් ද ඊනියා සිංහල බෞද්ධ සමාජ සමස්ථයේ සීමාව ව්‍යුහාත්මක අර්බුදයක් ලෙස අභිමුඛ කෙරී තිබිණි. කුල හා පංතිමය ඇතුළු පසමිතුරු අක්ෂයන්ගේ ගොඩනැංවීම් හරහා මෙම සමාජයේ අභ්‍යන්තර සීමාව ප්‍රචණ්ඩ සමාජ ප්‍රතිවිරෝධයක් ලෙස බහිෂ්කරණය කෙරිණි. නව ග්‍රම්ස්චියානු පශ්චාත් මාක්ස්වාදී භාෂාවෙන් කිවහොත් 'සමාජය යනුවෙන් දෙයක් පවතින්නේ නැත'. සමාජය යනු හිස්තැනකි. එම නිශේධනය ධනාත්මක පැවැත්මක් බවට පත්වීමට එනම් 'සමාජයක් පවතී' යන්න ගම්‍ය කරගත හැක්කේ එකී හිස්තැන පසමිතුරු අනන්‍යතාවයන්ගේ අරගලකාරී වැඩබිමක් බවට මූර්තිමත් කරලීමෙනි.



සමාජයක ඊනියා ඒකත්වය දෘශ්‍ය කෙරෙන්නේ පෙර කී අභ්‍යන්තර නිශේධනය සතුරු අනේකත්වයක් ලෙස බැහැරට ගොඩනැංවීමෙනි. 80 දශකයේ අන්තය විසින් ප්‍රදර්ශනය කෙරුණේ මෙතෙක් පැවැති සිංහල බෞද්ධ සමාජ සමස්ථයේ උන්මූල රැඩිකල් සීමාවයි. එම නෛසර්ගික හිස්තැනට සමාජයක් අභිමුඛ වීම හා එය බාහිර පසමිතුරු අනේකත්වයක් වෙතට විස්ථාපනය කිරීම අතර එකට එක සම්බන්ධයක් නැත. එම සම්බන්ධය ගොඩනැංවීම යනු සාමූහික දේශපාලන මැදිහත්වීමකි. අසූවේ ප්‍රචණ්ඩත්වය යනු සිංහල බෞද්ධ ග්‍රාමීය සමාජයේ රැඩිකල් සීමාව අභිමුඛ වීමයි. එහි පසමිතුරු අක්ෂයන් ලෙස අනන්‍ය කෙරුණේ නව ධනේෂ්වරයෙන් නැගී ආ පංතිමය භේදය හා විහිදුණු කුල ස්ථරායනයන්ගේ භේදයයි. එකී අක්ෂ එකිනෙක අතිපිහිතව තිබිණි. සමූහය හා එහි නිශේධනය අතර ඇත්තේ ලුබ්ධිමය සම්බන්ධයකි. අප හා ඔවුන් යනුවෙන් අඳින රේඛාව ලුබ්ධිමය ආයෝජනයකි. පශ්චාත් ප්‍රචණ්ඩ සමය තුළ නන්දාවතී ඉස්කෝල හාමිනේ හා අසංක සමරසේකර අතර ගොඩනැගෙන පශ්චාත්තාපී අනුවේදනීය සම්බන්ධය යනුද එම ලුබ්ධිමය ආයෝජනයේ පුනරීක්ෂණයක් බදුය. ටෙලි නිර්මාණයේ ආත්මීය දෘෂ්ටිපථය සංවිධානය වී ඇත්තේ මෙම දෙදෙනා ප්‍රමුඛ අනෙකුත් පාත්‍රවර්ගයා අතර ගොඩනැගෙන ලුබ්ධිමය ආතතික බන්ධනයන් හරහාය. හෘදසාක්ෂිය හා පරිත්‍යාගයන් බදු මනසිකාරයන් සමග ප්‍රේක්ෂිකාව තුළ සානුකම්පිත පරිකල්පනයක් ගොඩනැංවීමට නිර්මාණය සමත්වුවද එහි ව්‍යුහය හිතනවාට වඩා දේශපාලනික වන්නේ එබැවිනි.

අසංක සමරසේකර වෛද්‍යවරයාත් නන්දාවතී ඉස්කෝල හාමිනේත් මුහුණ දෙන අර්බුදය වන්නේ අතීතය පිළිබඳ බිහිසුණු ක්ෂතිය සංකේතනය කිරීමේ අසමත්කමයි. සිය ගැමි-කුල පීඩිත ජීවිතයේ භෞතික කොන්දේසි ජයග්‍රහණය කිරීමට අසංකට (දයාරත්නට) යානයක් වූ බටහිර වෛද්‍ය අධ්‍යාපනය හා මායාගේ මාතෘමය ආදරය පවා ඔහුගේ ආත්මීය භෞතිකය ජයග්‍රහණය කිරීමට සමත් නොවෙයි. පන්සල, දානය, බෞද්ධ සදාචාර පරිසරය මත සිය ජීවිතය ස්ථානගත කළද නන්දාවතී මහත්මියගේ භෞතිකය ඇත්තේ අන් තැනකය. එය අතීත සිදුවීම් මාලාවේ තරංගයන්ගෙන් කම්පිතය. සත්‍යජිත් මාඉටිපේ විසින් මෙම ලුබ්ධිමය බලරටාවන් සංකීර්ණ රූපකවත් රූපාවලියක් බවට පත්කර තිබෙන්නේ මෙකී අන්‍යෝන්‍ය අසමත්කම ආත්මයේ මරණීය සිරවීමක් ලෙස නිරූපනය වන පරිදිය. ශරීරය අවසඟව ව්‍යාධියට පත් නන්දාවතී මහත්මිය වෙත අසංක විසින් ආත්ම කරුණාව පළකිරීමෙන් හෝ ඇය විසින් දයාරත්න හරහා පශ්චාත්තාපී හෘද සාක්ෂියේ නිහඬ සමා අයැදුම භජනය කිරීමෙන් හෝ ඔවුන් මුහුණ දෙන ගැඹුරු ප්‍රතිවිරෝධය විසඳෙන්නේ නැත. ස්මර්ණ සමාප්ති හි රූප වින්‍යාසය ඒ පිළිබඳ සංවේදී වී ඇත. ස්මරණ සමාප්ති නිමවන්නේ මෙම නොවිසඳුනු පරතරය ශේෂ කරමින්ය. ස්මරණයන් සමාප්තියට පත් බවක් ඉඟි කළද එය තත්වාරෝපනයක් පමණි. නිර්මාණය ඊට දෙස් දෙයි.

කුල විභේදනය හා රාජ්‍ය මර්දනයට එරෙහි කැරැල්ලක් ලෙස පැනනැගි සිංහල බෞද්ධ දකුණේ මෙකී අභ්‍යන්තර මරඋගුලෙන් ගැලවීමට අවශ්‍ය භෞතිකවාදි පිළිතුර සම්පාදනය කෙරෙන්නේ ටෙලි නිර්මාණය විකාශය වීමෙන් පසු එළැඹි දශකය (2000) තුළයි. ස්මරණ සමාප්ති මෙම අනාගතය නොදනී. එහෙත් අවිඥානිකව දනී. උතුරේ රැඩිකල් දෙමළ අනෙකාට එරෙහිව දකුණේ රණකාමී සිංහල බෞද්ධ ජාතිවාදී හෙජමොනියක් ගොඩනැංවීම මෙම දශකයේ නවමු දේශපාලනය විය. දේශපාලනිකව ගොඩනැගූ සිංහල බෞද්ධ ඒකත්වයක් විසින් උතුරේ දෙමළ සිවිල් හා මිනිස් සමාජය මත දැවැන්ත මර්දනයක් දියත් කෙරුණු අතර යුද්ධය නිමාවූයේ තවමත් ඔඩු දුවමින් තිබෙන ජන සංහාර හා මනුෂ්‍ය ඝාතන පිළිබඳ ස්මර්ණ තුවාලයක් ශේෂ කරමිනි. 80 දශකය තුළ මුහුණ දුන් ක්ෂතියට ආරක්ෂණ පිළිතුරක් ලෙස සොයාගත් තිර තාක්ෂණය වූයේ උතුරු වෙත දියත් කළ ජාතිකවාදී මර්දනයයි. 2009 දෙමළ ජන ඝාතනය ද දකුණට නව ක්ෂතිමය අත්දැකීමක් විය. පැරණි ක්ෂතිය නව ක්ෂතිමය මුණගැසීමකින් විස්ථාපනය කෙරිණි. ටෙලි නිර්මාණයේ ස්මරණයන් සමාප්ත වන්නේ නව දෘෂ්ටිවාදි ප්‍රබන්ධයක් ඊළඟ දශකයට ඉතිරි කිරීමෙනි. එහෙත් භෞතිකය අන් තැනක විය. ටෙලි නිර්මාණයම රූපිකයක් කර කිවහොත් දෙදාහ දශකයේ මැදභාගය වන විට ඉස්කෝල හාමිනේලා, (ඇයගේ හමුදා නිලධාරී පුතු) සාලිය දිසානායකලා, අසංක සමරසේකරලා රණකාමී සිංහල ජාතික වේදිකාව මත එකට අතිනත ගත්හ. මානෙල් මල් පැළැන්දාහ. පැළැන්දූහ. වසර කිහිපයක බිහිසුණු ස්මරණයන් ඊළඟ දශකය තුළ සමාප්ත කෙරුණේ ඵෙතිහාසික සෝපහාසයක් ජනනය කරමිනි. අප ජීවත්වන පශ්චාත් යටත් විජිත ලංකාව වනාහී යුක්ති සහගත අරගලයන් තුනක් ලෙයින් යකඩයෙන් මර්දනය කර පරාජයට පත් කළ රටකි. චණ්ඩ කුණාටුව පසුබැස ගිය ද අහස් කුස යළිත් කළු වලාවන්ගෙන් ගැබ්බර වෙමින් තිබෙයි. විමුක්තියේ හා මර්දනයේ මතක ස්මර්ණ සමාප්ත නොවන නව යුගයකට අපි එළඹ සිටිමු. යුක්ති ධර්මය යනු හෘද සාක්ෂියේ වැළපිල්ල නොවෙයි.
මේ වියමන ඔබේ මූණු පොතට එක් කරන්න-
Tags- Smarana Samapthi by Sathyajith Maitipe, Sinhala Tele Film, Film Reviews, An Absolution
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
විදර්ශන කන්නන්ගරගෙන් තවත් වියමන්
අදහස්
ගෝඨාභය චින්තනය
Cine
ශිෂ්ටාචාරය හා එහි අසහනය | යටත්විජිත මනසක නිධානය
තවත් Cine බූන්දි
ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය
ස්වරූප නොපෙන්වීමේ සහ නොබැලීමේ විනෝදය
බහුචිතවාදීයා- සමකාලීන අගනාගරික සමාජ සැකැස්ම සහ එහි දේශපාලන ආර්ථීකය පිළිබද නියෝජනයක් ලෙස
බස්‌සා තටු සලන ගොම්මනේ නැටීම- ධර්මසේන පතිරාජගේ 'ස්‌වරූප' ගැන විචාරයක්‌
"මේ රට මගෙ නෙවෙයි; මගෙ අම්මගෙත් නෙවෙයි" සමඟ "28" කියවීම
බූන්දි නව ඊමේල් ලිපිනය- editorial@boondi.lk
BoondiLets
ඉගිල්ලෙන මාළුවෝ චිත්‍රපටයෙන්
"බුදු වෙන්න හිතාගෙන වුනත් සිද්ධාර්ථ කුමාරයා යසෝදරා දේවිව දාල ගිය බව මම දන්නව. ඒ අය අපි වගේ නෙමෙයි. ආත්ම ගණන් පෙරුම් පුරපු අය."
****

"දන්නවද? සිද්ධාර්ථ කුමාරයා... [More]
What's New | අලුතෙන්ම
ඔත්තු| නුඹ සුළං රැල්ලක්ව- පෙබරවාරි 17

9-Secs

නිශාන්ත ෆර්නෑන්ඩුගේ පළමු කාව්‍ය සංග්‍රහය "නුඹ සුළං රැල්ලක්ව", 2017 පෙබරවාරි 17 වැනිදා සවස 3:00ට, මහවැලි... [More]
අදහස්| සිරිසේන සිදාදි එනවද, සිංහලේම ඉන්නවද?

2-Mins

(ඥානසිරි කොත්තිගොඩ) යහපාලන ආණ්ඩුව ඉවරද​? අගමැති වෙනස් වෙයිද​? එජාප නායකකම රනිල්ට අහිමි වේවිද​? මහින්ද අගමැති වේවිද​? මේ දිනවල ජනතාව අතර වැඩිපුර... [More]
අදහස්| පැ ර දු නේ ක වු ද ?

2-Mins

(නැදිමාලේ Miniහෙක්) මැතිවරණයක ජය පරාජය තමන් කැමති ඕනෑම රසකාරක අනුපාන හෝ තිත්ත අබිං දමා විග්‍රහ කර ගැනීම ඕනෑම පක්ෂයකට පුද්ගලයෙකුට කාගෙන්වත් බාධාවක්... [More]
අදහස්| [සරදගේ ලියුං හැකින්ස්]- 'මියන් කුමරා' අලි පැටියාට මියන්මාරයෙන් ලියුමක්

1-Mins

බෙල්ලන්විල හාමුදුරුවන්ව අපවත් කළ මියන්මාරයෙන් ගෙනෙන ලද ඇත් පැටියාට මියන්මාරයෙන් අවතැන් වීමට සිදුවී ඇති රෝහින්ග්‍යා සරණාගත පවුලක ළමයෙක් ලියුමක් එවලා.... [More]
කතන්දර| "ඇඳ යට කොටියෙක්"- ළමා කතන්දරය [වීඩියෝව]

28-Secs

"ඇඳ යට කොටියෙක්"- පොඩිත්තන්ට විනෝදාත්මක කතන්දරයක් [කාටූන්]- Anupa Lal ලියා, Suvidha Mistry සිත්තම් කළ "Under My Bed" ළමා කතන්දරයේ සිංහල... [More]
කවි| සදාතනික සිසු විරුවාණෙනි, මම නුඹේ ප්‍රේමවන්තිය වෙමි!

34-Secs

(සාරධිකා මංජරී හේරත්) වසන්තේ මල් පිපී තිබුනලු
අවාරෙට රඟහලේ තනියට
හන්තාන අළු වෙලා බෝ කල්
පුරුදු ලෙස ගිම්හාන සුළඟට
නුඹත් මේ සඳ දකිනවා ඇති
ප්‍රේම හැඟුමන් මතෙන් නලියන... [More]
Cine| ලාංකේය සිනමාව වාණිජවාදී විනෝදායන කර්මාන්තයක් වීම හා ධර්මසේන පතිරාජගේ ප්‍රේක්ෂාගාරය

19-Mins

(ජයන්ත අමරසිංහ / සමන් එම්. කාරියකරවන ) ධර්මසේන පතිරාජ ශ්‍රී ලාංකේය සංස්කෘතිය තුළ ශක්තිමත් ව ස්ථානගත ව ඇත්තේ ශ්‍රව්‍ය දෘශ්‍ය කවියෙකු ලෙසිනි. ඔහු අතින් කාව්‍ය, නාටක, ගීත,... [More]
කතන්දර| "සිංහ කොඩියෙ කතන්දරේ" සිංහයා කියා දෙයි! [වීඩියෝව]

20-Secs

අපේ ජාතික කොඩිය සහ එහි ඉතිහාසය ගැන පොඩිත්තන්ට කියාදෙන- "සිංහ කොඩියෙ කතන්දරේ"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි... [More]
කතා-බස්| "බොහෝ ලේඛකයන් බයයි ඇත්ත කථාකරන්න!"- අශෝක හඳගම සමග කතාබහක්

6-Mins

(ඩිල්ෂානි චතුරිකා දාබරේ) ප්‍රවීණ සිනමාකරුවකු වන අශෝක හඳගම විසින් රචනා කරන ලද 'අම්මා සහ සඳ එළිය' කෙටිකතා සංග්‍රහය නව මුද්‍රණයක් ලෙසින් එළි දක්වා... [More]
අදහස්| [සරදගේ ලියුං හැකින්ස්]- එඩ්වඩ් කුමාරයාගෙන් එංගලන්තේ මහරැජීනට ලියුමක්

2-Mins

ලංකාවේ නිදහස් උළෙලට සපෝට් එකක් දෙන්න මේ දවස්වල ලංකාවට ඇවිල්ල ඉන්න එංගලන්තේ මහ රාජිනීන්වහන්සේගේ දෙවෙනි පුත්‍ර රත්නය වන එඩ්වඩ් කුමාරයාණන්වහන්සේ... [More]
BoondiLets| බර්ටොල්ට් බ්‍රෙෂ්ට් කියයි.
බැංකු මංකොල්ල කන්නේ ආධුනික හොරුන්ය. නියම වෘත්තීය හොරුන් කරන්නේ අලුතෙන් බැංකුවක් පිහිටුවීමය!
කවි| සිද්ධාර්ථ සහ මරියා ගේ පේ‍්‍රමයේ මහිමය!

28-Secs

(තුෂාරි ප්‍රියංගිකා) පිනිකැට අහුලමි
ඔබ එහි ඇද්දැයි බලමි
පිරිත් පැන් කළයකට දමා
තුන් සූත‍්‍රය වඩමි

මරියා මම! ඇසින් වට... [More]
අදහස්| මේ "අහවල් FM" වහුකුණු රේඩියෝවයි!

2-Mins

(තාරක වරාපිටිය) එක්තරා FM රේඩියෝ චැනලයක් විසින් නිතර විකාශය කරන, සමාජ මානසිකත්වය රෝගී කරවන එහි වැඩසටහන් පිළිබඳව පූර්ව දැනුම්දීම් කිහිපයක් ශ්‍රවණය කිරීමට... [More]
කවි| රයිපලයට තවත් පතුරොමක් ඔබමි.

14-Secs

(ලාල් හෑගොඩ) මාස පෝය දිනක
සඳ මත සිට
පොළොව දෙස
කැක්කුම් ඇසකින් බලමි

පෙම් කවක් ලිවිය යුතු උන් සැමට... [More]
ඔත්තු| කව්සිළුමිණ සහ අබෞද්ධ දෘෂ්ටීන් සහ ආසියානු සන්නිවේදන පර්යාවලෝකයන්- ජන. 26

14-Secs

දර්ශන අශෝක කුමාර විසින් රචිත "කව්සිළුමිණ සහ අබෞද්ධ දෘෂ්ටීන්" හා "ආසියානු සන්නිවේදන පර්යාවලෝකයන්" (Asian Perspectives... [More]
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook