Facebook
Twitter
Google+
YouTube
Blog
RSS Feed
කතන්දර බූන්දි
නිකීතාගේ ළමා කාලය
බිත්ති ඔරලෝසුවේ මල් පෝච්චියේ තිබුණු දෙය
බූන්දි, 02:42:40
කොල්ලන් සමග සෙල්ලම් කිරීම නිසා නිකීතාට පාළු ගතියක් ඇතිවූයේ මන්දැයි ඔහුට නොතේරිණි. ඔහු ගෙදර විත්, කාමරය හරහා යන විට ලීල්‍යා කතා කරන සැටි ඇසිණ.

''අම්මේ මට පිරිසිදු වෙළුම් පටියක් දෙන්න. මගේ බෝනික්කාගේ කකුලක් තුවාල වෙලා. එයාගේ අසනීපය මගේ හිතට ලොකු කරදරයක්.''

නිකීතා නැවතුණේය. ඔහුට යළිත් ප්‍රීතියක් දැණින. ඔහුගේ හදවත තුල සංගීත පෙට්ටියක් හඩ නගන විටෙක මෙන් ඉතා මිහිරි සංගීතයක් ඇසෙන සැටියක් ඔහුට දැණින.

පෙරේදා ලීල්‍යා වාඩිවි සිටි තැනට ගොස් වාඩි වූ නිකීතා දෙනෙත් හකුළුවා ගෙන කණ්ණාඩියේ හිම රටාව දෙස බලන්නට විය. හඩ පිට නොකර සංගීතය වාදනය වන අරුම පුදුම රටේ සැරසිලි ලෙස මෙම ලස්සන හිම රටාව නිකීතාට පෙනුනේය. ඒ හිම රටාව ගස් වැල් සහ ලස්සන අමුතු සතුන්ගෙන් හා මිනිසුන්ගෙන් සමන්විත විය. ඒ හිම රටාව දෙස බලන නිකීතාගේ සිතිවිලි ඉබේටම වචන වලට පෙළ ගැසී ගීත බවට පරිවර්තනය වන සැටියක් දැනෙයි. එම ගීත රාවය නිසා ඔහුගේ හිස මුදුනෙහි ඇති කෙස් කිති කැවෙයි.

නිකීතා සෙමෙන් සෝපාවෙන් බිමට බැස තාත්තාගේ ලියන මේසය මත ඇති කඩදාසියක ලොකු අකුරෙන් කවියක් ලියන්නට විය:

සුන්දර වන මාතාවෙනි ලස්සන
මායාවක් වැනිය ඔඛෙ ලස්සන
හැමතැන ඉගිලෙති රාජාලියෝ
දුවති පනිති වන පොව්වෝ
පිළිගනු මැනවි වන මාතා ආදරය
පිරිනමමි තුති ගී සාදරය

කැළෑවක් ගැන තවදුරටත් කවි ලිවීමට නිකීතාට හැකියාවක් නැත. ඔහු පෑන සපමින් සීලිම දෙස බලන්නට විය. මීට මොහොතකට පෙර ඔහු විසින්ම තාලයට ඇද පැද කී වචන ඔහු අතින් ලියැවී නැත. ඒ වචන ඔහුගේ හිතට ඇතුළු වූණේ ඉබේටම මෙනි.

නිකීතා ඔහු ලියූ කවි කියැවීය. එය ඔහුට සතුටට්ක් ගෙන දිනි. ඔහු එම කඩදාසිය අටට නමා සාක්කුවේ දමාගෙන භෝජනාගාර වෙත ගියේය. එහි කවුළුවක් අසල ලීල්‍යා වාඩිවි මසමින් සිටියාය. සාක්කුව තුලට අත ඔබාගෙන කවි ලියා ඇති කොළය අල්ලාගෙන සිටි නිසා නිකීතාගේ අත ඩහදියෙන් තෙමුණද, ඔහු ඇයට එම කවි පෙන්වීමට තීරණය නොකළේය.

ඇඳිරි වැටුණු පසු වික්තර් ගෙදර ආවේ ඉතා දැඩි සීත නිසා නිල් පැහැගත් සහ ඉදිමුණු නහයක් ඇතිවය. වික්තර්ගේ මව දෑත් විදහාගෙන කතා කළාය.

''ඔන්න ආයෙමත් නහය කඩාගෙන! කා එක්කලද ගහ ගත්තේ? වහාම උත්තර දෙනු!''

''අම්මේ මම කාත් එක්කවත් ගහගත්තේ නැහැ. නහය නිකම්ම ඉදිමිලා.'' වික්තර් දුක්මුසු ලෙස පිළිතුරු දී තම ඇඳමත වැතිර ගත්තේය.

නිකීතා නිදන කාමරයට විත්, ලිප අසල සිට ගත්තේය. කොළ පැහැයට සමාන අහසෙහි ඉඳිකටු තුඩු මෙන් සිහින් තරු කීපයක් දැකිය හැකිය. නිකීතා වික්තර් ඇමතීය.

''ඔයා කැමතිද මා ලියාපු කවි අහන්ට?'' වික්තර් දෙවුර සොලවා දෙපා ඇඳ ගැට්ට මත තබාගෙන මෙසේ කීවේය.

''මගේ අතට අහුවෙන්ට එපයි කියල අර ස්ත්යෝප්කාට කියන්ට''

''වික්තර් දන්නවාද මම ලියාපු කවි වල විස්තර කරල තියෙන්නෙ කළෑව ගැනයි. ඒ වුනත් ඒ කැළෑව ගැන හැම දෙයක්ම කියන්ට බැහැ. වික්තර් ගේ හිතට දුකක දැනනව නම් මේ කවි කියවන්න. දුක නැතිවෙලා යාවි.දන්නවද සමහර දාට රෑට හීනෙන් පෙනෙනවා මොනවදෝ හොඳ දෙයක්, එය තේරුම් ගන්ට බැහැ. ඇහැරුණයින් පස්සේ කොහොමටවත් බැහැ ඒ ගැන මතක් කරගන්ට...වික්තර්ට තේරුම් ගන්න පුළුවන්ද?''

''බැහැ. තේරුම් ගන්ට බැහැ. ඔයාගෙ කවි අහන්ටත් මට ආසවක් නැහැ'' යි වික්තර් පිළිතුරු දුන්නේය.

නිකීතා සුසුස්මක් හෙළා ලිප අසල මොහොතක් සිට පිටතට ගියේය. මහා සාලයෙහි නටමින් ඇවිලෙන ගිණි සිළු සහිත ලිප ඉදිරිපිට වක හමකින් වසා ඇති පෙට්ටගමක් මත වාඩි වී සිටි ලීල්‍යා නටන ගිණි සිළු දෙස බලා සිටී.

නිකීතාද පෙට්ටගම මත නැගලා ඇය අසලින් වාඩි විය. සාලයෙහි උණුසුම නිසා ලිපෙන් හටගන්නා සුවඳක්ද, ශීත කාලයට අඳින සත්ව ලොමින් කල ෂුබා නමැති කබා වලින් පැන නගින සුවඳක්ද, අති විශාල ලාච්චු පෙටිටියේ බහා තිඛෙන විවිධ පැරණි දෑ වලින් පැන නගින රසමුසු සුවඳක්ද වහනය වෙයි.


''අපි දෙන්නා ටිකක් කතා කරමු. ඔයා මට මොනවා හරි හොඳ දෙයක් ගැන කියන්නැයි'' ලීල්‍යා නිකීතාගෙන ඉල්ලා සිටියේ කල්පනාකාරී ලෙසය.

''මේ ළඟදී මා දැකපු හීනයක් ගැන කියන්නද''

''හොඳයි, හීනය ගැන කරුණාකරලා කියන්න''

නිකීතා බළලා ගැනත්, බිත්තියේ එල්ලා තිබුණු ජායාරූප පණ ඇති ඒවා ලෙස හැසුරුණු සැටිත්, ඔහු සීලිම දක්වා ඉගිලී ගිය සැටිත් විස්තර කළේය. ලීල්‍යා ඔහුගේ කතාවට සවන් දුන්නේ ඇගේ බෝනික්කාද දණහිස් මත තබාගෙනය. ඒ බෝනික්කාගේ හිස වෙලා තිබුණේ එයා අසනීපව සිටි බැවිනි.

ඔහු කතාව කියා අවසාන වන විට ඇගේ දෙනෙත් බිය සහ කුතුහලය පල කළ බවක් දැක්වීය. ලීල්‍යා සෙමින් මෙසේ ප්‍රශ්න කළාය.

''මල් පෝච්චියේ තිබුණේ මොනවද?''

''දන්නෙ නැහැ''

''මල් පෝච්චිය ඇතුළේ මොනවහරි හොඳ දෙයක් තියෙන්න ඇති'' ලීල්‍යා කිවුවාය.

''මම මල්පෝච්චිය දුටුවේ හීනෙන් නොවැ'' නිකීතා කියා සිටියේය.

''කොහොම උනත් ඒ මල් පෝච්චිය ගැන හොයල බලන්ට ඕන. ඔයා පිරිමි ළමයෙක් නිසා ඔයාට ඕවා තේරුම් ගන්ට බැහැ. ඔයාලගේ ගෙදර ඒ වගෙ මල් පෝච්චියක් හැබෑටම තියෙනවද?''

''අපේ ගෙදර හැබෑටම ඔරලෝසුවක් නම් තියෙනවා. මල් පෝච්චි ගැන නම් මට මතක නැහැ. සීයගේ කාරියාල කාමරේ තියෙන ර ඔරලෝසුව කැඩිලා..!'' නිකීතා පිළිතුරු දුන්නේය.

''අපි එහාට ගිහිල්ලා බලමු'' යැයි ලීල්‍යා යෝජනා කළාය.

''එතැන අඳුරුයි''

''අපි නත්තල් ගහේ තියෙන ලන්තෑරුම ගනිමු. කරුණාකරලා ලන්තෑරුම ගේන්න''

නිකීතා විසිත්ත කාමරයට ගොස් විවිධ පාට සහිත විදුරු ජනේල ඇති ලන්තෑරුම ගෙන එය දල්වා ලීල්‍යා සිටි කාමරයට ආවේය. ලීල්‍යා ලොකු වුලන් සළුවකින් හිසත්, උරහිසත් වසා ගත්තාය. ළමයි දෙදෙන හොරෙන්, හොරෙන් කොරිඩෝරයට විත් මහ ගෙදර ගිම් හාන කොටසට දිවගියෝය.. උසැති ඇඳිරි කාමරයේ කවුළු හිම තුෂාරයෙන් වැසිලාය. හඳ එළිය නිසා තුරු අතුවල සෙවණැලි ජනේල වලට වැටෙයි. එහි තරමක ශීතලක් දැණිනි. කුණු වූ ඇපල් ගෙඩි වලින් ගඳක් වහනය වෙයි. ඕක් ලීයෙන් තැනූ යාබද කාමරයේ දොරවල් වසා ඇත.

''ඔරලෝසුව ඒ කාමරයේද'' ලීල්‍යා ඇසුවාය.

''තවත් එහාට තුන්වෙනි කාමරේ''

''නිකීතා ඔය කිසි දේකට බය නැතිද?''

නිකීතා ඉදිරියට ගොස් දොර හරිත්ම, එයින් දොම්නස මුසු හඩක් පිට විය. පාලූ කාමරය තුලදී එම දෝංකාරය රැව්දිණි. ලීල්‍යා නිකීතාගේ අතක් අල්ලාගත්තාය. ලන්තෑරුම ගැස්සිණි. එහි කුඩා වීදුරු ජනේල් වලින් විහිදුණු රතු සහ නිල් පැහැති ආලෝකය කාමරය පුරා පැතිරිණි.

දෙපයේ ඇඟිලූ තුඩු වලින් ගමන් කරමින් දෙදෙන යාබද කාමරයට ඇතුළු වූහ. කවුළු අතරින් කාමරයේ ලී පොළොව මත වැටෙන නිල්වන් සඳ එළිය හරි හතරැස් කොටු වලට සමානය.බිත්තිය අසල ඇඳි පුටුය. ඒව ඉරි සහිත කුඩා මෙට්ට වලින් යුක්තය. මුල්ලේ සෝපාවකි. නිකීතා හිස කරකැවීමට පටන්ගත්තේ වරක් ඔහු මේ කාමරය මෙලෙසින්ම සිහිනයෙන් දුටු බැවිනි. බිත්තියේ එල්ලා ඇති මහල්ලාගේ සහ මැහැල්ලගේ පින්තූර දුටු ලීල්‍යා ඒවා දෙස ඇඟිල්ල දිගුකරන්නී මෙසේ පැවසුවාය. ''අන්න ඒගොල්ලො අප දිහා බලනවා.''

ළමයි කාමරයේ දෙවැනි දොර ඇරියහ. සීයාගේ කාර්යාල කාමරය සඳ රැසින් නෑවිලාය. අල්මාරි වල වීදුරු දොරවල්ද, පොත් කවර වල රනින් කල බොරදමද, සඳ එළියට දිලිසිණි. කාමරය තුල ලිපට ඉහළින් එල්ලා ඇති පින්තූරයේ ඇමසොන්කා නමැති අඳුමින් සැරසුණු කාන්තාවක් ගුප්තමය ලෙස මඳ සිනා පාන හැටි පෙනෙයි.

''මේ කවුද?'' යි ලීල්‍යා ඇසුවේ නිකීත වෙතට ලං වෙමිනි. ඔහු පහත් හඩින් පිළිතුරු දුන්නේය.

''මා කීවේ මෙයා ගැන තමයි''

ලීල්‍යා හිස වනා, යමක් දුටු විට හදිසියෙන් කතා කරන පරිදි මෙසේ කීවාය,

''අන්න බලන්න , නිකීතා, අර මල්පෝච්චිය!''

සත්තකින්ම කාර්යාල කාමරයේ ගැඹුරෙහි රතු ලීයෙන් නිම කරන ලද ඔරලෝසු පෙට්ටිය මත රැළි සහිත කුඩා කණි දෙකක් අතර සිංහ මුහුණක් සහිත මල් බඳුනකි. ඔරලෝසු බට්ටා එක තැන නැවතිලාය. නිකීතා මීට පෙර මෙහි බල් බඳුනක් ඇති බව කිසියම් හේතුවක් නිසා දැක නැත. ඔහු සිහිනෙන් දුටු බල් බඳුන එය විය.

ඔහු ඔරලෝසුව ලඟටම පුටුවක් ගෙනැවිත් තබා එය මත නැග දෙපයේ ඇඟිලි තුඩුවලින් සිට ගනිමින් මල් බඳුනට අත දැම්මේය. එහි වූ දූවිලි අතර කිසියම් තදැති දෙයක් තිබිණි.

''සම්බ වුණා'' යැයි කී නිකීතා අත මිට මොළවාගෙන පුටුවෙන් බිමට බටුයේය.

ඒ වෙලවේදී පුස්තකාලයෙහි මීයන් අල්ලමින් සිටි බළලා ''ෂූ'' යන හඩ නංවත්ම උගේ දම් පැහැති ඇස් දිලිසිණි.

ලීල්‍යා දෑත් වනා දුවන්නට වූවාය. ඔහුද ඇය පසුපසින් දිව්වේය. කිසිවෙක් ඔහුගේ හිසකේ අත ගෑ විටෙක මෙන් වූ නිසා ඔහුට මහත් බියත් දැනිණි. ළමයින් දෙදෙනා පසුබාමින් බළලා වලිගය පහත් කැරැගෙන සඳ රැසින් පිරි කාමරය හරහා දිව ගියේය.

ළමයි දෙදෙන එක පිම්මට කබා එල්ලන කාමරයේ ඇවිලෙන ගිනි සිළු සහිත ලිප අසල තිබූ පෙට්ටගම මත වාඩි වූවෝ, බිය වූ නිසා හති ලන්නට වූහ. ලීල්‍යාගේ දෙකොපුල් රත් විය. නිකීතා දෙස බැලු ඈ මෙසේ ප්‍රශ්න කළාය.

''ඉතිං''

එවිට ඔහු මිට මෙළවූ අතේ ඇඟිලි දිග හැරියේය. නිකීතාගෙ අත්ල මත නිල්වන් මැණිකක් සහිත මුදුවෙකි. ලීල්‍යා නිහඩව දෑත් එක්කරගනිමින් මුමුණුවාය.

''මුද්දක්!''

''මේක හාස්කම් ඇති මුද්දක්!'' නිකීතා කියුවේය.

''අපි දැන් මේ මුද්දට මොනවා කරමුද?''

නිකීතා බරපතල බවක් මුහුණට ආරුඩ කරගෙන ඇගේ අතක් ගෙන එහි දබරැඟිල්ලට ඒ මුද්ද දැමීය.

''ඇයි මෙය මට දුන්නේ'' මෙසේ ඇසූ ලීල්‍යා මුද්දේ දිලිසෙන නිල්වන් මැණික දෙස බලා සුසුමක් හෙළා, නිකීතාගේ ගෙල බදා ගෙන ඔහු සිපගත්තාය. නිකීතාගෙ මුහුණ කොතරම් රත්පැහැ ගත්තේද යත් ඔහුට ලිපෙන් ඈතට යාමට සිදුවිය. ඔහු යළිත් සිත එක් තැන් කරගෙන මෙසේද පැවසීය.

''මේකත් ඔයාට තෑගි කරනවා''

ඔහු තම සාක්කුවෙන් එළියට ගත් කවි කොළය ඇගේ අත තැබීය. වනය ගැන ලියා තිබූ එය අටට නැවූ කඩදාසියකි.

කඩදාසිය දිගහැර සෙමින් කවි කියවූ ලීල්‍යා අනතුරුව කල්පනාකාරි ලෙස මෙසේ පැවසුවාය.

''නිකීතා, ඔබට බොහොම ස්තුතියි. මම ඒ කවි වලට බොහොම කැමතියි.''
ළමයින්ට හොඳම දේ යන ස්ලෝගන් එක වසල වෙළෙන්ඳන්ගේ මුග්ධ ආයුධයක් බවට පත් වූ රටක, සෝවියට් සාහිත්‍යය, එහි දීප්තිමත්ම කාලයේදී නිපයූ විශිෂ්ඨ ළමා සාහිත්‍ය කෘති පිළිබඳ මතකය අළුත් කර ගනීම වැදගත්ය. ප්‍රගති ප්‍රකාශකයන් විසින් සිංහලයට නගන ලදුව, අද වැඩිහිටියන් බවට පත්ව සිටින බොහෝ දරුවන් විසින් එකල මහත් ආදරයෙන් වැළඳ ගත් ලස්සන වසිලිස්සා, වැඩ බැරි දාස, හත් පෙති මලේ කතාව, නපුරු පාලකයෝ තුන් දෙනා බඳු මේ කතන්දර, කවර කලෙක හෝ ළමයින් වෙනුවෙන් ලියන ලද හොඳම ඒවාය යන්න අවිවාදිතය. මේ සෝවියට් ළමා කතන්දර බූන්දියෙහි පළ කරන්නේ ළමයින් වෙනුවෙන් නොව, තරු තරඟ සක්වලක් වූ මාධ්‍ය අවකාශයක වෘෂභයන් රෑනක් බවට පත් කරන ලද වැඩිහිටියන්ට, හොඳම දේ මතක් කිරීමටය.
මේ වියමන ඔබේ මූණු පොතට එක් කරන්න-
Tags- Nikeethage Lama Kalaya, Russian Children Stories, Nikita's Childhood
පැරණි මාදිලියෙන් ලැබුණු ප්‍රතිචාර-
chinthaka මෙහෙම කියනවා :
ළමා කාලයේදී මා කියැවූ තෝල්ස්තෝයි ගේ මේ කතාව පුරා තවමත් මම සිතින් සක්මන් කරමි. මන්දයත් කතාවේ සුන්දරත්වයද අභිබවා යන එක්තරා සුන්දර ජීවන අත්දැකීමක් ද ඒ හා කැටිව ඇති බැවින්. අප කියවීමෙන් ලබන අත්දැකීම්ද , අප ලබන බොහෝ ජීවන අත්දැකීම් මෙන් අප ජීවන ගමන් මාර්ගය සැලකිය යුතු සේ වෙනස්කම් සිදුකරයි.

කිවුව වෙලාව- 2011-09-10 09:00:36
වර්ෂා මෙහෙම කියනවා :
නිකීතා..

කිවුව වෙලාව- 2011-08-20 21:36:44
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
අලෙක්සේයි තෝල්ස්තෝයිගෙන් තවත් වියමන්
කතන්දර
තෙර්යෝෂා
තවත් කතන්දර බූන්දි
සැප්තැම්බරයේ දවසක්
සෙන්ටෙනියල් දෝණි
විරාම ලකුණු
වනවාසි සහ ලෝකවාසී
නිල් සුළිය
BoondiLets
බ්‍රෙෂ්ට් කියයි.
"අඳුරු යුගයේදී කවි ගී ලියවේද?
ඔව්....
ඒ, අඳුරු යුගය ගැනයි!"

"In the dark times
Will there also be singing?
Yes, there will also be singing
About the dark times."
What's New | අලුතෙන්ම
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook