Facebook
Twitter
Google+
YouTube
Blog
RSS Feed
Viva Che
VIVA CHE! [2 කොටස] ඉතිහාසය වෙනස් කළ සයිකල් සවාරිය
Andrew Sinclair විසින් සංස්කරණය කරන ලද, VIVA CHE! [The Strange Death and Life of Che Guevara] කෘතියෙහි පරිවර්තනය |
පළමු කොටසට මෙතනින් යන්න.
පරිවර්තනය-
Koombiya | කූඹියා
බූන්දි, 22:13:29
ඇල්බර්ටෝ ග්‍රෙනාඩෝස් [ALBERTO GRANADOS] මෙසේ කියයි:

අර්නෙස්ටෝ සහ අප අතර තිබූ ප්‍රධානතම සමානකමක් වූයේ ක්‍රීඩාශීලීත්වයයි. මුළු ජීවිත කාලය පුරාම චේ ඇදුම රෝගයෙන් පීඩා විඳි බව ප්‍රකට කරුණක්. එසේ තිබියදී පවා ඔහු ක්‍රීඩාවට ඇලුම් කළා. කාව්‍ය සහ ක්‍රීඩාව අතර දෝලනය වූ අධ්‍යාපනය මගින් ඔහුට අධ්‍යාත්මික උත්තේජනයක් ලැබුනා. එයින් ඔහු ශාරීරිකව ශක්තිමත් වුනා. අර්නෙස්ටෝ තුළ තිබුණු සංචාරයටත් අනතුරුදායක ක්‍රියාකාරකම් වලටත්-

-වූ ගිජුකම මේ ක්‍රීඩාශීලීත්වයේම දිගුවක්. ඔහු උසස් විද්‍යාලයේත් මම විශ්ව විද්‍යාලයේත් ඉගෙන ගනිමින් සිටි නමුත්, කෙමෙන් අප එකිනෙකාගේ සමාගමය ප්‍රිය කරන මිතුරන් බවට පත් වුනා. ඔහුගේ බුද්ධිමත්බව සහ දැනුම හඹා යාමේ ලොල් බව නිසා අපි සියල්ලෝ ඔහුව ප්‍රිය කළා. මම අර්නෙස්ටෝගේ සහෝදරයාගේ පුස්තකාලයට නිතර නිතර ගියා. බොහෝ පොත්වල පළමු කියවන්නා වූයේ අර්නෙස්ටෝ. දෙවැනි කියවන්නා වූයේ මමයි. හැම ආකාරයකින්ම සුවිශේෂී වූ අනාගත ජීවිතය වෙනුවෙන් කිසියම් වූ බුද්ධිමය ඉවක් චේ ළඟ තිබුනාය කියා මට හිතෙනවා.

ඔහු අපිත් එක්ක රට තුළට ගියපු සංචාර වලින් සතුටු වුනා. ඉගෙන ගත්තා. පස්සෙ කාලෙක අපි දෙන්නා මහාද්වීපය හරහා ගිය ප්‍රකට මෝටර් සයිකල් සංචාරයට මේ හැම මුල් කාලීන අත්දැකීමක්ම උදවු වුනා. ඊටත් අවුරුදු ගානකට පස්සෙ සටන් බිමේ ගරිල්ලාවෙකු විදිහට චේ කළ වැඩ කොටසෙදි වුනත් මේ සවාරි වලින් ලැබුණු පන්නරය වැදගත් වුනා. උදාහරණයකට, ඉතාම අඩු ආම්පන්න ගණනකින් ටෙන්ට් එකක් (කූඩාරමක්) අටවා ගන්නා විදිහ ගැන මුල්ම පාඩම අපි ඉගෙන ගත්තේ මේ සංචාර වලින්. ඒවා ඒ දිනවල හුදෙක් එකාකාරී එදිනෙදා නාගරික ජීවිතයෙන් පළා යන්න කරපු ''කොලු වැඩ'' වුනත්, අපිත් නොදැනුවත්වම අපේ ඉලක්ක වලට යන්නට ඒවා උදවු වුනා.



1946 දී අර්නෙස්ටෝ ග්වාරා උසස් විද්‍යාලයෙන් ලැබූ අධ්‍යාපනය නිමා කළේය. ග්වාරා පවුල බුවර්නෝස් අයර්ස් නුවර පදිංචිය පිණිස පැමිණි අතර, එහි දී අර්නෙස්ටෝ සිය වෛද්‍ය අධ්‍යාපනය ඇරඹීය.

ඇල්බර්ටෝ ග්‍රෙනාඩෝස් [ALBERTO GRANADOS] මෙසේ කියයි:

අපි හැමෝම හිතුවේ ඔහු වැඩියෙන්ම දක්ෂ වුනේ ගණිතයට නිසා, ඉංජිනේරු අංශයේ උසස් අධ්‍යාපනය තෝරා ගනීවිය කියලා. ඒ වෙනුවට ඔහු වෛද්‍ය විද්‍යාලයේ ලියා පදිංචි වුනාය කිවුවහම අපි හැමෝම පුදුම වුනා. ඉගෙන ගන්නා අතරේ අර්නෙස්ටෝ නගර සභාවට සම්බන්ධ අර්ධ කාලීන රැකියාවක් කෙරුවා. ඒ අතරේම අසාත්මිකතා පර්යේෂණ ආයතනයකත් ස්වේච්ඡා පදනමෙන් වැඩ කළා.

වයස 18 ක් පමණ වූ විට එවකට වූ ආජන්ටිනියානු නීතියට අනුකූලව අර්නෙස්ටෝ අනිවාර්ය යුද හමුදා සේවය සඳහා ලියාපදිංචි විය. එහෙත්, පරීක්ෂණ වලින් අනතුරුව, හමුදා වෛද්‍යවරු ඇදුම රෝගය නිසා ඔහු කිසිදු අන්දමක හමුදා සේවයක යොදා ගැනීමට නුසුදුසු බැව් නිර්දේශ කළහ.

හැම විවේක දිනයකම අර්නෙස්ටෝ කළේ සොයා ගත හැකිව තිබූ ඕනෑම ක්‍රමයකින් සංචාරය කිරීමය. විටෙක පයින්. තවත් විටෙක කුඩා මෝටරයක් සවි කළ බයිසිකලයකින්. මෙලෙස ඔහු ආජන්ටිනාවේ විවිධ පළාත්හී සංචාරයේ යෙදුනේය. තවත් විටෙක ඔහු වෙළඳ මුහුදු යාත්‍රාවකට බැඳී කැරිබියන් මුහුදේ සංචාරය කළ අතර එය අර්නෙස්ටෝ මවුරටෙන් බැහැර ගිය මුල්ම අවස්ථාව විය.



ඇල්බර්ටෝ ග්‍රෙනාඩෝස්

චේ [CHE] මෙසේ කියයි:

කියුබාවෙදිවත් මම ගිය වෙනත් රටකදීවත්, කිසිම තැනකදී මට මම විදේශිකයෙක් ය කියලා හැඟීමක් ඇති වුනේ නෑ. ගෝතමාලාවේදී ගෝතමාලානියානුවෙක් විදිහටත්, මෙක්සිකෝවේදී මෙක්සිකානුවෙකු විදිහටත්, පීරුවල දී පීරුවියානුවෙකු විදිහටත් දැනුනා. හරියටම මේ දැන් මම කියුබාවේ ඉන්දැද්දි කියුබානුවෙක් විදිහට දැනෙනවා වගේම. ඒත් ඒ හැම තැනකදීමත්, මට මම ආජන්ටියානුවෙක්ය කියන හැඟීමත් එහෙමම තිබුනා.

ඇල්බර්ටෝ ග්‍රෙනාඩෝස් [ALBERTO GRANADOS] මෙසේ කියයි:

අර්නෙස්ටෝ එයාගෙ යාලුවන්ට මෙහෙම කිවුවා.

''ඔයාලා මෙහෙ ඉඳන් විභාග තුනක් කවර් කරන්න සූදානම් වෙනවා. ඒ වෙනුවට මම සැලසුම් කරන්නෙ තාමත් රටේ යන්න බැරි වුනු පළාත් තුනක් කවර් කරන්න! ඒත් මේ සංචාර අස්සෙම ඔයාලා වගේම විභාග තුන සමත් වෙන්නත් මට ඕනෑ.''

ඇත්තටම ඔහු ඒ දේ කළා. එයා සැලසුම් කරපු ප්‍රදේශත් කවර් කළා. විභාගත් කවර් කළා ඉහළින්ම. සමහර විට ඕනෑවටත් වඩා හොඳින්. අර්නෙස්ටෝ හිතුවේ තමන්ට ලැබෙන ග්‍රේඩ් එක (ශ්‍රේණිය) ගැන නෙමේ. ලැබෙන ඉහළ ලකුණු ගණන නෙමේ. ඒ වෙනුවට ඔහු තමන්ට ප්‍රයෝජනවත් දේවල් ඉගෙන ගෙන දැන ගැනීමේ අවංක උවමනාවකින් වැඩ කළා.



ලතින් ඇමරිකාවේ සංචාරය කරලා, මේ අපූරු මහද්වීපයේ සුන්දරකමත්, ඒකට යටින් හැංගිලා තිබ්බ මිනිස්සුන්ගෙ දුක්බර ජීවන රටාවත් හොයා ගෙන යාමේ හීනයක් දිග කාලයක් තිස්සේ අපි ඇතුළේ තිබුනා. සති අන්තයක, එහෙම නැත්නම් කුඩා චාරිකාවක දී කඳුකරයේ ගෙවූ රාත්‍රියක, මමයි අර්නෙස්ටෝයි මගේ අනික් සහෝදරයෝයි එක්ක මේව ගැන කතා කළා කෙළවරක් නැතුව. අපේ අනාගත චාරිකාවේ මුල්ම සැලසුම් ක්‍රම ක්‍රමයෙන් හැදෙන්නට වුනා.

1951 දෙසැම්බර් 29 දා, අර්නෙස්ටෝ ග්වාරා, ඇල්බර්ටෝ ග්‍රෙනාඩෝස් සමග මෝටර් සයිකලයේ නැගුනේ, දීර්ඝ වූ ද වෙහෙසකර වූ ද, පසු කලෙක ලෝක ප්‍රකට වූ මෝටර්-සයිකල් චාරිකාව අරඹනු පිණිසයි. තරුණ අර්නෙස්ටෝ ග්වාරා, පසුව ලෝකය හඳුනාගත් චේ ග්වාරා නම් වූ විප්ලවවාදියා බවට රූපාන්තරණය කළා වූ හැරවුම් ලක්ෂ්‍යය මේ ගමනයි. ඔවුන්ගේ මුල් සැලැසුම වූයේ පැසිෆික් වෙරළ තීරයේ මුළු දුර ආවරණය කිරීමයි.



ඇල්බර්ටෝ ග්‍රෙනාඩෝස් [ALBERTO GRANADOS] මෙසේ කියයි:

සංචාරය පුරාවට අපේ මෝටර් සයිකලය කිසිම ලෙඩක් නොදී දිව්වා නම් මේ චාරිකාව මේ තරම් වටිනා අගනා අත්දැකීමක් නොවෙන්න හොඳටෝම ඉඩ තිබුනා. ඒත්, එහෙම වුනේ නෑ. චිලියේ සැන්ටියාගෝවට ළං වෙන්න ඔන්න මෙන්න තියෙද්දි, සයිකලේ තවත් දුරනං යන්ඩ බෑ කියන්ඩ ගත්තා. ඒ වෙද්දි සැලසුම් කරපු දුරෙන් අටෙන් එකක්වත් අපි කවර් කරලා තිබ්බෙ නෑ. එතනදි තමා අපි දෙන්න එයාව මග අතරමං කරලා දාලා අපේ ගමන ඉදිරියටම යන්න ඕනෙ කියන දුක්බර තීරණයට ආවේ. ''සයිකලයෙන් බැහීම'' තමා අපේ චාරිකාවෙදි අපිට මිනිස්සු අඳුනා ගන්න ඉඩ සැලැස්සුවේ. අපි අතට අහුවෙන හැම රැකියාවක්ම කර කර, අපේ චාරිකාවේ ඉතිරි කොටස සම්පූර්ණ කරගන්න මුදල් හෙවුවා. අපි ට්‍රක් රියදුරන් විදිහට, නාට්ටාමිලා විදිහට, පිඟන් සෝදන්නො විදිහට, නාවිකයන් විදිහට කොටින්ම වෛද්‍යවරු විදිහට පවා වැඩ කෙරුවා.





[මතු සම්බන්ධයි.]
මේ වියමන ඔබේ මූණු පොතට එක් කරන්න-
Tags- Ernesto Che Guevara, Alberto Granado, Travelling with Che Guevara: The Making of a Revolutionary,
පැරණි මාදිලියෙන් ලැබුණු ප්‍රතිචාර-
Ayesha මෙහෙම කියනවා :
hugak pin. me wage wedak kalaata. mage uparima sahaya.

කිවුව වෙලාව- 2010-07-29 05:00:26
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් Viva Che
VIVA CHE! [6 කොටස] "නෑ ඔබට කොමියුනිස්ට්වාදියෙක් විය නොහැකියි...! ඔබ තරම් හොඳ මිනිසෙකුට...!"
VIVA CHE! [5 කොටස] "අප මේ සටන දැනටමත් දිනා තිබේ!"
VIVA CHE! [4 කොටස] "විප්ලවාදී වෛද්‍යවරයෙකු වීමට- ඔබට විප්ලවයක් අවශ්‍යයි!"
VIVA CHE! [3 කොටස] "එක වෙඩිල්ලක්වත් නොතියා විප්ලවයක් කරන්න? පිස්සු හැදී ගෙන එනවාද?"
VIVA CHE! [1 කොටස] මිනිසෙක් මිය යා යුත්තේ කුමක් වෙනුවෙන් ද?
බූන්දි නව ඊමේල් ලිපිනය- editorial@boondi.lk
BoondiLets
රෝසා ලක්සම්බ(ර්)ග් කියයි.
ආණ්ඩුවේ ආධාරකරුවන් හෝ සාමාජිකයින් පමණක් සතු නිදහස, පක්ෂ සාමාජිකයින් පමණක් සතු නිදහස, ඔවුන් ගණනින් කෙතරම් ප්‍රමාණයක් වුව ද එය සැබෑ "නිදහස" නොවේ. නිරන්තරයෙන් සහ විශිෂ්ට... [More]
What's New | අලුතෙන්ම
Cine| "තුන්දෙනෙක්|மூவர்"- මිනිස්කම අහිමි වීම පිටුපස ඇති දේශපාලන ප්‍රශ්නය නිරාවරණය කිරීමේ අභියෝගය

10-Mins

(උපාලි අමරසිංහ) අප ජීවත්වන මේ යුගයේ සමාජ ආර්ථික දේශපාලන මූලයන්ගෙන් ඉපදී එම ක්‍රමය විසින් ම පෝෂණය කරන්නාවූ යක්ෂයාගේ හෝරාව පැමිණ කළ විනාශය... [More]
කතන්දර| "අමුතු ආච්චිගෙ අපූරු සර්කස්"- ළමා කතන්දරය [වීඩියෝව]

31-Secs

"අමුතු ආච්චිගෙ අපූරු සර්කස්" බලමුද?- පොඩිත්තන්ට විනෝදාත්මක සිංදු කතන්දරයක් [කාටූන්]- Mala Kumar හා Manisha Chaudhry ලියා, Niloufer Wadia සිත්තම් කළ... [More]
කවි| සිංහයෝ උඹ ණයයි!

25-Secs

(අමිල නන්දසිරි) හදන්නට සීගිරිය මාලිගේ
කොන්ත්‍රාත් එක ගත්තෙ
මිගාරගෙ මල්ලි වුන
ගම් සභාපතිතුමයි
වැලි ගඩොල් අපි ඇද්දෙ
උඩට කර බරෙන්මයි... [More]
කවි| 'අපේක්ෂා' - ඒක ගැලපෙන නමක්!

16-Secs

(වජිර දීප්ති වීරකෝන්) "කුසුමාවතී රත්නායක"
නම කියනකොටම
මට "ඉන්නවා" කියවුනා,
මේ ඉස්කෝලෙ නෙමේ
ඉස්පිරිතාලෙ කියලා
හාංකවිසියක් අමතක වුනා..... [More]
කතන්දර| වනවාසි සහ ලෝකවාසී

26-Mins

(මනූෂා ප‍්‍රභානි දිසානායක) මම ගමත්, නගරයක් අත්ඇරල හිටියෙ. ඒ නිසා අවුරුදු ගාණක් තිස්සෙ මම හිටියෙ වනවාසී ව. මාව අඳුනගන්න කාටවත් ම බැරිවුණා.... [More]
පොත්| අක්කරෙයිපත්තු අක්ෂර- අත්‍යවශ්‍ය හදිසි කියැවීමක්!

2-Mins

(කසුන් සමරතුංග) එක් පසෙකින් ප්‍රතිවිරුද්ධ මත දරන්නන්ගේ හිස ගසා දමන බවට ගර්ජනය කිරීම නිසා උත්කර්ෂයට නැංවෙන බ්‍රිගේඩියර්වරුන් ය. තව පසෙකින් ජාතිය වඳ... [More]
කතන්දර| අලුත් වෙමුද අවුරුද්දේ? [වීඩියෝව]

12-Secs

අලුත් අවුරුද්ද වෙනුවෙන් පොඩිත්තන්ට- චූටි ටීචර් සමග "අලුත් වෙමුද අවුරුද්දේ?"- [කාටූන්]

හඬ- මාෂා සුවනී, නයෝමි ගුණසිරි
පිටපත සහ සජීවීකරණය- බූන්දි වැ.දෙ.


[Sinhala Kids... [More]
වෙසෙස්| ආරියසේන යූ ගමගේ- සොඳුරු මතක ඉතිරි කොට නික්ම ගිය වෛද්‍යවරයා

5-Mins

(තිලක් සේනාසිංහ ) රෝගියෙකු තමන් වෙත දෙන බුලත් අත දෙස බලා එම රෝගියාට ඇති රෝග ‍සියල්ල අකුරක් නෑර විස්තර කරන විස්මිත වෙදමහතෙකු පිළිබඳව... [More]
කතන්දර| "මීයා සහ පැන්සලයා"- සෝවියට් ළමා කතන්දරය [වීඩියෝව]

13-Secs

මෙන්න පොඩිත්තන්ට රුසියාවෙන් තවත් කතන්දරයක්! වී. සුතේයෙව් ලියා සිත්තම් කළ "මීයා සහ පැන්සල" ළමා කතන්දරයේ සිංහල ප්‍රතිනිර්මාණය.

හඬ මුසුව- නයෝමි ගුණසිරි,... [More]
කවි| "නික්මෙන්න පෙර ලියමි..."

43-Secs

(ශාමිලා හුසේන්) කහපාට මල් වල තනියට
රොබරෝසියා අහුලලා තියපු
කවි වල
තුනෙන් දෙකක් ඔබට
පංගුවක් මට...... [More]
රංග| ග්‍රීක නාට්‍යයන්හි ගැබ්වන සියුස් බල විරෝධය

11-Mins

(චින්තා පවිත්‍රානි) මිනිස් විඤ්ඤාණයෙහි දෙවිදේවතාවුන් පිළිබඳ නිදන්ගත ව පවත්නා මතිමතාන්තර විවිධ සමාජ සංස්කෘතික පරිස්තිථීන්ට අනුව වෙනස් මුහුණුවරක් විශද කරයි. තම පාලනය යටතේ... [More]
ඔත්තු| අවතාරය- මාර්තු 27

12-Secs

'අවතාරය' සඟරාව ජනගත කිරීම, සම්මන්ත්‍රණය හා සිනමා දැක්ම, 2018 මාර්තු 27 අඟහරුවාදා, කොළඹ 07, ජාතික... [More]
වෙසෙස්| හුදකලාව විකුණා විනෝදවෙන්න එන්න!

5-Mins

(සරද සමරසිංහ) මේ කාලයේ සමාජයේ, විශේෂයෙන් මැද පන්තියේ මිනිසුන් සහ ගැහැණුන්ට යහළුවෝ වර්ග දෙකක් සිටිති. එක් වර්ගයක් නම් උදේ හවා හමුවෙන- අහන... [More]
කතන්දර| "පුංචි පුතුට පාඩමක්"- ළමා කතන්දරය [වීඩියෝව]

36-Secs

"පුංචි පුතුට පාඩමක්"- පොඩි දරුවන්ට ලොකුම ලොකු පාඩමක් කියා දෙන ආදරණීය කතාවක් [කාටූන්]- Alex Latimer ලියා, Patrick Latimer සිත්තම් කළ... [More]
අදහස්| සිංහලයා වඳ වෙමින් යනවද?

2-Mins

(තාරක වරාපිටිය) මෑතකදී බෞද්ධ භික්ෂුවක් විසින් තම 'ධර්ම දේශනයකදී' ප්‍රකාශ කොට ඇති කරුණක් මා වෙත සැලකොට සිටියේ මිත්‍රයෙකු විසින්. එවැනි කතා අපේ... [More]
ඔත්තු| මාක්ස් ලයිව් ඉන් ශ්‍රී ලංකා- අප්‍රේල් 5

21-Secs

කේ.කේ. සමන් කුමාරගේ අලුත්ම නවකතාව 'මාක්ස් ලයිව් ඉන් ශ්‍රී ලංකා' කෘතිය, 2018, අප්‍රේල් 05 වන... [More]
වෙසෙස්| ස්ටීවන් හෝකින්- විශ්වය විමසයි.

3-Mins

(නද්යා භාෂිණී අමරනායක) "විශ්වය තරම් විශාල හෝ පැරණි අන් කිසිවක් නොමැත. මා සාකච්ඡා කිරීමට කැමති ප්‍රශ්ණ කිහිපයකි; අප පැමිණියේ කොහෙන්ද? විශ්වයේ පැවැත්ම ඇතිවූයේ... [More]
රත්තරං ටික| ඔවුහු අප මෙන්ම වූ මිනිස්සු වූහ!

1-Mins

(යෙව්ගිනි යෙව්තුෂෙන්කො | ටී. අන්ද්‍රාදි) මම කුඩා කාලයේ එක් වරක් මගේ මාමාවරුන් විසින් මරා දැමුණු මුවෙකු බදා ගෙන කඳුළු සලන්නට... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook