Facebook
Twitter
Google+
YouTube
Blog
RSS Feed
කවි බූන්දි
හිත දවන මහ වැස්ස
බූන්දි, 01:02:48
සිතුම් සායම් පොවා මොහොතකට හැඩ කෙරූ
සුන්දරම ආකාස සිත්තමෙන් බිම වැටී
ගිනි වැදුණු අසිරිමත් පුරවරය සෝදමින්
බොර පාට මහ වැස්ස පා යටින් ගලා යන

බස්රියේ සීතලට - පිණි ඉහින හිරිකඩට
උණුහුමක් වී ඇවිත් -හිතේ ඉඳ කවි ලියන
සුවැති උරහිස් මහා සිහින පවුරට උඩින්
තියුණු නෙත් දහසක්ය මගේ නෙත් විනිවිදින

සීරුවෙන් අඩුක් කර කට මැහුව ගෝනියක
කර උඩින් උන් තිබ්බ ජීවිතේ මහා බර
තාම සවි ඇති කොන්ද නමාගෙන මග දුවන....
දාහ දූවිලි නිවන මහ වැස්ස දෙස බලා
අහසටම දෙස් තියන නාට්ටාමි මිනිසාන,
ඔබේ කුස නැගෙන ගිනි ඇවිල විත් මා දවයි......

ලෝ ඇසට නොම උනන කිරි කඳුළු ගෙනෙන්නට
රබර් ගස් සූරමින් ජීවිතය සොයන විට
ලැයිං ගෙයි කුස්සියේ රොටි සුවඳ දැනෙන තුරු
පිළේ හිඳ මග බලන පොඩි උන්ගෙ හීන මල්
වැහි වතුර පිරෙන පොල් කටුව තුළ පිපෙන විට
කිරි කපන නංගියේ,
මගේ බත් මුළ හෙමින් ඉකි බිඳියි

මහ පොළොව සිප වැළඳ-සෙනෙහසේ බිජු වපුළ
අස්වැන්න දිය කරන අහසටම දුක කියන
අඳ කුඹුර කෙළවරක ඇණ තියා බැත සොයන
ගොවියාන, ඔබේ බොර වූ දෑස් මා පෙළයි

බෝ ගසෙහි සෙවණ යට තල් පැළලි කඳවුරේ
මඩ දියෙන් කැළතෙමින් හිස් වළං පාව යයි
වෙඩි හඬට බිහිරි වුණු දෙසවනට
අකුණු හෙණ දරා ගනු බෑ තමයි
විතැන් වූ හදවතින් තල් පැදුර යළි වියන
සෝයුරනි, දනිමි මම.....
මේ උදෑසන ඔබට කළුවරයි

ඉතිහාස පාඩමක පිටු හැළුණ වීදියක
තෙත බරිත ජීවිතය මිරිකමින් වියළවන
සැඬ පහර දැක දැකම සන්සුන්ව ගමන යන
මිනිසුනේ, නුඹලාට මේ වැස්ස ණයගැතියි
මේ වියමන ඔබේ මූණු පොතට එක් කරන්න-
පැරණි මාදිලියෙන් ලැබුණු ප්‍රතිචාර-
prarthana weerasinghe මෙහෙම කියනවා :
kalpana sindawana me mahawessa,kalpana pubududuwana me ma wessa,klpana kawiyaka pibidila,lassanama kawi hithaka....

කිවුව වෙලාව- 2010-05-21 04:20:57
isuru chamara somaweera මෙහෙම කියනවා :
mmm maarama lassana kawiyak, mawa themila thetha barith wunaa, wessa angata danenawa, kawiyaa athule widuli kotanawa. hirikada moonata wadinawa. oyaa marai.

කිවුව වෙලාව- 2010-05-20 04:07:11
කුල්ටූරා නොහොත් ඉන්වර්ස් නටුරා මෙහෙම කියනවා :
"සීරුවෙන් අඩුක් කර කට මැහුව ගෝනියක
කර උඩින් 'උන්' තිබ්බ ජීවිතේ මහා බර"


කවුද මේ 'උන්'?


කිවුව වෙලාව- 2010-05-20 01:27:08
Kanchana Wijesena මෙහෙම කියනවා :
Hariima Apuru kavak!

කිවුව වෙලාව- 2010-05-17 02:38:45
ආගන්තුකයා මෙහෙම කියනවා :
කිරි කපන නංගියේ,
මගේ බත් මුළ හෙමින් ඉකි බිඳියි

මේක අපි හැමෝම අත්විඳින සත්‍යයක්... අපි අනේ පව් ඒ මිනිස්සු කියලා අනුකම්පාව කියලා එකක් හිතේ අප්ඩේට් කරලා ඒක හිත හිත අපි අපේ බත් එක කාලා සිගරට් එකක් බීලා ඒ වේදනාව නිවා ගන්නවා.. ඒත් ආපහු වැස්සාම පස්සෙත් මේ චක්‍රය ආපහු මේ විදිහටම කැරකෙන්න ගන්නවා.. මේකට මොකද කරන්නේ...

සැඬ පහර දැක දැකම සන්සුන්ව ගමන යන
මිනිසුනේ, නුඹලාට මේ වැස්ස ණයගැතියි

මේක පට්ට කියන්නේ වෙන මුකුත් හින්ද නෙමෙයි මේක පට්ට හින්දා .. එච්චරයි...!


කිවුව වෙලාව- 2010-05-17 02:37:51
E.A. Dawson Preethi මෙහෙම කියනවා :
කවිය ගීතවත් වගේම රූපකාර්ථවත් භාෂාව ලස්සනයි. වචනවල සුමධුර බව අසාමාන්‍යයි. කවියක හැඟුම හදවතින් විඳ දරා ගන්නට ඇවැසි සහ සුදුසු සියළු දෙයින් පෝෂිතයි. මනසේ රැව් දෙවයි. විචිත්‍ර චිත්‍රාවලියකින් හද බැඳ ගනියි.

හිත දවන මහ වැස්ස නේ මේ? ඉතිං හැකි තරමක් පුද්ගල/වර්ෂා ගැටුමේ පැතිකඩවල් නිරූපණය වෙලා තියෙනවා තව වැස්සේ නෛසර්ගික ගතිගුණ විද්‍යානුකූලව යොදා ගනිමින් කියලයි මට දැනුනේ.

වැස්ස පටන් ගන්න හැටිත් හරිම ලස්සනයි. අර මං ඉස්සෙල්ලම ලියපු වාක්‍ය කීපය ලියැවුනේම ඒ හරිය ගැන මෙනෙහි වෙද්දිමයි. දෙවෙනි පැදියට එද්දි පෙම්වත් උණුසුමකුත් වැස්ස අතරින් පෙරී එනවා. ඒකත් කදිමයි. පුදුමේ කියන්නේ "සුවැති උරහිස්" කියන වචන දෙක එතන කරන "වැඩේ" නිසා වැස්ස මොහොතකට අමතක කරවනවා.

අහසට දොස් කියන අයගෙන් වෙන් වෙලා අස්වැන්න දිය කරපු... අයගේ බොර ඇස්වල සැඟවුනු කතා අතරින් හිස් වළං පාව යන අවකාශයට පහත් වෙන හැටි අපූරුයි.

වෙඩි හඬට බිහිරි වුණු දෙසවනට
අකුණු හෙණ දරා ගනු බෑ තමයි

මෙතන පොඩි වැරදීමක් වෙලාය කියලයි මට හිතුනේ. බිහිරි වුණාට පස්සේ අකුණක දැනෙන කොටස වෙන්නේ ආලෝකය විතරයි නේද? ශබ්ධය ඉතිං දරාගන්න වෙන්නේ නැහැ මොකද බිහිරි නිසා. කමක් නැහැ. කවි ඇතුලේ ඔයිට වඩා දේවල් සිද්ධ වෙනවානේ.

ඉතිහාස පාඩමක පිටු හැළුණ වීදියක
තෙත බරිත ජීවිතය මිරිකමින් වියළවන
සැඬ පහර දැක දැකම සන්සුන්ව ගමන යන
මිනිසුනේ, නුඹලාට මේ වැස්ස ණයගැතියි

සැඩ පහර දැක දැකම සන්සුන්ව ගමන යන උදවියට වැස්ස ණයගැති වෙන්නේ ඇයි කියල මට තවම අල්ල ගන්න බැරි වුනා. ණයක් කියන්නෙම වැස්ස කිසියම් දෙයක් මිනිසුන්ගෙන් අරන් කියන එකය කියල හිතුවොත් එය ගෙවා ගන්නට නොහැකි වීම තුළ තමයි ණයගැති භාවය උපදින්නේ. නමුත් වැස්ස කුමන දෙයක්ද මේ මිනිසුන්ගෙන් ලබා ගෙන තියෙන්නේ?
ඒ කියන්නේ දෙගොඩතලා යන කොළඹ පැත්තට වෙච්ච සංගදිය ගැන හිතුවොත් සැඩපහර ගලා යන්නේ මග දෙපස ඉවුරු දෙදරවමින්. ඇත්තටම වැස්ස කඩා වැටුනේ අහසේ උන්ට ඉන්න ඉඩක් නැති කමට ද? මිනිසුන්ගේ ජීවිත විවිධ ආකාරයෙන් තලා පෙලා දමන්නට වැස්සට සිදු වූයේ වැස්සේම නෛසර්ගික අවුලක් නිසාද? ඒ හින්ද ඇති වුණ මේ ණයගැතිකමේ අවසානය කොහෙද?

මට හිතුනේ තෙත බරිත ජීවිතය මිරිකමින් වියළවන මිනිස්සු තමයි අහසට වහින්න වැස්ස හැදෙන්න ජල වාෂ්ප වලින් කොටසක් දීල තියෙන්නේ. ඉතිං ඒ වැස්ස ණය ගැති වෙන්න ඕන අන්න ඒ දේ මිනිසුන් කළාට. තව මිනිස්සුන්ගේ ක්‍රියාකාරකම් වලිනුත් වැස්සේ නිර්මාණයට දායක වීම නොසළකා හැරිය හැකි ප්‍රමාණවත් අගයක් නොවෙයි. හුස්මෙන් පවා අපි වායුගෝලයට ජලවාෂ්ප මුදාලනවා. ඉතිං වැස්ස ආයෙම අපිව බලන්න ආවාම කෘතගුණ සලකන්න අපේ අයම පාරවල් ඇලවල් බෝක්කු කුණුවලින් පුරවලා නඩත්තු නොකර තියල ඒවායේ ඒ වැහි වතුර හිර වෙලා දෝරගලද්දී වැස්සටම හිතෙනවා තමන් කළෙ වරදක්දෝ හෝයි කියලා.

[කමක් නෑ ඉතිං මාලති කවියක් ලියල වැස්සේ හිත් අමාරුව සෝදලා ඇරලයි කියලයි මට හිතෙන්නේ.]

කිසියම් චක්‍රීය දෙයක් තුළ සිරවුන මිනිස් විශය ගැන මේ දක්වා ඇති "සන්සුන්" හැඟවුම මට තව කාලයක් තිස්සේ හිතන්න දේවල් ඉතිරි කරල කියා හිතෙනවා.

සැඬ පහර දැක දැකම සන්සුන්ව ගමන යන
මිනිසුනේ, නුඹලාට මේ වැස්ස ණයගැතියි


කිවුව වෙලාව- 2010-05-17 01:13:12
Manel Fernando මෙහෙම කියනවා :
Ithaama hengumbarawa liyawunu kaviyak. mata nam warnanaa karanna wachanath nahe.

Suba pethum Malathieta!



කිවුව වෙලාව- 2010-05-17 01:12:48
Sanka Kirindiwela මෙහෙම කියනවා :
හැඟීම්, වචන ගොඩාක් කැටිකරලා, සෞන්දර්ය මුහුවුණු ලස්සන නිර්මාණයක්

කිවුව වෙලාව- 2010-05-17 01:12:33
Neranji Sulakkana මෙහෙම කියනවා :
අමුතු ලස්සනක් තියෙනවා

කිවුව වෙලාව- 2010-05-17 01:12:12
Ajith C. Herath මෙහෙම කියනවා :
සීරුවෙන් අඩුක් කර කට මැහුව ගෝනියක
කර උඩින් උන් තිබ්බ ජීවිතේ මහා බර
ලෝ ඇසට නොම උනන කිරි කඳුළු ගෙනෙන්නට
රබර් ගස් සූරමින් ජීවිතය සොයන විට
මහ පොළොව සිප වැළඳ-සෙනෙහසේ බිජු වපුළ
අස්වැන්න දිය කරන අහසටම දුක කියන
බෝ ගසෙහි සෙවණ යට තල් පැළලි කඳවුරේ
මඩ දියෙන් කැළතෙමින් හිස් වළං පාව යයි

මහ වැසි මැදින් ඇදී යන බස් රියක කවුළුව විවර කොට, පිටුපසට ඇදී යන ජවනිකා පෙළක් මෙන් නාටාමි කම්කරුවා, වතු කම්කරු ස්ත්‍රිය, අද ගොවියා, යුද්ධයේ ගොදුරු බවට පත් දෙමළ ජාතකයා යන සියල්ලන්ගේ ජීවිතයේ දුක ඔබ පෙනවා දෙන්නේ චලන චිත්‍රයක මෙන්. අමතක නොවෙන කවියක්.


කිවුව වෙලාව- 2010-05-17 01:11:43
Sachie Panawala මෙහෙම කියනවා :
Maara kiyanne maarama maarayi!!!!!!

කිවුව වෙලාව- 2010-05-17 01:09:55
Anjana Jayaweera මෙහෙම කියනවා :
meka "maara" kaviyak....

කිවුව වෙලාව- 2010-05-17 01:09:33
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මාලතී කල්පනා ඇම්බ්‍රෝස්ගෙන් තවත් වියමන්
වෙසෙස්
දහමට බියෙන් සයුරට පනින මියන්මාර රොහින්ගානුවෝ
වෙසෙස්
සීමිත ලොවකට අසීමිත කවි තබා ගිය දිලිසෙන පියවර, සමර
කවි
විස්මය
කවි
ඔබ නැවතුණ තැන
කවි
ගිළිහෙන ස්මෘතිය, එනම් රික්තයක මතකය
තවත් කවි බූන්දි
පෙට්ටියක් දිනා ඇත!
මා බිරිඳ උවැසියක වී
නගා මැරූ අල....
උතුරින් දකුනට
බෝධිසත්ව ගබ්සාව
BoondiLets
හරුකි මුරකාමි ලියයි.
මිනිසුන්ගේ ස්මරණයන්, ඔවුන් විසින් ජීවත් ව සිටීම පිණිස දවන ඉන්ධන බඳුය. ජීවිතය පවත්වාගැනීම පිණිස එකී ස්මරණයන් සැබැවින් ම වැදගත් ද යන්න අදාළ නොවේ. ඒ... [More]
What's New | අලුතෙන්ම
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| උතුරින් දකුනට

22-Secs

(දර්ශන මේදිස් ) (උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook