Facebook
Twitter
Google+
YouTube
Blog
RSS Feed
අදහස් බූන්දි
ඒ ඇගේ අහසයි!
බූන්දි, 16:47:53
ශ්‍රී ලාංකේය සන්දර්භයේදී ස්ත්‍රීය හා ඇගේ විමුක්තිය යන කතිකාවත තුළ අඩු අවධානයක් දෙන මාතෘකාවක් වේ නම් ඒ ස්ත්‍රී ලිංගිකත්වය (Female sexuality) යැයි කිව හැකිය. ස්වභාවයෙන්ම වික්ටෝරියානු සුචරිතවාදය විසින් පෝෂණය කළ ඊනියා සදාචාරයකින් හෙබි ශ්‍රී ලංකාව වැනි රටක පොදුවේ "ලිංගිකත්වය" යන්නම taboo ප්‍රස්තුතයක් වන විට ස්ත්‍රී ලිංගිකත්වය යන්න ඉනුත් ඔබ්බට සීමාකරණය වීම අරුමයක් නොවේ.

පුරුෂමූලික සන්දර්භය තුළ ස්ත්‍රියගෙ ලිංගිකත්වය යනු නිරතුරු පාලනයට, මැඩීමට නතු වූ දෙයක් බව අප දනිමු. මූලිකවම මෙය සිදු වූයේ අතීතයේ තිබූ මාතෘ මූලික සමාජය, පීතෘ මූලික සමාජයක් වෙත රූපාන්තරණය වීමේදී නැඟුනු පීතෘත්වය පිළිබඳ අයිතිය යන කාරණාවේදී බව කිව හැකිය. (දේපළ පැවරීම යන කාරණය හේතුවෙන්) පිය උරුමයෙහි පාරිශුද්ධ බව රැක ගැනීමට දරුවන්ගේ සුජාත බව වැදගත් වූ අතර, ඒ උදෙසා ස්ත්‍රීයගේ ලිංගිකත්වය සමාජය විසින් පාලනයට නතු කෙරිණි.(මෙහි විලෝමයක් ලෙස අදටත් බොහෝ මාතෘ මූලික සමාජ කාණ්ඩ තුළ ලිංගිකත්වය පිළිබඳ ඇති වඩා නිදහස් ආස්ථානය සලකන්න). ලොව පුරා විසිරී සිටි ඉපැරණි ග්‍රීක, රෝම, ඉන්දියානු, චීන යන ශිෂ්ඨාචාර දෙස බැලීමේදී ඒ සියල්ලෙහි තිබූ පොදු කරුණක් ලෙස ස්ත්‍රිය ලිංගික වශයෙන් බෙලහීනකොට, සදාචාරත්මක, ආගමික, දේශපාලනික සීමාවන් යොදා ඇයගෙ ලිංගික අයිතීන් මඩින ලද අයුරු පැහැදිලි ලෙස දිස්වෙයි. මේ සියළුම සමාජ තුළ ලිංගිකත්වය අර්ථ නිරූපණය වූයේ පුරුෂයා සහ ඔහුගේ තෘප්තිය වටා කේන්ද්‍රගත වූවක් ලෙසටය.

ස්ත්‍රී පුරුෂ සමාජභාවය සමඟ පැන නඟින මෙම ලිංගිකත්වය පිළිබඳ අසමමිතිකත්වය පිළිබඳ හෝමර්ගේ (ආසන්න ලෙස ක්‍රි.පූ. 8 වන සිය වසේ රචිතයැයි සැලකෙන) "Odyssey" කෘතියෙහි සිත් ගන්නා සුළු විවේචනයක් හමුවේ. එහිදී කැලිප්සෝ (Calipso) නම් දෙවඟන හර්මීස් (Hermes) දෙවියා වෙත චෝදනා මුඛයෙන් පවසන්නේ දෙවිවරු ස්ත්‍රීන්ගේ ලිංගික නිදහස කප්පාදු කලත් ඔවුන් (පුරුෂ දෙවිවරුන්) රිසිසේ එය භුක්ති විඳින බවකි.

ඉන් පසු පවා ඇතිවන ආගමික බලපෑම් හේතුවෙන් සමාජය විසින් ස්ත්‍රිය සලකනු ලැබූවේ අලිංගික (asexual) ජීවියෙකු ලෙසටය. ලිංගික හැඟීම් යනු ඇයට කැප නොවන දෙයක් වන අතර ඇය පැවතිය යුත්තේ දරුවන් ප්‍රජනනය කිරීම සඳහා සහ පුරුෂයාගේ තෘප්තිය සපයන්නිය වශයෙන් පමණකි යන අදහස සමාජයෙහි මුල් බැස ගති. (කොටින්ම ඉතා විවෘත ලෙස ස්ත්‍රියගේ ලිංගිකත්වය පවා සාකච්ඡාවට බඳුන් කල කාම සූත්‍රය ලියවුණු, කජුරාහෝ කැටයම් නිර්මාණය වුනු ඉන්දියාවෙහි පවා ආගමික මතවාද ඔස්සේ කාන්තාවට අත් වූයේද එවැනිම ඉරණමකි.) අද වන තුරුත් තම ලිංගික තෘප්තිය පිළිබඳ සිතන, කතාකරන ස්ත්‍රිය පිළිබඳ නරක- අසුභවාදී ආකල්පයකුත්, ඒ පිළිබඳ කිසිඳු හෝ දැනුවත් බාවයක් හෝ සංවේදී බාවයක් නොමැති ව සිටින ස්ත්‍රිය පිළිබඳ යහපත්- සුභවාදී (පරමාදර්ශී ස්ත්‍රියක ලෙස- a paragon of virtue) ආකල්පයකුත් සමාජ ගත කිරීමට ඉහත කී ආගමික සංකල්ප බොහෝ සේ ඉවහල් විය.

ස්ත්‍රී ලිංගිකත්වය පිළිබඳ සිතියම වෙනස් කිරීමෙහි ප්‍රබල පියවරක් ගැනෙනුයේත්, ඒ පිළිබඳ පුළුල් ලෙස සමාජීය අවධානයක් යොමු වූයේත් හැටේ දශකයේ බටහිර ලෝකයේ නැඟි දෙවැනි රැල්ලෙහි ස්ත්‍රීවාදයත් (Second Wave Feminism) සමඟිනි. ඊට පෙර Simone de Beauvoir විසින් රචිත "The Second Sex", Betty Friedan විසින් රචිත "The Feminine Mystique" වැනි කෘති වලින් ප්‍රකාශිත විප්ලවකාරී අදහස් වලින් කුළුගැන්වුනු 60 දශකයේ ඇති වූ දෙවන ස්ත්‍රීවාදී රැල්ලෙහි වැඩි අවධානයක් යොමු වූ අංගයක් වූයේ ස්ත්‍රී ලිංගිකත්වයයි. Sigmund Freud ආදීන්ගේ නව මනෝ විශ්ලේෂණයන්ද ඒ සඳහා උත්ප්‍රේරකයන් සැපයීය.

එලෙස පැන නැඟුනු සමාජ ව්‍යාපාරය පුළුල් ලෙස පැතිරීමට 60, 70 දශකයේ ඇති වූ හිපි රැල්ල සහ උපත් පාලන පෙති නිෂ්පාදනය ද රුකුලක් විය. එසේ ආරම්භ වූ ස්ත්‍රී ලිංගිකත්වය පිළිබඳ කතිකාවත අද වන තුරු ලොව පුරා විවිධ මති මතාන්තර, නව අදහස් සහ සංවාද විසංවාද ඔස්සේ විකාශය වෙමින් පැතිර යයි. එදා සිට අද දක්වා තම කෘති, නිර්මාණයන්, අදහස් හා දැනුම දායක කරමින් එම සංවාදයෙහි රැඳී සිටින ක්‍රියාකාරින් බොහෝමයකි.

වර්ථමාන ලාංකික සමාජය වෙතට යොමු වුවහොත් අපට අවබෝධ වනුයේ වත්මන් ලාංකේය සමාජය තුළ ලිංගිකත්වය පිළිබඳ ඇත්තේ ‍යටත් විජිත සමයෙහි මෙහි මුල් බැසගත් වික්ටෝරියානු සුචරිතවාදී අදහස් මිස ඊට පෙර මෙහි පැවති අව්‍යාජ සහ වඩා නිදහස් ආකල්ප නොවන බවයි. අද වන විට ලාංකික සමාජය තුළ ස්ත්‍රීයගේ ලිංගිකත්වය යනු නිවැරදි අවබෝධයකින් තොර වූවක් පමණක් නොව ඉතා වැරදි සහගත අදහස් වලින් පිරී ගිය ප්‍රස්තුතයක් බවට පත්ව ඇත.



විශේෂයෙන්ම සමාජ ජාලා ආදියෙහි ජන විඥාන හැසිරීම් නීරීක්ෂණයේදී නිර්දය ලෙස ගැහැණියගේ ලිංගිකත්වය පාගා දමමින් පුරුෂ ලිංගිකත්වය සහ ලිංගික ආශයන් උත්කර්ෂයට නන්වන අයුරු අප දකිමු. උදාහරණයක් ලෙස විවාහයට පෙර ලිංගික අත්දැකීම් ලැබීම, අසභ්‍ය චිත්‍රපට නැරඹීම පිරිමි ජීවිතයේ අත්‍යාවශ්‍ය කරුණක් ලෙස default එකක් බවට පත්වෙද්දී එවන් දේ ගැහැණියකට කිරීමට තබා සිතීමටවත් බැරි දේවල් බවට මෙම සමාජය විසින් තීරණය කර ඇත.

ලාංකික සමාජයට අනුව ස්ත්‍රියගෙ වටිනාකම රැඳෙනුයේ ඇයගේ චරිතයෙහිය. මෙහිදී සමාජයට ස්ත්‍රියගේ චරිතය යනු මානුෂික බව, කාරුණික බව, බුද්ධිමත් බව, සංවේදී බව, ස්වාධීන බව, අවංකබව යන ගුණාංග වලින් හෙබි එකක් නොව එය මුළුමනින්ම ඇයගේ කන්‍යාභාවය සහ සංවෘත ලිංගික ජීවිතය මත පදනම් වූවකි. තම කන්‍යාභාවය රැක ගැනීම ඇය සතු උදාරම සහ වැදගත්ම කාර්යයයි. කෙතරම් උගත්, බුද්ධිමත් වුවද, වෘත්තීය මට්ටමෙන් ඉහළට ගියද, යහපත් මානුෂික අදහස් වලින් හෙබි වුවද, ඇයගේ ලොකුම වටිනාකම ඒ කිසිවක් නොව මේ කියන "පිවිතුරු" බවයි. බහුතරයක් කලා කෘති, සංස්කෘතික මතවාද, ආගමික සංකල්ප වලින්ද නිරතුරුව සමාජගත කෙරෙණුයේ ස්ත්‍රිය පිළිබඳ මෙවන් පසුගාමී ආකල්පයකි. නමුත් පොදුවේ ගත් කළ, සමාජය තුළ පවතින සංකල්පයක් ලෙස, පුරුෂයාගේ ගෞරවය හෝ යහපත් බව අරභයා මෙවන් සදාචාරමය මිනුම් දඬු භාවිතා වීමක් අප දකින්නේ නැත. අප භාවිතාකරන භාෂාවෙන් පවා මෙම ප්‍රතිගාමීත්වය පිළිඹිබු වෙන අයුරු සලකා බලන්න. උදාහරණයක් ලෙස විවාහයට පෙර ගැහැණියක් ලිංගිකව හැසිරීම වර නැඟෙනුයේ "අනාථ"වීමක් ලෙසය. ඇය අනාථ වන්නේ ඇය කළ ක්‍රියාව නිසා නොව, ඒ පිළිබඳ සමාජයෙහි පවතින අසාධාරණ, අසමාන අදහස් (double standards) සහ ඒ සම්බන්ධව ඇතිවන පසුගාමී සමාජ ප්‍රතික්‍රියාව නිසයි. මෙවන් පටු සංකල්ප මත ඇගේ ඉරණම තීරණය කරන සමාජයක් තුළ ගැහැණියකට තම ලිංගිකත්වය නිදහසේ ප්‍රකාශ කිරීම ඉතා දුෂ්කර කටයුත්තක් බව අමුතුවෙන් කිව යුතු නොවේ.

මෙවන් වපසරියකදී ඒ අරභයා නිවැරදි දැනුම පිළිබඳ කතිකාවත ඇරඹිය යුත්තේ කාන්තාවගේම පාර්ශ්වයෙනි. මන්ද තම සිරුර, තම ලිංගික ආශයන් සහ අවශ්‍යතාවයන් පිළිබඳ වැඩිම දැනීමක් ඇත්තේ ඇයට බැවිනි. එමෙන්ම අධ්‍යාපන ක්ෂේත්‍රයට ද මෙහිදී විශාල වගකීමක් ඇති බව බැහැර කළ නොහැක. ස්ත්‍රී ලිංගිකත්වයට පෙර ලිංගිකත්වය පිළිබඳ නිවැරදි, ව්ද්‍යානූකූල දැනුවත් බවක් කුඩා කල සිට දරුවන්ට ලබාදීම ඉතාම කාලෝචිත ක්‍රියාවකි. එමඟින් මේ පිලිබඳ හරවත්, විවෘත සංවාදයක් සමාජය තුළ ඇති කිරීමට හැකියාවක් ලැබෙනු ඇත.

මේ සම්බන්ධව වර්තමාන ස්ත්‍රියට ඇති අභියෝග බොහෝමයකි. ඇයගේ නිදහස් ප්‍රකාශනය විසින් පවතින සංස්කෘතියට හානියක් වේයැයි සමාජය දරන අති අසාධාරණ ආකල්පය ඉන් එකකි. නමුත් මෙය පුරුෂෝත්තමවාදී සමාජය විසින් ඇයගේ නිදහස සීමාකිරීමට ඇති කරගත් පටු අගතිගාමී අදහසක් බව අප තෙරුම් ගත යුතුව ඇත. රටක සංස්කෘතිය හෝ වේවා වෙනයම්ම ප්‍රපංචයක් හෝ වේවා එය ඒ දේශය තුළ සිටින ස්ත්‍රී පුරුෂ සියළු පුරවැසියන්ගේ වගකීමක් විනා එක් කාණ්ඩයක පමණක් වගකීමක් නොවේ. එබැවින් එය ස්ත්‍රී භූමිකාවට සීමා වුනු වගකීමක් ලෙස හුවා දැක්වීම හුදු කපටිකමකි.

ඇයට ඇති අනෙක් ප්‍රභලම අභියෝගයනම් ඇය කොටු කර බැඳ ඇති මෙම සාම්ප්‍රදායික සීමාවන්ගෙන් එළියට එද්දීම, සිල්ලා හා චැරිබ්ඩිස් යන මුහුදු රකුසන් දෙදෙනාට හසු වූ නැවක් මෙන්, පාරිභෝගිකවාදී ධනවාදය තුළ "නිදහස" යන වේශයෙන් එන ලිංගිකකරණය තුළ භාණ්ඩයක් බවට ඇය පත්වීමයි (sexual objectification). බටහිර ස්ත්‍රියට එම තත්ත්වය අත්වුනු අයුරු අපි දකිමු. මෙම සමාජ ක්‍රමය තුළ එයින් ගැළවීම ඉතා දුෂ්කර බව සැබැවි. එබැවින් ඇය තම විචක්ෂණ බුද්ධිය මෙහෙයවා ඒ පිළිබඳ මනා වැටහීමෙන් සිටිය යුතුය. ඇය තම සිරුරෙහි අයිතියත්, එය හැසිරවීමේ, තෘප්තිමත් කිරීමේ අයිතියත් සමාජයට භාර නොදී එය තමා විසින් භාර ගත යුතුව ඇත. මේ සඳහා වඩාත් වැදගත් වන්නේ ඒ පිළිබඳ ඇය තුළ නිවැරදි අවබෝධයක් ඇතිකිරීම (consciousness raising) සහ ඇතිකරගැනීමයි.
මේ වියමන ඔබේ මූණු පොතට එක් කරන්න-
Tags- Sex, Women, Sri Lankan Women, Sexual Harassment, Simone de Beauvoirm, Feminism, Women's rights, Human Rights, Equality of the Sex, Gender Inequality
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මහේෂි බී. වීරකෝන්ගෙන් තවත් වියමන්
අදහස්
කාලෝ අයංතේ
වෙසෙස්
එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා
රංග
යුරිපිඩීස් චිත්‍රණය කළ ස්ත්‍රීත්වය
කවි
මල් පෙති තරම් සියුමැලි තුරුපත්ය
තවත් අදහස් බූන්දි
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
සිංහලයා වඳ වෙමින් යනවද?
[සරදගේ ලියුං හැකින්ස්]- හීන දෙවියන්වහන්සේගෙන් ලියුමක්!
සිරිසේන සිදාදි එනවද, සිංහලේම ඉන්නවද?
බූන්දි නව ඊමේල් ලිපිනය- editorial@boondi.lk
BoondiLets
නෙල්සන් මැන්ඩෙලා කියයි.
විජයග්‍රහණය සැමරුම් අභිමුව අන් සියල්ලන් පෙරමුණෙහි ද ඔබ ඔවුන් පසුපසින් ද හිඳ නායකත්වය දිය යුතු වන්නේය. එහෙත් අභියෝගයන් සහ අනතුරු අබිමුවෙහි දී ඔබ හැමවිටම පෙරමුණ... [More]
What's New | අලුතෙන්ම
ඔත්තු| කැටිපෙගෙන් 'හමුවෙන්න තවම හැකි කොම්රේඩ්' - ජුලි 24

16-Secs

විමල් කැටිපෙආරච්චි විසින් රචිත පළමු කාව්‍ය සංග්‍රහය 'හමුවෙන්න තවම හැකි කොම්රේඩ්' 2018 ජූලි 24 දා... [More]
කවි| මල් බදාගෙන ගස් මැරෙන්නේ අන්න ඒකයි ශාන්තී

36-Secs

(සඳිනි ප්‍රාර්ථනා තෙන්නකෝන්) අන්න කෙළවර මලක් පිපිලා,
ඔබත් දැක්කද ශාන්තී,
ගමේ මුදුනෙම අහස කිට්ටුව,
හිනා නගනව ශාන්තී

තල මලක් නම් මළ ගෙයක්,... [More]
කවි| ඒ මුහුණ

31-Secs

(මංජුල වෙඩිවර්ධන) ඒ මුහුණ අහිංසක වෙන්න බැරිකමක් නෑ
ඒත් ඒ ආදරේ අහිංසක නෑ.

කටහඬත් නිවී ඇති බව ඇත්ත
පපුව ඇතුළට ඇවිත්
හෘද සන්තානයේ අඩි තබා ඇවිදිද්දි... [More]
කවි| ෂැන්ග්‍රිලා....

25-Secs

(දමිත් වැලිකල) නොයන්න සැංඟිලා
ඉන්න බැරිද මාත් එක්ක ළං වෙලා...
අත් අල්ලං කතා කරමු හිනැහිලා..
දකින දකින හැම හීනෙම ෂැන්ග්‍රිලා..
උඹ හිටියා මං යන මං අවුරලා..... [More]
පරිවර්තන| අදේශපාලනික බුද්ධිමතුන්

30-Secs

(ඔටෝ රෙනෙ කැස්ටිලෝ | මහේෂ් මුණසිංහ) එක් දිනෙක
මගේ රටෙහි වෙසෙන
අදේශපාලනික බුද්ධිමතුන් ව
ප්‍රශ්න කරාවි
සාමාන්‍ය මිනිසුන් පැමිණ
එදිනෙදා දිවි ගැටගහන... [More]
කවි| ඇනා සර්ගෙව්යනාගේ කවිය

24-Secs

(මොනිකා රුවන් පතිරණ) ජීවිතයෙ ගැල ඇදුණු වසර යුග
ගිම් නොනිමි එකම දිගු ගමනක් ය
තැවුල් ගිනි පුළිඟු හද සිදුරු කළ
කිහිරඟුරු විසුළ මරු කතරක්ය

නිල දිදුල කදෝ පැණි එළියෙහි ද... [More]
කතන්දර| ගල් වඩුවා ('හූමිටි කතා')

2-Mins

(ආර්. කුෂ්නේරෝවිච් | දැදිගම වී. රුද්‍රිගු) එකෝමත් එක රටක ගල් වඩුවෙක් ගල් කඩමින් හිටියා. හිටි හැටියේම අසුන් පිට නැග ගත් මිනිසුන් කෑ ගහන හැටි ඇසුණා;

"දණ... [More]
රංග| 'පක්ෂීහු'- ඇරිස්ටොෆනීස්ගේ යුතෝපියානු සිහිනය

3-Mins

(චින්තා පවිත්‍රානි) ඇරිස්ටොෆනීස්ගේ නාට්‍ය නිර්මාණ අතුරින් ශ්‍රව්‍ය හා දෘශ්‍ය ප්‍රයෝගයන්ගෙන් අනූන වූත් වඩාත් නිර්මාණාත්මක වූත් නාට්‍යය හැටියට පිළිගැනෙන්නේ The Birds (පක්ෂීහු) නාට්‍යයයි.... [More]
වෙසෙස්| අපි තමයි නියම විප්ලවකාරයෝ..!

6-Mins

(කසුන් සමරතුංග) මට 'ඇය' මුණ ගැසුණේ අහම්බයකිනි. මගේ මිතුරෙකුගේ මැදිහත්වීමෙනි.

"ඔය ඉතින් ඔයත් මං දිහා බලන්නේ අමුතු විදියට. එතකොට ඉතින් අනිත් මිනිස්සු ගැන... [More]
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook