Facebook
Twitter
Google+
YouTube
Blog
RSS Feed
අදහස් බූන්දි
විරහවේ නොස්ටැල්ජියාව, ආදරය සහ කවිය
බූන්දි, 19:14:05
ජීවිතය යනු බුද්ධීමය සහ භාවමය තල අතර දෝලනයකි. සෑම සංසිද්ධියක ම, සෑම ප්‍රපංචයක ම සෑම සමාජ භූමිකාවක ම පාහේ පවතින්නේ කිසියම් ආකාරයක භාවමය සහ බුද්ධිමය පැතිකඩ එකතුවකි. ගුණදාස අමරසේකරයන්ගේ කතරගම කවිය යථෝක්ත කාරණය පිළිබඳ කිසියම් අධ්‍යනයකට මා හුරුකරවන්නට ඇතැයි සිතේ. කවියකින් දැනෙන සුවපත්භාවය, සැහැල්ලුව වෙනුවෙන් කවි කියවීම පුරුද්දක් කොට ගන්නේ ද එහෙයිනි. කවිය සම්බන්ධව සහ කවියෙහි රස සම්බන්ධව උත්තමාකාර විඳීමක් ද කවිය හුරු කරවන්නාවූ දැකීම ද කවිය ඉස්මතු කරන්නාවූ විඳීමද, එපමණකුත් නොව සියල්ලක් නොපවසා හදවතේ ඇති කරවන්නා වූ සියුම් පෑරිල්ල ද වෙනුවෙන් කවි කියවන පිරිස අතරින් පතර හෝ දැකීම භාග්‍යයකි. කවිය නිවීමකි. මෝක්ෂය යැයි නිර්වචනය කළ නොහැකි නිවීමකි. ජීවිතය ගිනි දදා පිච්චෙමින් පවත්නා වූත් විටෙක අළු යට පුපුරු ගසන්නා වූත් ගිනිකබලක් මෙනි. කවිය සියල් ආකාරයේ වේදනා මොහොතකට හෝ සුව කරන වේදනා නාශකයකි.

ඉහතින් සඳහන් කළ භාවගෝචර සහ බුද්ධිගෝචර සැකැස්මේ, වැඩි භාවගෝචර බරතැබීමක් ද අඩු බුද්ධිගෝචර බර තැබීමක් ද සහිත හැඟීම කි. නමුදු ඒ ඒ පුද්ගලයා සතුකරගත් පරිණතභාවය ද සමඟ ආදරය පිළිබඳව පවත්නා ස්වාධීන කියවීම අනන්‍යය. එහිලා බුද්ධිගෝචර ලෙසින් ආදරය නිර්වචනය කරන්නෝ ද නැතුවා නොවෙති. ආදරය වෙන්වීම වෙනස් වීම විප්‍රවාසය නෝක්කාඩුව සියල් සීමා සහ අනුසිද්ධීන් පුරා කවිය විහිදේ, මෙතෙක් ලියැවුණු කවි සියල්ලක්ම අතරින් ආදරය විරහව පෙම්වතිය පෙම්වතා යනාදිය අනුභූතිකොටගත් කවි කොතෙක්දැයි සැබෑ වශයෙන් නිශ්චය කිරීමද අපහසුය. මන්ද ගණනය නොවූ දින පොත් සටහන් වල රහස් ලේඛන වල පෙම් හසුන් වල ආදරය ගැන ලියැවෙන කවි ද කවි නිසාවෙන් ඒවා ඇස්තමේන්තු කොට මෙතෙකැයි කීම අපහසු සහ නිශ්ඵල හෙයිනි.

මෙහිදී ආදරය මාතෘකා පාඨ කොටගත් කවි ලියැවීම නිරායාසයකි. එහිදී සිදුවන්නේ ප්‍රතිනිර්මාණය නම් කාරණයයි.එහිදී පෙරින් ලියැවුණු කවියකින් අනෙක වෙනස් වන්නේ එහිලා ඉස්මතු කෙරෙන කවියාගේ ප්‍රතිභාවෙනි. කවිය තුළ අතිශය සියුම් මානයන් සංස්පර්ශය කරන්නේ ලැබීමට වඩා නොලැබීම ය, අතහැරීම, වෙන්වීම ය. බොහෝවිට එකී කාරණාවන් දිගහැරෙන්නේ ද ආදරය නම් මතකය නොස්ටැල්ජියාවකින් ප්‍රතිනිර්මාණය කරන ආරකිනි. කාව්‍ය නිර්මාණකරණයෙහි ද සුලභ වශයෙන් මෙවන් කවි දැකිය හැකි වන අතර ඒවාහි අනන්‍ය ලාක්ෂණිකයන් ද වෙන්කොට හඳුනාගත හැකි ය. 2015 දී කුමාරි දිසානායක කිවිඳිය විසින් රචිත 'ඔළු නැති කවි' නමැති කවි පොතෙන් ගත් උපුටනය විරහවේ නොස්ටැල්ජියාව ඉස්මතු කරයි.

"බිඳෙන් බිඳ බිඳුණු හිත
හදාගන්නටත් පෙර
ටිකෙන් ටික
විටින් විට
සියුම් ව බිඳෙව්වත්

ආයෙමත් ආයෙමත්
නොඑන ලෙස
මතකයේ ඉතිරිවුණු
අපේ ඒ
'සුපෙම්වත් දවස්'
යළි නොඑනු ඇත"


වර්තමානයෙන් ඇරඹි අතීතයට කිඳා බස්නා අපූර්ව ප්‍රතිභාව කවිය තුළින් සහෘදයාව මත්කරවන්නට ගන්නා එක්තරා ව්‍යායාමයක් සේ දැකිය හැකිය.

විරහවේ නොස්ටැල්ජියාව පිළිබඳව තදින් සහ සියුම් රිදවීම් පෑරිලි සිදු කරන කවියෙක් ලෙසට නූතන තරුණ කවිය තුළ රුවන් බන්දුජීව කවියා හඳුනාගත හැකි ය. ඔහු විසින් රචනා කරන ලද කවි වලින් සැළකිය යුතු ප්‍රමාණයක් තරම් කවි මෙකියන්නාවූ කාරණය් සඳහා උදාහරණ වශයෙන් සපයාගත හැකි ය.

"පොරි අහුරක්
ජින් බෝතල් තුනෙන්
දෙක හමාරක් ම
හැලුවෙමි
නුවර වැවට
ඉතිරි ටික මට

වැව, නුඹ
වෙරි විය යුතුය
අද

ඉක්බිති
කතා කළ හැක
අපට

මතකද ඇය
මුලින් ම පොරි අහුරක්
විසිකළ මොහොත
නුඹේ දිය රැළි මතට"


එක්තරා සරළ වූ අතීතකාමී මතකයක් වර්තමානය තුළ කවියකින් චිත්‍රණය කොට දැක්වීම පිළිබඳව කවියාගේ ශක්‍යතාවය විශේෂ ලෙස ඉස්මතු වේ. එහිදී භාවිතා කර ඇති වචන මාලාව හරහා ද එක්තරා ආකාරයක විශේෂ රැහැනක් සහෘදයා සහ කවිය අතර ඇද බඳින්නට කවියා සමත්ව ඇති බව පෙනේ.

එසේ ම පුද්ගලයා කොයිතරම් ආකාරයක අතීතකාමියෙක් ද, අතීතයට කොපමණ ලැදි ද යන කාරණය ඉස්මතු කෙරෙන කවියක් ලෙස පහතින් උදෘත කවිය දැක්විය හැකි අතර එයින් කතිකා කෙරෙන්නාවූ සන්දර්භය තුළින් කෙතරම් ආකාරයක මානසික පෑරිල්ලක් සෞන්දර්යයක් ලෙසින් ප්‍රතිනිර්මාණය කරලීමට කවියා සමත්ව ඇත්දැයි යන්න නිශ්චිතව වෙන්කොට විග්‍රහ කරගත හැකි ය. වේදනානුරූපී අතීතකාමය ආනන්දය දනවන ආකාරයකින් ප්‍රතිනිර්මාණය කිරීමේ සාහිත්‍යමය අපූර්වත්වය කවියා ප්‍රකට කරවන ස්වකීය ප්‍රතිභාවමය.

"සුදු වලාකුළු කිහිපයක් සහ
කන්ද මුදුනේ උන්නු පුරසඳ
කපා ගත්තෙමි කතුරකින්

හෙන්දිරික්කා මල් වගේකුත්
කඩාගත්තෙමි පඳුරකින්

කළු පැහැතු කඩදාසියක් මත
ඉහළ කෙළවර ඇලෙව්වෙමි සඳ
වලාකුළු සහ මල් ද අලවා
තබමි තැන තැන පුංචි පිනි කැට

පාට කුරක් අරං ඇවිදින්
මෙන්න මේ කඩදාසියේ මැද
ඇඳල දෙනවද මතක හැටියට
හිටපු හැටි අපි දෙන්න සඳ යට"


එපමණක් නොව ප්‍රේමයේ අතීතකාමය, ස්වභාව ධර්මයේ ප්‍රපංචයන් සමඟ සම්බන්ධකොට එයින් ව්‍යුත්පන්න කරන ලද මනස් සිතුවම සහෘද මනෝභාවයන්හි ප්‍රක්ෂේපණය කරන්න ට ද කවියා උත්සාහ ගෙන ඇති බව පෙනේ.

"ගඟේ මුහුණත්
මගේ මුහුණත්
බොහෝ කලකින්
හමු වුණා

මගේ මුහුණට එබී බැලූ ගඟ
ඇඟිලි තුඩකින් කසා තම හිස
මාව හඳුනා ගන්න ලකුණක්
හොයන බව මට වැටහුණා

සොඳුර ඔබ මා එක ම වර මිස
වෙන වෙන ම දැක පුරුදු නැති ගඟ
තවත් මොහොතක් බලාගෙන හිඳ
වංගුවක් ගෙන හැංගුණා"


කවිය තුළින් ඉස්මතු කෙරෙන සුවය සහ වේදනා පෑරිල්ලෙහි රිදීමේ හිරිවැටීම, උපරිමාකාරයෙන් දැනෙන කවි ලෙසින් උක්ත කවි සියල්ලම නිර්වචනය කළ හැකි අතර, කවිය ඒ ආකාරයෙන් පුද්ගල ජීවිතය වෙත එල්ල කෙරෙන වෙඩි උණ්ඩයෙන්, පසාරූ කොටගත් හදවත, ලෙය පුරාවාගත් පෑරිල්ලේ වේදනාවට කෑගැහෙන භාවයක් වන් රිදුම, සියල්ලම සමීප කෙරෙන සාහිත්‍යය අපූර්ව යැයි හැගෙන තරමට කවිය පුද්ගලයාට සමීප කරලීමට සමත්ව තිබේ.

කවියට අනුරාගය සැපයෙන්නෙ ප්‍රේමයෙනි. එය ද තීව්‍ර වන්නේ ලබා නොගත් සාක්ෂාත් කර නොගත් ප්‍රේමයෙනි. තැනකදි අමිල තේනුවර කවියා කළ උපුටනයක් උක්ත කාරණය සනාථ කරලීම පිණිස උපුටා දක්වමි.

"මට අයිති නැති අයිතිකාරියක් මගෙ නිර්මාණ ලෝකයේ සැරි සරනවා. ඇය අයිති වන තුරු මම ගීත ලියනවා. හැබැයි මට හැමදාම ගීත ලියන්න වෙනවා. මට ඇය අයිති වෙන්නැති හින්දා. ඒක තමයි කවියාගේ ප්‍රේමයේ ස්වභාවය...."

සාහිත්‍ය නිර්මාණයක් ලෙසින් කවිය බිහිවීම උදෙසා කවියා යන චරිතය නිර්මාණය ද එක්තරා ආකාරයක ක්‍රියාවලියකැයි දැක්වීම එක් අතකින් අසාධාරණ නොවේ.
සේයාරුව- Duks Visuals
මේ වියමන ඔබේ මූණු පොතට එක් කරන්න-
Tags- Love, Life, Separation, Sinhala Poetry, Sinhala Kavi, Sri Lankan Poets, Gunadasa Amarasekara, Ruwan Bandujeewa, Kumari Dissanayake
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
දෝස්තොව්ස්කි හා බෝගම්බර
බූන්දි නව ඊමේල් ලිපිනය- editorial@boondi.lk
BoondiLets
ඇනටෝල් ෆ්‍රාන්ස් කියයි.
බොහෝ දේ ඉගැන්වීම මගින් ඔබේ අහංකාරකම තෘප්තිමත් කර ගැනීමට උත්සාහ නොකරන්න. ජනයාගේ කුතුහලය පුබුදුවාලන්න. මනස් විවර කිරීම ප්‍රමාණවත්ය. ඒවාට ඕනෑවට වඩා බර නොපටවන්න. ගිනි පුපුරක්... [More]
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook