Facebook
Twitter
Google+
YouTube
Blog
RSS Feed
අදහස් බූන්දි
අප ඔවුන්ගෙන් වෙනස් විය යුත්තේ කෙලෙසද?
බූන්දි, 17:59:24
මා හිතවත් උපාසිකා මාතාවක් කී දෙයක් තේමා කරගෙන මෙම සටහන ලිවීමට අදහස් කලෙමි. ඇය නොවරදවාම පොහොයට සිල් සමාදන් වන, කාර්යාලයේ සෑම ආගමික වැඩසටහනකටම, භක්ති ගී වැඩසටහනකටම සම්බන්ධ වන ගව මස් නොකන අයෙකි. එනමුත් පසුගිය ආණ්ඩුවේ එක්තරා පාර්ශ්වයකගේ අනුග්‍රහය ඇතිව ක්‍රියාත්මක වූ බොදු බල සේනා නම්වූ මුස්ලිම් විරෝධී අන්තවාදී කල්ලියේ වැඩ පිළිබඳව යටි සිතේ ආශ්වාදයෙන් යුතුව පහන් සංවේගය උපදවාගෙන සිටියාය. ඇය සාමාන්‍යයෙන් මුස්ලිම්වරුන් ආමන්ත්‍රණය කරන්නේ "හම්බයින්" යනුවෙනි.

මෑතකදී කොළඹ ආනන්ද- නාලන්ද විද්‍යාල වලට ළමුන් ඇතුළත් කරගැනීමේ ක්‍රමවේදය පිළිබඳව කළ කතාබහකදී ඇය කී ප්‍රකාශයේ සාමාන්‍ය අදහස වුයේ "හම්බයින් මේ බෞද්ධ විද්‍යාල වලට කුමන පදනමින් හෝ ඇතුළත් නොකළ යුතු බවත්; එවන් තීරණයක් ගතහැකි කොන්ද පණ ඇති පාලනයක් දැන් නොමැති බවත්"ය. ඊට‍ ඌනපුරණ සැපයු තවත් උපාසිකා මාතාවක් කියා සිටියේ, ඒ අයට සහිරා විද්‍යාලය ඇති බැවින් තමන්ගේ සංස්කෘතියට ගැලපෙන අයුරින් එහි ඉගෙනීම ලැබිය හැකි බවයි.

මෙම අදහස් සම්බන්ධව සමාජයේ ප්‍රගතිශීලී ප්‍රාර්ථනාවන් ඇති මිනිසුන් දිය යුතු පිළිතුර කෙබඳු විය යුතුද?

සංස්කෘතික නොරුස්නාකම්, වෙනස්කම් අඩුකොට එමෙන්ම තම තමන්ගේ සංස්කෘතික අඩුපාඩුකම් හඳුනාගෙන ඒවා සංස්කරණය කරගත හැක්කේ වෙන් වෙන්ව ජීවත්වීම තුළින් නොව හැකිතරම් එකට, සාමුහිකව ජීවත්වීම තුළිනි. සිංහල දෙමළ බහුතරයක් සමග ජීවත් වෙමින් ඔවුන් හා මිතුරන් ලෙසින් ජීවත් වූ මුස්ලිම් අයෙකුට අන්‍ය වාර්ගික මනුෂ්‍යයෙකු තවත් මනුෂ්‍යයෙකු ලෙසින් තේරුම් යනු ඇත. එවිට (කුමන තත්ත්වයක් මත වුව) අන්‍යයෙකු කෙරෙහි බලවත් සතුරු හැඟීමක් පහල වීමට ඇති ඉඩකඩ අඩුවෙයි. එනිසා අප ප්‍රවර්ධනය කලයුත්තේ වෙන් වෙන්ව විසීම නොව විවිධ වාර්ගික හා ආගමික කොටස් සමානුයෝජනය කිරීමේ ක්‍රමවේදයකි.

ඉතිහාසයේ එක් එක් ගෝත්‍ර වශයෙන් වෙන්වෙන්ව ජීවත් වූ කාලයේ අනෙක් ගෝත්‍රය යටපත් කිරීම කිසිම දෙගිඩියාවකින් තොරව ක්‍රෑර ආකාරයෙන් කළහැකි වුයේ තම ගෝත්‍රය හැර වෙනත් පිටස්තර ගෝත්‍රයක් තමන් වැනිම මනුෂ්‍ය කොට්ඨාශයක්ය යන හැගීමක් හෝ අවබෝධයක් එකල ඔවුනට නොවීම නිසයි. නමුත් අද අපි මේ සියලු මනුෂ්‍ය ප්‍රාණීන් යනු එකම පුරුකකින් ජන්මය ලැබූ සමානයෝය යන අවබෝධය හා ඊට අදාළ මානව ප්‍රවේණි විද්‍යාත්මක සාක්ෂි සහිත ලෝකයක ජීවත් වන්නවුන් වෙමු. යම් රටක සිදුවූ බලවත් ආපදාවකදී අනෙක් සමාජ වල, රටවල වල මිනිසුන් එය දැක කම්පාවට පත්වෙයි. පොදුවේ ගත්කල මනුෂ්‍ය ප්‍රජාව දිනෙන් දින එකී අවබෝධය ඇතිව තමන් කිසිදා නොදුටු තවත් මනුෂ්‍යයෙකුට පවා උපකාර කරමින් උසස් මනුෂ්‍යත්වයක් කරා එළඹෙමින් සිටියි. සිරියාවේ දහස් ගණන් සරණාගතයින් තම රටට භාරගනිමින් ජර්මනිය ඇතුළු යුරෝපීය රටවල් (අයි.එස්. ත්‍රස්තයින්ගෙන් එල්ලවිය හැකි අවදානම පවා දරමින්) තම රාජ්‍යයේ ආරක්ෂාව පවා පරදුවට තබමින් එකී මානවවාදී ගුණය ප්‍රදර්ශනය කළෝය.

කෙසේ මුත් ජාතිවාදී ප්‍රවණතාවයන් හා ආගම්වාදී උන්මත්තකයින් පරාජය කිරීමට අසමත් රාජ්‍යයන් කිහිපයක් නිසා මෙම මානවවාදය එක්තරා ප්‍රමාණයකට තර්ජනයකට ලක්ව ඇත. අප රටේ පසුගිය පාලක රෙජීමය තුළ මෙවැනි ආගම්වාදී උන්මත්තකයින් පිරිසක් රට තුල ආගමික-වාර්ගික ගින්නක් සඳහා පසුබිම සරුකරමින් සිටියේය. ඒවා පරාජය කිරීමට එවකට ආණ්ඩුවේ මුදුනේ වැජඹුන'වුන් තුළ බලවත් අධිෂ්ටානයක් නොවුනි.

ගැටුම්කාරී තත්වයක් උත්සන්න වූ විට සමාජයේ සිටින මධ්‍යස්ථ කොටස් දුර්මුඛ කොට අන්තවාදී කොටස් වෙත ඉඩකඩ වැඩියෙන් විවර වෙයි. සමාජයේ සන්නිවේදන අවකාශය පිරී යන්නේ ගැටුම් හා ඊට‍ එරෙහි ප්‍රතික්‍රියාවන් වලිනි. එනම් එදිරිවාදිකම් මිස එය සමනය වීමේ විභවයන් නිර්මාණය නොවේ. සන්සුන් මානසිකත්වය අහිමිවී උද්වේගකර හැගීම් වලින් සමාජ මානසිකත්වය පිරීයයි. එවිට දෙපාර්ශ්වයේම ගැටුම්කාරී පාර්ශ්ව සමාජයේ සියලු ක්ෂේත්‍ර ග්‍රහණයට නතුකරගනී. එවැනි සන්දර්භයක් තුල මනුෂ්‍යයෙකුට කෙතරම් නම් ම්ලේච්ජයෙකු බවට පත්විය හැකිද යන්න දෙවන ලෝක යුද්ධයේ අත්දැකීම් අපට කියා දෙයි. එනිසා පළමු කොන්දේසිය වන්නේ මේ තත්ත්වය අවබෝධ කරගතහැකි සමාජ කොටස් ගැටුම්කාරී තත්වයක් ඇතිනොවීමට අවශ්‍ය මැදිහත්වීම කළයුතුවීමයි. ගැටුමක් මුලපිරු පසු ක්‍රමක්‍රමයෙන් එදිරිවාදිකම ඔඩුදුවා ගොස් අනෙකෙකු විනාශ කිරීමට, අනෙකාගේ සනුහරේ කෙනෙකු පවා විනාශ කිරීමට අවශ්‍ය හේතු නිර්මාණය වෙයි; විනාශය සාධාරණීයකරණය කරගැනීමට හේතු කාරණා ගොඩනැගෙයි.

මෙම අවදානම පිලිබඳ අවධාරණය මේ මොහොතට අදාළ වනුයේ, පරාජිත ජාතිවාදී කොටස් හා ආගම්වාදී උන්මත්තකයින් තම පැරණි ගිනිකෙළියට යලිත් කැසකවමින් සිටින බැවිනි.
කාටූනය- අවන්ත ආටිගල (Awantha Artigala Facebook Page)
මේ වියමන ඔබේ මූණු පොතට එක් කරන්න-
Tags- Sri Lankan National Unity, Reconciliation, Sinhala, Tamil, Muslim, Communal Unity, Communal Violence, Ethnic Clashes, Bodu Bala Sena
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
කෙවින් කරුණාතිලකගෙන් තවත් වියමන්
අදහස්
මෙහෙව් රටේ දේශපාලනය යනු කුමක්ද?
තවත් අදහස් බූන්දි
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
ඒ ඇගේ අහසයි!
සිංහලයා වඳ වෙමින් යනවද?
බූන්දි නව ඊමේල් ලිපිනය- editorial@boondi.lk
BoondiLets
ආනන්ද මෛත්‍රෙය හිමි ආගම්වාදීන්, ජාතිවාදීන් ගැන....
ආගම්වාදීන්, ජාතිවාදීන් අන්ධයන් පෙළක් වැනිය. මුලින් සිටින්නා ද නොදකියි, මැද සිටින්නා ද නොදකියි- පිටුපසින් සිටින්නා ද නොදකියි.

-බලන්ගොඩ ආනන්ද මෛත්‍රෙය මහනාහිමි (1896- 1998)
What's New | අලුතෙන්ම
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
පොත්| ලිස්සන පපුව මැද නොලිස්සන ගැහැනු සලකුණ

7-Mins

(හර්ෂිනී පුෂ්පමාලා ආරච්චිගේ) සාහිත්‍ය නිර්මාණ අතර භාවික ගුණයෙන් වඩා වැඩි සාහිත්‍යාංගය කවිය යයි සිතමි. තේමාත්මක ගැඹුරත්, කාව්‍යෝචිත බසත්, බහු විධ අරුත් සපයන භාෂා... [More]
කවි| දුම්මල ගලට ගිය අම්මා

20-Secs

(නන්දන වීරසිංහ) දුම්මල ගල ඉමේ මහ මූකලානේ
අඳෝනාව ඇඟ හීගඩු නඟන්නේ
කන්දේ් පරවේණී උළලේනියන්නේ
රෑ සමයමේ ඇයි මා බය කරන්නේ

අපෙ අම්මා දුම්මල ගලවන්න ගියා... [More]
කරන්ට්ස්| විප්ලවවාදියකුගේ නඩු විභාගය

39-Secs

(පරාක්‍රම කොඩිතුවක්කු) I.
(පාසලේ රපෝර්තුව)

උගන්වන සියලු දේ සැක කරයි
ප්‍රශ්න කරයි
අසම්මත ලෙස සිතයි... [More]
කවි| වස්සානය

45-Secs

(රත්න ශ්‍රී විජේසිංහ) ඔය දෑල දොඩමලු ය, සුවඳ බැරුවා ඉන්ට
නිල් වතුර තුරුලු කර කෙසේ අතහැර යම් ද?
කෙකටියා පඳුර සුදු මල් පොකුර වඩාගෙන
සොඳුර, නුඹ වාගේ ම හිනැහේය මා එක්ක

කුඹුක් අතු වතුර අතගගා නැමිලා දියට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook