Facebook
Twitter
Google+
YouTube
Blog
RSS Feed
Viva Che
VIVA CHE! [1 කොටස] මිනිසෙක් මිය යා යුත්තේ කුමක් වෙනුවෙන් ද?
Andrew Sinclair විසින් සංස්කරණය කරන ලද, VIVA CHE! [The Strange Death and Life of Che Guevara] කෘතියෙහි පරිවර්තනය.
පරිවර්තනය-
Koombiya | කූඹියා
බූන්දි, 23:38:49
හැඳින්වීම

''චේ ග්වාරා'' යන්න බිහි වූයේ ඒ නමේ අයිතිකරුවාගේ උපතින් නොවේ. චේ යනු චේ තුළින් ම එනම් ඔහුගේ ජීවිතය තුළින්ම පැන නැගුනු කිසිවක් විය. චේ වෙනත් කිසිදු විප්ලවවාදියෙකුට යා නොහැකි දුරක් ගමන් කළේය. ඔහු කියූ දේ එපරිද්දෙන් කළ මිනිසෙකු විය. බෙදුණු දකුණු ඇමරිකානු මහාද්වීපයේ අවාසනාවන්ත ඉරණම වෙනස් කිරීමටත්, එහි එක්සත්භාවයත් වෙනුවෙන් එතරම් පරමාදර්ශී කාර්ය භාරයක් ඉටු කළ වෙනත් කිසිවෙකු නොවීය. ඔහු ඒ බව ස්වකීය ජීවන භාවිතාවයෙන් පමණක් නොව, මරණයෙන් ද සනාථ කළේය. චේ, හැර දැමිය නොහැකි මතකයක් බවට පත් වූ වචනයෙන් විස්තර කළ නොහැකි අප්‍රමාණ මිනිසෙකු විය. වරෙක ජීන් පෝල් සාත්‍රේ ''චේ යනු මේ කාලයේ විසූ ඉතාම පරිපූර්ණ මිනිසා'' ලෙස හැඳින්වූයේ එහෙයිනි.

චේ බොහෝ හැකියාවන් එක් කොට තැනුනු පුදුම යන්ත්‍රයකි. වෛද්‍යවරයෙක් ලෙස, අර්ථ ශ්‍රාස්ත්‍රඥයෙකු ලෙස, රාජ්‍ය තාන්ත්‍රිකයෙකු ලෙස, තානාපතිවරයෙකු ලෙස, උපාය සැලසුම්කරුවෙකු ලෙස, ලේඛකයෙකු ලෙස සහ ඉතාම ප්‍රකට ව ඇති පරිදි සටන් කරුවෙකු ලෙස චේ ඇදැහිය නොහැකි තරමට වෘත්තීමය විය.

ඔහු, ඔහු නියැළුණු ඕනෑම කටයුත්තක පරම අවසානය දැකීමේ පිපාසයකින් පෙළුණේය. චේගේ ඉතාම ප්‍රකට කියමනක එන පරිදි, ''ජනතාව වෙනුවෙන් වැඩ කිරීම, මිනිසෙකුට ලැබිය හැකි උතුම්ම සතුට ය.'' යන්න ඔහු සම්බන්ධයෙන් ඉතාම නිවැරදි විය. කිසිවෙකු කරනා කාර්යයකට තව කෙනෙකු හිලවු කළ නොහැකි බව ඔහු ඇදහූ අතර එය තමන්ටම යොදා ගත්තේය. තමා විශ්වාස කළ සත්‍යයන් වෙනුවෙන් තමා ම පෙනී සිටියා පමණක් නොව ඒ වෙනුවෙන් සිය ජීවිතය පුද කළේය.

මේ පොත පෙන්වා දෙන්නේ චේ අප හැර ගිය පසුවත්, අප ඔහු ජීවමාන ව තැබිය යුතු බවයි. ඔහුගේ ජීවනාදර්ශයන් විසින් වඩා යහපත් ලෝකයක් බිහි කර ගැනීමේ සිහිනය පන්නරය ලබනු ඇත. මහපොළොව මත ධනවත් ජාතීන්ගේ ද දිළිඳු ජාතීන් පාලනය කරන කෲර පාලකයන්ගේ ද පරම සතුරා ලෙස චේ මරණයෙන් මතු ද ‘ජීවත්’ වනු ඇත.


1. MASA

අරගලය අවසන- සටන්කරු මියගිය සඳ
මිනිසෙකු පැමිණ ඔහු වෙත
හඬ ගා කීය මෙලෙසින:
''නොමැරෙනු මැනව- නොමැරෙනු මැනව
එතරම්ම ආදරෙයි මං නුඹට''
අහෝ එද, නොසෙල්විණි මළ සිරුර

ඉනික්බිති,
පැමිණ මිනිසුන් දෙදෙනෙක්
කීය නැවතත් මෙලෙසින:
''නැගී නිබයව එන්න ආපසු
හැර නොයනු මැන අපව''
අහෝ එද, නොසෙල්විණි මළ සිරුර

ඉනික්බිති,
පැමිණයහ මිනිසුන් විස්සක්
සියයක්, දහසක්
ලක්ෂයක්, පන් ලක්ෂයක්
විමසූහ එක හඬින්:
''පරදවනු බැරි වෙයිද මරණය
විසල් ආදරයකට මෙතරම්?''
අහෝ එද, නොසෙල්විණි මළ සිරුර

මිලියන ගණනක් මහ සෙනග
දසතින් පැමිණ හඬමින්
රැඳෙමින ඔහු සිරුර අස
මුර ගෑහ එක හඬින්
''හැර නොයනු සොයුර අප''
අහෝ එද, නොසෙල්විණි මළ සිරුර

අවසන,
මහ පොළොව මත වසන
සියළු මිනිස් වග පැමිණ
වටකළහ නිදන ඔහු සිරුර.

දුංඛිත මළ සිරුර සෙලවිණ!
දුටුයෙන් ඒ මිනිස් කැළ.
නැගිට සෙමෙන්- සිපගති පළමු මිනිසා
ඉන්පසු,
ඇවිද යන්නට විය!



-CĖSAR VALLEJO (1895-1939) (Peru)
(පීරු කවි සීසර් වෙලජෝ විසින් ලියන ලද්දක අනුවාදයකි.)


2. අර්නෙස්ටෝ ''චේ'' ග්වාරාගේ ජීවිතය ගැන සටහන්


අර්නෙස්ටෝ චේ ග්වාරා ද ලා සර්නා, 1928 ජූනි 14 වන දා ආජන්ටිනාවේ රොසාරියෝහී දී උපත ලැබුවේය. අර්නෙස්ටෝගේ පියා අර්නෙස්ටෝ ග්වාරා ලින්ච්, අයර්ලන්ත පරපුරකින් පැවත ආ සිවිල් ඉංජිනේරුවෙකු වූ අතර මව සීලියා ද ලා සර්නා, ස්පාඤ්ඤ සම්භවයක් සහිත කාන්තාවක වූවාය. ඔවුන්ගේ පවුල වාමාංශික නැඹුරුතාවයක් සහිත මධ්‍යම පාන්තික පවුලක් විය. ග්වාරාවරු නිදහස් සිතුම් පැතුම් ඇත්තෝ වූහ. ඔවුහු ජෝසේ මාටි ගරුත්වයෙන් සැලකූ අතර ස්පාඤ්ඤ සිවිල් යුද්ධයේදී රිපබ්ලික්වරුන්ගේ පාර්ශ්වයට අයත් වූවෝ වූහ.







පවුලේ දරුවන් පස් දෙනාගෙන් වැඩිමලා වූයේ චේ ය. සීලියා, රොබර්ටෝ, ඇනා මාරියා සහ ජෝන් මාර්ටින් (වයස් පිළිවෙළින්), චේ ගේ සොයුරු සොයුරියන් වූහ.



ජෝස් ඇගුලාර් [JOES AGUILAR] මෙසේ කියයි :

1957 දී මගේ පවුලේ අය ස්පාඤ්ඤයේ සිට ආජන්ටිනාවට පළා ආවා. එහිදී කෝර්ඩෝබා පළාතේ නගරයක් වූ අල්ටා ග්‍රාෂියා වලදි තමා අපට මුලින්ම ග්වාරාවරු මුණ ගැහුණේ. අපේ පවුල්වල ළමයින් හැමෝම එකට සෙල්ලම් කළා. එකට දවස් ගෙවුවා. බොහෝ විට ග්වාරා ළමයි ක්‍රීඩාවලදී හරිම නිර්භීතයි.... ඇත්තම කියනවනම් අපි එයාලට ටිකක් බයේ හිටියේ. අර්නෙස්ටෝ (චේ) නිතරම ප්‍රිය කළේ දරදඬු ක්‍රීඩාවලට.

මට මතකයි රොබර්ටෝ කිවුවා වතාවක් අර්නෙස්ටෝ එයාලගෙ ගෙදර තුන් වෙනි තට්ටුවේ ඉඳන්, අඩි තුනක් එහායෙන් තිබුණු වෙනත් ගෙදරක තට්ටුවකට පැන්න හැටි. එයා මේවා කළේ විනෝදයටයි අනික් ළමයි සතුටු කරන්නයි.... මොකද ඒ වගේ දෙයක් කරන්න තරම් කවුරුත් එඩිතර නොවුණු නිසා.

ඔය කාලෙ අපේ ප්‍රියතම ලේඛකයෝ තමා ජූල්ස් වර්න් සහ ඇලෙක්සැන්ඩර් ඩූමාස්.

පස්සෙ අර්නෙස්ටෝ කෝර්ඩෝබාවේ උසස් විදුහලේ ඉගෙන ගන්න ගියා. එහෙදී එයා ඉංග්‍රීසි ඉගෙන ගත්තා වුනාට, වැඩියෙන්ම කැමති වුනේ ප්‍රංශ භාෂාව ඉගෙන ගන්න. අර්නෙස්ටෝ අම්මාගෙන් ප්‍රංශ ඉගෙන ගත්තා. එයා හරි කැමතියි ප්‍රංශ කවි කියවන්න. පැබ්ලෝ නෙරූදාගේ කවි වලට කොච්චර කැමති වුනා ද කියනවනම් දවස් ගණන් යනකල් එයා ඒ කවි කට පාඩමින් මහ හයියෙන් ගායනා කෙරුවා.

එයා වයස දා හතර වගේ පොඩි කාලෙම සිග්මන් ප්‍රොයිඩ් කියවන්න ගත්තු එක ගැනයි, ඒක ගැන එයගෙ අම්මලා තාත්තලා හොයල නොබලපු එකයි ගැන අපේ තාත්තා නම් හිටියෙ කේන්තියෙන්.


ෆර්නැන්ඩෝ බරල් [FERNANDO BARRAL] මෙසේ කියයි:

මට අර්නෙස්ටෝ මුලින්ම හමු වුනේ 1940 දී. ඒ වෙද්දිත් එයා පුදුම ආත්ම විශ්වාසයක් තිබුණු, ස්වාධීන තීරණ ගන්න කෙනෙක්. ඔය කාලෙ අර්නෙස්ටෝ හරිම කඩිසරයි. කලබලකාරීයි. සම්ප්‍රදායන් ප්‍රශ්න කරනවා. මම හිතන්නෙ මම රහසින් ඔහුගේ මේ හැකියාවන් සහ ආත්ම ශක්තිය ගැන ගැන ඊර්ෂ්‍යා කෙරුවා. එයාගෙ තිබ්බ හරිම ආකර්ශනීය ලක්ෂණය වුනේ මේ නිර්භීතකම. අර්නෙස්ටෝ රග්බි සෙල්ලම් කරපු විදිහට අපි හරි කැමති වුනා. අපි හැමෝගෙන්ම එයා වෙනස් වුන මූලිකම කාරණය තමා එයාගෙ තිබුණු මේ මුරණ්ඩු, යටත් නොවෙන ස්වභාවය.


ඇල්බර්ටෝ ග්‍රෙනාඩෝස් [ALBERTO GRANADOS] මෙසේ කියයි:

අර්නෙස්ටෝව මට මුලින්ම හමුවුනේ 1941 දී. එයා මගේ මල්ලි- තෝමස් එක්ක උසස් විද්‍යාලයේ ඉගෙන ගන්න කාලෙ. එතකොට මම හිටියෙ විශ්ව විද්‍යාලේ. අපි කොර්ඩෝබා ශිෂ්‍යයෝයි වෙනත් විශ්ව විද්‍යාල ශිෂ්‍යයෝයි එක්ක එකතු වෙලා, විශ්ව විද්‍යාලේ තිබුණු දූෂණ වලට එරෙහිව උද්ඝෝෂණ වල යෙදිලා හිටියෙ. ඒකෙන් මාව අත් අඩංගුවට අරගෙන කොර්ඩෝබාවේ මධ්‍යම පොලිස් දෙපාර්තමේන්තුවට අරගෙන ගියා. අත් අඩංගුවට ගත්තා කියනවට වඩා ඒක පැහැරගෙන යාමක් වගෙයි- මොකද අපිට නඩු පැවරුවේ නැති හන්දා.

මේ කාලෙ මගෙ මල්ලි තෝමස් හිර ගෙදරට කෑම අරගෙන ආවා- එතනදි අපිට කන්නවත් දුන්නෙ නැති හන්දා. දවසක් තෝමස් එක්ක එයාගෙ ඉස්කෝලෙ යාළුවා අර්නෙස්ටෝත් ආවා. මං එයාලට කිවුවා හිරේ ඇතුළෙ අපිට සලකන විදිහ කියලා මිනිස්සු දැනුවත් කරන්න උසස් විද්‍යාලයේ ශිෂ්‍යයෝ එළියේ පෙළපාළි යන්න ඕනෙ කියලා. මේ යෝජනාවට තරුණ අර්නෙස්ටෝ ග්වාරා දක්වපු ප්‍රතිචාරයෙන් මම මවිත වුනා.

ඔහු කිවුවා....
''වැඩක් නෑ..... මොකුත් වෙන්නෙ නෑ..... ඇල්බර්ටෝ, පාරට බැහැලා පොලිසියෙ පොලු මුගුරු වලින් ගුටි කන්නද? වැඩක් නෑ. ඔබ මට තුවක්කුවක් දුන්නොත් මං ගිහින් පෙළපාළි යන්නම්..... උද්ඝෝෂණය කරන්නම්.....!''


චේ [CHE] මෙසේ කියයි:

වයස පහළොවේ දී, මිනිසෙක් ඒ වන විටත් තමා මිය යා යුත්තේ කුමක් වෙනුවෙන්දැයි දනී!
එබඳු පරිත්‍යාගයක් කිරීම පහසු කරවන්නට තරම් සමත් පර්මාදර්ශයක් ඒ වන විටත් ඔහුට හමු වී තිබේ නම්, ඔහු එසේ මිය යන්නට බිය නොවේ.








[මතු සම්බන්ධයි.]
මේ වියමන ඔබේ මූණු පොතට එක් කරන්න-
Tags- Argentine Marxist revolutionary, Ernesto Che Guevara
පැරණි මාදිලියෙන් ලැබුණු ප්‍රතිචාර-
R S S මෙහෙම කියනවා :
VIVA CHE GUEVARA...

කිවුව වෙලාව- 2010-12-21 10:55:07
කැරලිකාරයා මෙහෙම කියනවා :
නායකයාණෙනි චේ
මරා දැමූයේ වුව ඔබ
ඔබ ගැන මතකය අප තුල
විභූතියේ පිළිරුව කොට අඹමින්
සදහට ඉතිරි කලෙහි උන්

-අලි ප්‍රයිමෙරා-


කිවුව වෙලාව- 2010-06-15 05:25:57
rathnasena senarathna මෙහෙම කියනවා :
uthum minisek,

කිවුව වෙලාව- 2010-06-14 10:46:02
Ignasio Kahathuduwa මෙහෙම කියනවා :
great!

කිවුව වෙලාව- 2010-06-14 05:24:28
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් Viva Che
VIVA CHE! [6 කොටස] "නෑ ඔබට කොමියුනිස්ට්වාදියෙක් විය නොහැකියි...! ඔබ තරම් හොඳ මිනිසෙකුට...!"
VIVA CHE! [5 කොටස] "අප මේ සටන දැනටමත් දිනා තිබේ!"
VIVA CHE! [4 කොටස] "විප්ලවාදී වෛද්‍යවරයෙකු වීමට- ඔබට විප්ලවයක් අවශ්‍යයි!"
VIVA CHE! [3 කොටස] "එක වෙඩිල්ලක්වත් නොතියා විප්ලවයක් කරන්න? පිස්සු හැදී ගෙන එනවාද?"
VIVA CHE! [2 කොටස] ඉතිහාසය වෙනස් කළ සයිකල් සවාරිය
බූන්දි නව ඊමේල් ලිපිනය- editorial@boondi.lk
BoondiLets
ඒබ්‍රහම් ජේ. හෙසල් කියයි.
ජාතිවාදය යනු මිනිසෙකු විසින් තවත් මිනිසෙකු වෙත එල්ල කරන බරපතලම තර්ජනයයි. ඇත්තෙන්ම එය නොසැලකිය හැකි තරම් කුඩා හේතුවක් සඳහා වූ අප්‍රමාණ වෛරයකි.
What's New | අලුතෙන්ම
අදහස්| කතිරකාරයාගේ පෙබරවාරිය- ඔබ ඇවිත් යන්න එන්න!

5-Mins

(නැදිමාලේ Miniහෙක්) මැතිවරණය එන්නේ එල්ලය බලා ජනතාවගේ බඩටය. කතිරය යන්නේ දේශපානඥයාගේ සාක්කුවටය. කතිරයෙන් ගොඩ ගිය පසු ආණ්ඩුව, සභාව හෝ දේශපාලනඥයාට කතිරයත් කතිරකාරයාත්... [More]
ඔත්තු| "දේශද්‍රෝහියාගේ නිර්මල හෘදය" නවකතාව පිළිබඳ කතාබහක්

6-Secs

තරංගනී රෙසිකා ප්‍රනාන්දුගේ "දේශද්‍රෝහියාගේ නිර්මල හෘදය" නවකතාව පිළිබඳ සංවාදයක්, 2018 ජනවාරි 27, සෙනසුරාදා, ප.ව. 2.30ට,... [More]
අදහස්| පහේ ළමයෙක් ජනාධිපති අංකල් සිරිසේනට ලියයි!

2-Mins

අපේ පුතණ්ඩියා පහේ. මිනිහා සිස්සත්තෙට පාඩම් කරන මේසෙ උඩ හතරට පහට නමපු ලියුමක් තිබ්බා. මං කොල්ලා එහෙ මෙහෙ වෙනකල් ඉඳලා... [More]
වෙසෙස්| එකල්හී ස්ත්‍රී නිදහස කෙබඳු වී ද යත්- ඇතන්ස් සහ ස්පාර්ටා

5-Mins

(මහේෂි බී. වීරකෝන්) පුරාතන ග්‍රීක පෞර රාජ්‍යන් පිළිබඳ අධ්‍යනය කිරීමේදී ප්‍රමුඛස්ථානයක් ගනුයේ ඇතන්ස් සහ ස්පාර්ටා යන පෞර රාජ්‍යයන්ය. එකිනෙකට වෙනස් වූ දේශපාලනික සහ... [More]
අදහස්| අප ඔවුන්ගෙන් වෙනස් විය යුත්තේ කෙලෙසද?

2-Mins

(කෙවින් කරුණාතිලක) මා හිතවත් උපාසිකා මාතාවක් කී දෙයක් තේමා කරගෙන මෙම සටහන ලිවීමට අදහස් කලෙමි. ඇය නොවරදවාම පොහොයට සිල් සමාදන් වන, කාර්යාලයේ... [More]
කතන්දර| "කොණ්ඩෙ කපන කොටි බාබර්"- ළමා කතන්දරය [වීඩියෝව]

45-Secs

"කොණ්ඩෙ කපන කොටි බාබර්"- පොඩිත්තන්ට විනෝදාත්මක කතන්දරයක් [කාටූන්]- Rohini Nilekani ලියා, Angie හා Upesh සිත්තම් කළ "The Haircut" ළමා කතන්දරයේ... [More]
BoondiLets| ග්‍රවුචෝ මාක්ස් කියයි.
මං හිතන්නේ ටෙලිවිෂනය මාරම 'අධ්‍යාපනික'යි. මොකද, මොකෙක් හරි ඒක ඔන් කරන ඕනෙම වෙලාවක මං කරන්නේ, වෙන කාමරේකට ගිහිල්ලා හොඳ පොතක් කියවන එකයි!
කවි| නැගිටපන් බණ්ඩාර

28-Secs

(ඉරේෂා මධුවන්ති) ගොජ දමන පෙණ කැටිති ගොඩවැදී කට අගට
ඊ වේගයෙන් පනී දිවි පුදා හුළඟකට
විසිර පාවුල බැබිල, මියණ පත් අතු අතර
පිහි තලේ හේදුවා කඳුලකින් මහ කිතුල

වරපටින් වැළඳ වාරුව කිතුලෙ කඳ බඩට... [More]
වෙසෙස්| තෙත්බිම් පුරා අසූචි විසුරුවන 'සහස්‍රයේ නගරය'

7-Mins

(කපිල මහේෂ් රාජපක්ෂ) මානව වර්ගයා වනගත දිවියෙන් නික්ම ගංගා නිම්න ආශ්‍රිතව ශිෂ්ටාචාර ඇරඹු අවදියේ මුහුණ දුන් නව අභියෝග අතර ප්‍රමුඛ ගැටලුවක් වුයේ එතෙක්... [More]
අදහස්| [සරදගේ ලියුං හැකින්ස්]- අපේ ලොක්කාගෙං පුටිංට සැරම සැර ලියුමක්

2-Mins

රුසියාවේ ඉන්න මගේ යාළුවෙකුගෙන් හදිස්සියේම කෝල් එකක් ආවා. මිනිහා එහා පැත්තේ ඉඳගෙන බොහෝම සන්තෝසෙන් කෑ ගහන්න පටන් ගත්තා. "කියල වැඩක්... [More]
කතන්දර| "කණ්ණාඩියෙ හැංගි හොරා"- ළමා කතන්දරය [වීඩියෝව]

38-Secs

"කණ්ණාඩියෙ හැංගි හොරා"- පොඩිත්තන්ට ලස්සන පුංචි කතන්දරයක් [කාටූන්]- Rachita Udaykumar ලියා, Suvidha Mistry සිත්තම් කළ "My Best Friend" සිඟිති කතන්දරයේ... [More]
කවි| අතුරුදහන්වූවන් හඳුනා ගැනීමේ පෙරෙට්ටුව

27-Secs

(කසුන් හර්ෂණ) මැයි මහේ සාපයට පහන් පෙළ ඇවිලූ ව,
දුක් ගීය තමා ඒ කන්ද උඩ වැහි කළුව
සඳ එහෙම නෑවිත් පොරවද්දී රෑ සළුව
නංගි අපි කෑවේ ගින්දරේ කොස් පළුව

විඩාබර දෙනෙත් අග රැඳුනාම ඉඟි නළුව... [More]
කතා-බස්| "ජාතිය තීරණය කරන්නේ ලේ නෙවෙයි; සංස්කෘතිය!"- නැගෙනහිර වෙරළෙන් ඇසුණු හඬ- හඳගම සමග කතාබහක්

9-Mins

(කේ.ඩී. දර්ශන) මේ දිනවල අයිටීඑන් නාලිකාවේ විකාශය වන "නැගෙනහිර වෙරළෙන් ඇසෙන" ටෙලි නාට්‍යය දුවන රැල්ලට හාත්පසින් ම වෙනස් මානයකුයි නියෝජනය කරන්නේ. එක... [More]
අදහස්| [සරදගේ ලියුං හැකින්ස්]- රට කොරන මහත්තුරු- පතති කිරි උතුරනා අවුරුදු!

2-Mins

අලුත් අවුරුද්දේ උදේ පාන්දර ගෙදර ලියුම් පෙට්ටිය ඇරල බලනකොටයි මං දැක්කෙ, රටේ ලොකු ලොකු උන්නැහේලා මට අලුත් අවුරුදු සුබ පැතුම්... [More]
කවි| කුණු නොවෙන ප්‍රේමයක්

36-Secs

(කුෂාන් ශාලික) කන්ද පාමුල ගෙන්දගම් නිම්නෙක
හැටේ වත්තේ ලස්සනම හරියක
මම හිටියෙ ලෑලි ගෙදරක
ඒ දවස් වල

කන්ද මුදුනේ ඉඳුල් අතරට... [More]
BoondiLets| ඒබ්‍රහම් ටී. කොවූර් කියයි.
තමන් විසින් පානු ලබන ඊනියා ප්‍රාතිහාර්යයන් පරීක්ෂාවට ලක් කිරීමට ඉඩ නොදෙන්නා තක්කඩියෙකි. එබඳු පරීක්ෂා කිරීමකට ධෛර්යය නොමැත්තා පහසුවෙන් මුළාවේ වැටෙන්නෙකි. පරීක්ෂාවකින් තොරව සියල්ල විශ්වාස කිරීමට... [More]
කතන්දර| චිත්‍ර ප්‍රදර්ශනය

2-Mins

(අනුෂ්ක තිලකරත්න) පොඩි එවුන්ගෙ චිත්‍ර ටික නම් ඔක්කොම ලැබුනා. ගිය සැරේ වගේම මේ සැරෙත් ශාලාවෙ ඉඩ මදි වෙයි. කමක් නෑ කොහොම හරි... [More]
ඔත්තු| "ගුත්තිල කාව්‍ය" වේදිකාවට!

13-Secs

"ගුත්තිල කාව්‍ය"- අඛිල සපුමල්ගේ නවතම සංගීත නාට්‍යයේ මංගල දැක්ම, 2018 ජනවාරි 11 වන දින, ලයනල්... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook