Facebook
Twitter
Google+
YouTube
Blog
RSS Feed
පරිවර්තන කවි
Still I Rise| එහෙත් මම නැගිටිමි.
බූන්දි, 00:21:39
ඔබ ඔබේ තිත්ත වංචනික
මුසාවලින්
ඉතිහාසය තුළ
මා පහත හෙළනු ඇත..
කසළ ගොඩක දමා පාගනු ඇත
එහෙත් මම නැගිටිමි...
දුහුවිලි සේ නැගෙන්නෙමි..

ඇයි ඔබ දොම්නසින් පීඩිතව?
මගේ උතුරා යන ජීවය
ඔබ ව පෙළනවා ද?
“මන්ද යත්, මා ඇවිද යන්නේ
මගේ විසිත්ත කාමරයෙන්
තෙල් ළිං උල්පත්
මතු වුණාක් මෙන් නිසා...”

සූර්යයන් සේම
චන්ද්‍රයන් සේම
නොවැරදී ඍතු පහළ වන්නා සේම
ප්‍රාර්ථනා ඉහළට එසවෙන්නා සේම
මම නැගිටිමි..

ඔබට මා දකින්නට අවැසි කෙසේද?
නැමුණු හිසින්, බිමට බරවූ දෑසින්
ආත්මීය විළාපයෙන් මැඩුණු
කඳුළු සේ කඩා හැළුණු උරහිස් වලින්
කැඩී බිඳී ගිය අයෙකු ලෙසින්ද?

මගේ සාඩම්බරය
ඔබ රිදවනවාද?
ඔව්, එය ඔබට තදින් දැනවා නොවේද?
“මන්ද යත්, මා සිනාසෙන්නේ
ගෙමිදුලෙන් රන් ආකර
හමු වූවාක් මෙන් නිසා...”

ඔබ ඔබේ වදන් වලින්
මට වෙඩි තබනු ඇත..
තියුණු දෑසින්
මා කපා දමනු ඇත..
වෛරයෙන්
මා මරා දමනු ඇත...
එහෙත් මම
සුළඟ සේ නැගෙමි....

මගේ ආකර්ශනය
ඔබට හිරිහැරයක් ද?
දෙපා හමුවණ තැන
දියමන්ති ඇත්තාක් මෙන්
මා රඟන විට
ඔබට විස්මපත් වන්නට සිදුවී ඇත්ද?

නින්දිත ඉතිහාසයේ
ගරා වැටුණු මඩුවෙන්
මම නැගෙන්නෙමි...
වේදනාවේ මුල් ඇදුණු
අතීතයෙන්
නැගෙන්නෙමි...
රළ නගන්නා වූ ද
ඉමහත් වූ ද
කළු මුහුදක් වෙමි...
ගලමින් හා විසල් වෙමින්
රළ පහර දරා සිටිමි...
ත්‍රාසයේ හා භීතියේ
රාත්‍රීන් පසුකොට
නැගිටිමි...
මුතුන් මිත්තන්ගෙන් ලද
දායාද ‍රැගෙන
සුපැහැදිළි වූ ත්
චමත්කාරජනක වූත්
හිමිදිරියකට
සුපසන්ව නැගිටිමි...
වහල්බව ට
සිහිනයද බලාපොරොත්තුවද
වන්නෙමි....
මම නැගෙමි...
මම නැගෙමි...
මම නැගිටිමි!

-මායා ඇන්ජලෝ

ආචාර්ය මායා ඇන්ජලෝ යනු අද්‍යතන සාහිත්‍ය ලෝකයෙන් ඉමහත් හරසර ලද හා එයට බලපෑම් කළ හඬකි. විශ්වීය සහ විප්ලවීය කතක් ලෙස ගොඩ නැගුණ ඇය කිවිඳියකි, නවකතාකාරියකි, අධ්‍යාපනවේදිනියකි, නාට්‍යවේදිනියකි, නිළියකි, ඉතිහාසඥවරියකි, චිත්‍රපට තනන්නියකි, සිවිල් අයිතිවාසිකම් වෙනුවෙන් පෙනී සිටින සමාජ ක්‍රියාකාරිනියකි.1928 දී ඇමරිකාවේ මිසූරි හි කළු ඇමරිකානුවෙකු ලෙස උපත ලද ඇය ජාති භේදයෙන් දැඩි ලෙස පීඩා වින්ද ද කිසිදු විටෙක සිය අප්‍රිකානු -ඇමරිකානු සංස්කෘති‍යෙන් ලද විශ්වාසය හා වටිනාකම් අහිමි කර නොගත්තාය. සිය ජිවිත කතාව ලියවෙන I Know Why the Caged Bird Sings හි සඳහන් වන පරිදි වයස අවුරුදු අටේදී මවගේ පෙම්වතා අතින් ලිංගික අපයෝජනයට ලක්වන මායා එම සිද්ධි දාමයේ ප්‍රතිඵලයක් ලෙස පුරා වසර පහක් වචන පිට කර ගත නොහැකිව ගොළු දැරියක වූවාය. පසු කලෙක හමුවන ගුරුවරියක විසින් නැවත කතා කිරීමට උනන්දු කරවනු ලැබ, සාහිත්‍ය ලොව සොයා ගන්නා ඇය ශේක්ස්පියර්, එඩ්ගාර් ඇලන් පෝ, චාල්ස් ඩිකන්ස් වැන්නවුන්ගේ පොත් පරිහරණය කරමින් සිය සාහිත මං පෙත් හෙළි පෙහෙළි කර ගත්තාය.

විවිධ කෙෂ්‍ත්‍ර වලින් සිය අධ්‍යාපනය ලබමින් විවිධ වෘත්තීන්හි නියැලෙමින් , මාටින් ලූතර් කිං සමග පවා වැඩ කරමින් ඇය පන්නරය ලැබුවාය. Down in the Delta, 1998 චිත්‍රපටය තනමින්ඇමරිකාවෙන් බිහි වූ ප්‍රථම කළු ජාතික චිත්‍රපට අධ්‍යක්ෂවරිය වීමේ ගෞරවය ද ලද්දාය. ලින්කන් පදක්කම ද , ජනාධිපති සම්මාන ද ඇතුළු බොහෝ සම්මාන හිමි කර ගත් ඇය ට ලොව පුරා විශ්ව විද්‍යාල වලින් හිමිව ඇති ගෞරව උපාධි ගණන තිහකට අධිකය. කළු ජාතික කාන්තා කතුවරියන් නොසළකා හරින ලද යුගයක හා රටක උපන් ආචාර්ය ඇන්ජලෝ ලියූ I Know Why the Caged Bird Sings, I Shall Not Be Moved , Phenomenal Woman, A Song Flung Up to Heaven, All God's Children Need Traveling Shoes, Still I Rise, Letter To My Daughter වැනි නිර්මාණ ඇගේ අනතර්ජාතිකව පිළි ගැණුනු ග්‍රන්ථ කිහිපයක් පමණි.

පරිවර්තනය සහ සටහන- මාලතී
මේ වියමන ඔබේ මූණු පොතට එක් කරන්න-
Tags- Still I Rise by Maya Angelou
පැරණි මාදිලියෙන් ලැබුණු ප්‍රතිචාර-
PP මෙහෙම කියනවා :
nicely translated!
compared with da original. excellent..


කිවුව වෙලාව- 2010-07-28 03:09:51
ගිම්හාන. මෙහෙම කියනවා :
මේක අති විශිෂ්ට කවියක්. මාලතී ඉතා හොඳින් පරිවර්තනය කරල තියෙනවා. මම දැකපු හොඳම පරිවර්තන කවිය. මායා ඇන්ජලෝ.....ඔව් එහෙත් අපි නැගිටිමු.
මාලතී ගෙ පරිවර්තන කාර්යය ට මගෙන් සුබ පැතුම්.! මෙපමණ සාර්ථක ලෙසින් මෙය නිම කළා ට ඔබට ස්තූතියි.
ඇයි ඔබ දොම්නසින් පීඩිතව?
මගේ උතුරා යන ජීවය
ඔබ ව පෙළනවා ද?
“මන්ද යත්, මා ඇවිද යන්නේ
මගේ විසිත්ත කාමරයෙන්
තෙල් ළිං උල්පත්
මතු වුණාක් මෙන් නිසා...”

මගේ සාඩම්බරය
ඔබ රිදවනවාද?
ඔව්, එය ඔබට තදින් දැනවා නොවේද?
“මන්ද යත්, මා සිනාසෙන්නේ
ගෙමිදුලෙන් රන් ආකර
හමු වූවාක් මෙන් නිසා...”

කළු මුහුදක් වෙමි...
ගලමින් හා විසල් වෙමින්
රළ පහර දරා සිටිමි...
ත්‍රාසයේ හා භීතියේ
රාත්‍රීන් පසුකොට
නැගිටිමි...

විශිෂ්ට යි.!!!


කිවුව වෙලාව- 2010-07-26 01:58:40
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
මායා ඇන්ජලෝගෙන් තවත් වියමන්
පරිවර්තන
අසිරිමත් ගැහැණිය
කවි
මිලියනයක් මිනිසුන්ගේ පෙළපාළියේ කවිය
කවි
Amazing Peace: A Christmas Poem
වෙසෙස්
ත්‍යාගශීලි බව
පරිවර්තන
ඔවුහු ගෙදර ගියහ.
තවත් පරිවර්තන කවි
මගේ බිරිඳගේ ඇස් හිරු වගේ නෑ
පිළිතුර මාගේ මිතුරනි, සුළඟේ මුසුව ඇත!
'සැලී' උයනෙහි කෙළවර
අඳුරු ගොම්මනක කතාව
ආත්මීය කුණාටුව
බූන්දි නව ඊමේල් ලිපිනය- editorial@boondi.lk
BoondiLets
රොබට් රග්දෙත්ස්වෙන්ස්කි ලියයි.
සාමාන්‍යයෙන් කියනවා නම් යම් විටක හෝ කවියක් නොතැනූ මිනිසෙක් මෙලොව නැති බව හොඳටම විශ්වාසය. හැම කෙනෙක්ම එක් මට්ටමකට කවි ලියති. හැම කෙනෙක්ම...! ඊට පසු සිදු... [More]
What's New | අලුතෙන්ම
වෙසෙස්| දත්තවාදී යුගයේ විප්ලවවාදින් හඳුනාගනිමු!

6-Mins

(සරද සමරසිංහ) ඉතිහාස හා සමාජ විද්‍යා විශේෂඥයෙකු වන යුවෙල් නෝව් හරාරි (Yuval Noah Harari) විසින් රචිත Homo Deus නොහොත් 'මීළඟ හතළිස් වසරේ... [More]
කතා-බස්| "පියවරු සහ පුත්තු"- සුමති සිවමෝහන් සමග කතාබහක්

8-Mins

(සමන් එම්. කාරියකරවන) මේ වසරේ මාර්තු මාසයේ දී ඉන්දියාවේ හයිද්‍රාබාද්හි පැවති ඉන්දියානු ලෝක සිනමා උලෙළේ දී හොඳ ම චිත්‍රපටයට හිමි ජූරි සම්මානය දිනා... [More]
කතන්දර| "අලි සෙල්ලං හා ලෙල්ලං!" [ළමා කාටූන් වීඩියෝව]

42-Secs

"අලි සෙල්ලං හා ලෙල්ලං!"- පොඩිත්තන්ට විනෝදාත්මක කතන්දරයක් [කාටූන්]- Sanjiv Jaiswal 'Sanjay' ලියා, Ajit Narayan සිත්තම් කළ 'Playtime' ඉන්දියානු ළමා කතන්දරයේ... [More]
පරිවර්තන| මගේ බිරිඳගේ ඇස් හිරු වගේ නෑ

59-Secs

(විලියම් ශේක්ස්පියර් | චින්තා පවිත්‍රානි) මගේ බිරිඳගේ ඇස් හිරු වගේ නෑ
පබළු ඇගේ දෙතොලේ රතට වඩා බොහෝ රතු පාටයි
හිම සුදු වී නම් ඇගේ පියයුරු අවපැහැ මන්ද?

කෙස් වයර් වී නම් ඇගේ හිසේ කළු වයර් වැවේ
මා රෝස, රතු හා සුදු පෑ රෝස මල් දැක තිබේ,... [More]
කවි| සටහන්ය; සුන්දර ගමක; මළගෙයක...

11-Secs

(විකුම් ජිතේන්ද්‍ර) සුදු රැළි පාලම්ය මග
කිඳුරා නිදිය සාලයෙහි

විඩාබර වූ ඉකියකි
අම්මෙකි
ආදරේ බර ඉල්ලාගෙන... [More]
කවි| ගරු අධිකරණයෙන් අවසරයි..!

46-Secs

(ජනිත් විතාරණගේ) අත තබා දිවුරන්න පුළුවන් ස්වාමිනි බොරු නෙවෙයි කියලා
මැරෙන්නට හිත හදාගෙන මම රේල් පාරෙත් ලැගන් ඉඳලා
කෝච්චිය දුර ඈත එනකොට තාත්තගේ බොන බෙහෙත් මැවිලා
කරන්නම වෙන දෙයක් නැති තැන ගියේ එතනට අම්මපල්ලා

පහන් කොච්චර එළිය දුන්නත් කැඩුන පසු කුණු ගොඩට හින්දා... [More]
වෙසෙස්| සුන්දර කළු කෙල්ල- රූපී කෞවුර්ගේ අතිශය සුන්දර ආත්මය!

2-Mins

(සදර්ශී කුසුම්වර්ෂා රණසිංහ) සමහර ගැහැණු- පිරිමි ජීවිතයේ බොහෝ මධුර දෑ සඟවාගෙන ඇවිදින පොත් බඳු ය. නැත්නම් තාලයක් ඇති කවි බඳු ය. හුදෙක් මනුස්ස... [More]
අදහස්| කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?

3-Mins

(සුරෝෂන ඉරංග) අපේ රටේ මාධ්‍ය සංස්කෘතිය පවතින්නේ කුණු වී දුඟඳ හමන තත්ත්වයක බව අමුතුවෙන් පැවසිය යුතු නැත. එය අපේ රටේ දේශපාලන සංස්කෘතිය... [More]
අදහස්| දෙසියවෙනි උපන්දිනයට කාල් මාක්ස්ට උපහාර තෑග්ගක්!

16-Mins

(ඩෙස්මන්ඩ් මල්ලිකාරච්චි) කාල් මාක්ස්ගේ 200 වෙනි උපන්දිනය කොළඔ මහවැලි කේන්ද්‍රයේදී පසුගිය 11 වෙනි දින සමරනු ලැබුවේ කාල් මාක්ස්ගේ ප්‍රාග්ධනය කෘතියේ 3 වෙනි... [More]
Cine| ස්ත්‍රී සිත් පෙන්වන වෛෂ්ණාවී පිළිබඳ පසු විපරමක්

13-Mins

(ඩිල්ෂානි චතුරිකා දාබරේ) මෙම ලිපිය ආචාර්ය ලෙස්ටර් ජේම්ස් පීරිස්ගේ අදහස පරිදි සුමිත්‍රා පීරිස් විසින් නිෂ්පාදනය කරන්නට යෙදී, මෑතකදි තිරගත වූ වෛෂ්ණාවී සිනමාපටය සම්බන්ධයෙනි.... [More]
Cine| Gifted Hands: The Ben Carson Story- මිනිස් බව නිර්මාණය කළ හැක්කේ මිනිසුන්ටම පමණි!

4-Mins

(වජිර කාන්ත උබේසිංහ) මල් පිපෙන එකයි මිනිස්සු හැදෙන එකයි වෙනස්. මොකද මල් කොච්චර ලස්සන වුනත් මල් පුබුදුවන්න අවශ්‍ය ජලයයි, සුර්යාලෝකයයි විතරයි. මේවා කොපමණ... [More]
කවි| සර්ධාවෙන් ලියන වග නම්

36-Secs

(අමිල නන්දසිරි) අපි පුතේ දුර ඈත වන්නි හත් පත්තුවේ
පාන්දර බස් එකෙන් පෝලිමට එක්වුනේ
වැඳ පුරුදු මුදු මීට පෙරත් මුතියංගනේ
බුදුන් වැඩි බිම බුදුන් දකින්නට පෝලිමේ

අස්වැන්න කැපෙන මහ ගමට එන ලොරි කඩේ... [More]
කවි| යෞවනය!

25-Secs

(තුෂාරි ප්‍රියංගිකා) යෞවනය! ඇති තරම් හිනහා වී ඔබ ඉන්න
මැදිවිය බර වැඩී කෙනෙකුට
දරන්නට බෑ ඒ තනියම
දහක් අතරෙත් තනි වියහැකි බැවිනි.

පාට තවරා ගත්තු ගහකොළ... [More]
සිත්තර| "දූපතෙන් එහා කලාව ගැන අවදියෙන් ඉන්න වෙනවා!"- ප්‍රගීත් රත්නායක

5-Mins

(කසුන් සමරතුංග) චිත්‍රයක් යනු නිහඬ කවියක් යැයි කියනු ලැබේ. එනයින් ගෙන බලන කල ප්‍රගීත් රත්නායක යනු කැන්වසය මත, අපේ පරපුරේ නිහඬ කවි... [More]
කතන්දර| "කුකුළු පැටියයි තාර පැටියයි"- සෝවියට් ළමා කතන්දරය [වීඩියෝව]

14-Secs

මෙන්න තවත් ලස්සන සෝවියට් රුසියානු කතන්දරයක් [පොඩිත්තන්ට කාටූන්] වී. සුතේයෙව් ලියා සිත්තම් කළ "කුකුළු පැටියයි තාර පැටියයි" ළමා කතන්දරයේ සිංහල... [More]
වෙසෙස්| සමාජවාදයේ සහ ධනවාදයේ දත්තවාදී කියවීම

5-Mins

(සරද සමරසිංහ) මානව සමාජයේ ඉතා සුවිශේෂ හැරවුම් ලක්ෂ්‍යයන් දෙකක් වන සමාජවාදය සහ ධනවාදය දත්තවාදී දෘෂ්ටිකෝණයෙන් කියවාගත යුතු බව ඉතිහාස හා සමාජ විද්‍යා... [More]
කතන්දර| විරාම ලකුණු

7-Mins

(යශෝධා සම්මානි ප්‍රේමරත්න) "රායා, ඔයාට තේරෙනවද මම කියන දේ?" මම එකපාරටම පොළොවට වැටුනා. පොළව තිබුනේ බිම් මට්ටමට තට්ටු විසි එකක් උඩින්, කලබල නගරයක... [More]
කවි| හැරයාම

13-Secs

(තරින්ද්‍ර ගලහේන) නටුවකින් ගිලිහී වැටෙන
දුඹුරු පතක වන්
සොඳුරුවූ දුක්මුසු බවක් ඇත
ක්ෂය වෙමින් යන
සෑම ආදරයකටම...... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook