Facebook
Twitter
Google+
YouTube
Blog
RSS Feed
අදහස් බූන්දි
'හොත් පොර'(ණ) ඇදුරු වත| මහාචාර්යවරු හිටගෙන කරන විට චූලාචාර්යවරු දුව දුව කරති!!
බූන්දි, 00:37:49
මෙලොවෙහි කිසිදු අලුත් දෙයක් නැත. ඇත්තේ එකම පරණ ලෝකයයි. එහෙත් එය අලුත් ආකාරයකින් දැකීමට ඇතැමුන්ට හැකියාව ලැබී තිබේ. එසේ දැකිය යුත්තේ තමන්ගේම ඇසින් විනා අනිකකුගේ ඇසින් නොවේය යනු කලා නිර්මාණ හා සාහිත්‍යය සම්බන්ධයෙන් පවතින ප්‍රචලිත අදහසකි. අනුන්ගේ ඇසින් ලොව දකින්නා කවියෙක් නොවේ. ඔහු කුකවියෙකි යනුවෙන් කුමාරතුංග මුනිදාස මහතා පැවසූයේ ශ්‍රී රාහුල හිමියන් කාව්‍යශේඛරය ලිවීමේදී එකල ප්‍රසිද්ධ ලේඛකයන්ගේ පොත්වල ආ අදහස් ඒ ආකාරයෙන්ම උපුටාගෙන ඇතැයි පෙන්වා දෙමිනි. "එක පොතකින් කරුණු ගැනීම සොරකමකි. පොත් ගණනාවකින් ගැනීම පර්යේෂණයකි" යනුවෙන් පැවසෙන කියමනක් ඉංග්‍රී‍සි උගතුන් අතර තිබේ. මක්නිසාද යත් බොහෝ පොතපත කියවා කරුණු උකහා ගැනීමෙන් අලුතින් තර්ක ගොඩ නැගීමට මග පෑදෙන බැවිනි.

Plagiarism හා academic dishonesty යන යෙදුම් ලොව පුරා අධ්‍යාපන ක්ෂේත්‍රයෙහි භාවිතා වන බැවින් ඒවා නොදන්නා අය අධ්‍යාපන ආයතනවලින් බලාපොරොත්තු විය නොහැකිය. මේ යෙදුම් දෙකින්ම අදහස් වන්නේ ලිපිලේඛන හා පොත්පත් පළ කිරීම්වලදී අපේක්ෂා කරන ගුණධර්මයකි. එනම් නව අදහස් මතවාද පැවසීමට තමන් කියවූ පොතපත මොනවාදැයි අවංකව ලොවට හෙළිකිරීමයි.

එහෙත් මේ වචනවල තේරුම් නොදන්නා අය හමු විය හැක්කේද ශ්‍රී ලංකාවේ විශ්ව විද්‍යාලවලින් පමණක් වීම හාස්‍යජනකය. විශ්වවිද්‍යාල ආචාර්යවරුන් අතර පමණක් නොව ලේඛකයන් හා ගත්කතුවරුන් අතරද මේ අවංකභාවයෙන් තොරවූවන් සිටින අන්දම වරින් වර වාර්තා වෙයි. මේ සම්බන්ධ ප්‍රකට නඩු තීන්දු කිහිපයක්ද තිබේ. මලල්ගොඩට එදිරිව විඡේසුරේන්ද්‍ර ලොකුගේ යන නඩු තීන්දුව ඒ අතරින් ප්‍රසිද්ධය.

මෑතදී රුහුණු විශ්වවිද්‍යාලයේ ආචාර්යවරයකු පැරෑණි රසවාහිනී සඟරාවල පළවූ ලිපි සිය නමින් දිවයින බදාදා අතිරේකයේ පළකරවා ගත් අන්දම මේ සම්බන්ධයෙන් අපේ සිහියට නැගේ. මෙය හරියට අනුන්ගේ ඇඳුම් හොරකම් කර ඇඳීමක් වැනිය. නිරුවතින් ගමන්බිමන් යෑම ඊට වඩා නම්බුවකි.

මේ අන්දමින් අනුන්ගේ ඇඳුමින් සැරෑසී නිරුවත වසා ගන්නට තැත්කරන කිහිපදෙනකු ගැන පොතපත ඇසුරෙන් මෙහිලා කරුණු දැක්විය හැකිය. ආර්. එල්. බ්‍රෝහියර් කොළඹ නගරයේ ඉතිහාසය හා සිය පරපුරේ විත්ති හෙළි කරමින් Changing Face of Colombo නමින් ග්‍රන්ථයක් රචනා කළේය. එය කොළොම්පුර වෘත්තාන්තය මැයෙන් පද්මා එදිරිසිංහ විසින් පරිවර්තනය කිරීමෙන් පසුව ලේඛක කථීකාචාර්යවරයෙකුගේ නමින් "කොළොම්තොට කොමළිය" නම් පොතක් වෙළඳපොළට පැමිණියේය. කොමළියගේ නිරුවත ප්‍රදර්ශනය වූයේ පරිවර්තිකාව හා ප්‍රකාශකයා නඩු මගට බැසීම නිසාය. කොමළිය රචකයා අඩුම තරමින් බ්‍රෝහියර්ගේ පොතේ නමවත් සඳහන් නොකිරීමට වග බලා ගැනීමෙන් ඔහුගේ කපටිකමද ප්‍රදර්ශනය විය. එහෙත් බ්‍රෝහියර් වාර්තා කරන ලක්දිව බර්ගර් ප්‍රජාවගේ පවුල්වල පැවති පාරම්පරික කතන්දර වෙන මාර්ගයකින් ලබා ගත නොහැකි බැවින් නිරුවත අනාවරණය විය.

මේ නිරුවත විශ්වවිද්‍යාලවල චූලාචාර්යවරුන්ගේය. මහාචාර්යවරුන්ගේ 'හොත් පොර(ණ)කම්' මීට වඩා සූක්ෂ්මය. හැබැයි මහාචාර්යවරු හිටගෙන කරන විට චූලාචාර්යවරු දුව දුව කරති:

විදුරුපොළ පියතිස්ස හිමියෝ මෙරට බිහි වූ විශිෂ්ට පාලි උගතෙකි. උන්වහන්සේ 1949දී ඉංග්‍රීසි-පාලි ශබ්දකොෂයක් සම්පාදනය කළහ. එය පළ කළේ ගිහි පැවිදි පින්වතුන්ගෙන් සම්මාදම් කළ මුදල් යොදවමිනි. එදා පොතක් පළ කර ගැනීමේ දුෂ්කරතාවද එයින් වැටහේ. පිටු 760කින් යුතු මේ පොතට පිටු 16ක හැඳින්වීමක් ලියන විශ්වවිද්‍යාල ආචාර්ය හිමිනමක් එහි මුල් පිටුවට හා කවරයට edited by යනුවෙන් තමන්ගේ හා තවත් හිමිනමකගේ නම යොදා අලුතින් පළ කර තිබේ. edit යනුවෙන් අදහස් කෙරෙන්නේ සංස්කරණය නැත්නම් සකස් කිරීමයි. පියතිස්ස හිමියන්ගේ පාලි ශබ්දකෝෂයේ සකස් කිරීමට යමක් සොයා ගත නොහැකි වූ නිසා මුල් පොත ඒ ආකාරයෙන්ම ස්කෑන් (scan) කර පළ කර තිබේ. හැබැයි සංස්කාරක වශයෙන් තමුන් වහන්සේලාගේ නම් ඈඳාගෙන ඇත. පියතිස්ස හිමියන්ගේ මුල් පොතේ සංස්කරණය කිරීමට දෙයක් නැතත් අලුත් 'සංස්කාරකවරයා' ඉංග්‍රීසියෙන් ලියා ඇති හැඳින්වීමේ නම් සංස්කරණය කළ යුතු තැන් රාශියකි. සිංග්‍රීසියෙන් කියතොත් 'ඉස්පෙලිං මිස්ටේක්' රාශියකි! උක්ත ආඛ්‍යාත ගළපා ගත නොහැකි වූ වාක්‍ය මෙන් ම වැරදි පද හා යෙදුම්ද ඒ අතර වෙයි. ඒවා නම් කෙනෙකුට සංස්කරණය කළ හැකිය.


විදුරුපොළ පියතිස්ස හිමියන්ගේ ඉංග්‍රීසි - පාළි ශබ්දකෝශයේ මුල් පිටු.

විදුරුපොළ පියතිස්ස හිමියන්ගේ ඉංග්‍රීසි - පාළි ශබ්දකෝශයේ මුල් මුද්‍රණයේ පිටු ස්කෑන් කර 'සංස්කරණය' කර ඇති අන්දම හා එයට අලුතින් එක් කළ සංස්කාරකවරුන්ගේ නම් දැක්වෙන ටයිටල් පිටුව.


මේ හිමිනම විදුරුපොළ හිමියන්ගේ තවත් පොතක් මේ අන්දමට සංස්කරණය කර තිබේ. ඒ "කමලඤ්ජලී" නම් පාලි කාව්‍යයයි. (ලිපියේ ඉහළ දක්වා ඇති කවරය බලන්න.) එය 1940දී හා 1962දී යනුවෙන් දෙවරක් පළ වූ එකක් වුවත් මෙතුමා එහි කර්තෘගේ නම ඉවත් කොට තමන්ගේ නමින් පිටකවරයක් ඇඳගෙන තිබේ. ඒ එක්කම මේ පොත තමන්ගේ දෙමවුපියන්ට පූජාකරයි. එය හරියට අනුන්ගේ මල් වට්ටියක් පැහැරගෙන පූජා කිරීමකි. එයින් පවක් විනා පිනක් නම් වේදැයි පැහැදිලි නැත. එසේ වුවත් විශ්වවිද්‍යාලයේ උසස්වීම් සඳහා මෙවැනි සංස්කරණ ඉදිරිපත් කර ලකුණු ලබා ගත හැකි බව දන්නෝ දනිති. මෙවැනි වංචා සහගත පොත්වලට ලකුණු දී උසස්වීම් ලබා දීම නැවැත්වීමට පියවර ගතොත් අපේ අලුත් උසස් අධ්‍යාපන ඇමතිතුමාගේ නම රන් අකුරින් ලියවෙනු ඇත.

මෙවැනි බාල බොළඳ වැඩ දුව දුව කරන්නට පූර්වාදර්ශ ද මහාචාර්යවරුන්ගෙන් සැපයී තිබේ. සමහර මහාචාර්යවරු පොත් 50ක් 100ක් පළ කළ බවට පුවත්පත්වල දැන්වීම් පළ කරවා ගනිති. ඒ පොත්ද එක පොතේ කාණ්ඩ 3, 4 බැගින් පළ කෙරෙන ඒවාය. ඇත්ත නම් ඒ කාණ්ඩ තුන හතර ලියා ඇත්තේ වෙනත් ලේඛකයකු වීමත් මහාචාර්යතුමා ඒ ලේඛකයාගේ උපන් දිනය පාසල් ගිය අන්දම රස්සාව කළ ආකාරය කාපු බීපු ආකාරය විවාහ ජීවිතය වැනි තොරතුරු ඇතුළත් පිටු 10ක් 15ක් තමන්ගේ නමින් ලියා මුලට එක් කොට තිබීමත්ය. මේ තොරතුරුත් සිළුමිණ ශාස්ත්‍රීය අතිරේකය, දිවයින බදාදා අතිරේකය වැනි ඉහළ ශාස්ත්‍රීය ලිපි පළ කරන පුවත් පතකටවත් වැද්ද නොගත යුතු තරම් අශාස්ත්‍රීය ලියවිලිය. මේවා පූර්වාදර්ශයට ගනිමින් පියදාස සිරිසේන වැනි ලේඛකයන්ගේ නවකතා පවා අලුතින් 'සම්පාදනය' කොට තමන්ගේ නමින් පළ කරවා ගන්නට ඇතැමුන් පසුගිය කාලයේ කටයුතු කොට තිබේ.

මෙවැනි උගතුන්ගේ තවත් ආකාරයක වංචාවක් නම් ඉංග්‍රීසියෙන් පළ වී තිබෙන පොත් සාරාංශ කොට සිංහලෙන් ලියා තමන්ගේ නමින් අලුත් පර්යේෂණ සේ අඟවමින් පළ කර ගැනීමයි. දෙමළ සාහිත්‍ය ඉතිහාසය ගැන ලියා ඇති මෙවැනි එක පොතකට රාජ්‍ය සාහිත්‍ය සම්මාන පවා පිරිනමා තිබේ. මදුරාසි විශ්වවිද්‍යාලයේ උපකුලපතිව සිටි මු. වර්ධරාජන් ලියූ The History of Tamil Literature එසේ හොරකම් කරනලද පොතේ මුල් කෘතියයි. සිංහලෙන් පොත පළ කළ මහාචාර්ය රත්නය මුල් පොත ගැන නොකීමේ සුනි(ම)ල ආර්ය මාර්ගයෙහි ගමන් කරන්නෙකි.

තවත් මෙවැනි පොත් කිහිපයක් වෙළඳ පොළේ තිබී මම මිලදී ගත්තෙමි. ඉන් එකක් බටහිර නාට්‍ය ඉතිහාසය ගැන ලියවුණකි. නාට්‍ය හා රංග කලාව පාසල්වල ඉගැන්වෙන නිසා මේ පොත හුඟ දෙනකු විසින් මිල දී ගන්නකි. එහෙත් මුල් කර්තෘගේ නම වත් නොලිවීමට තරම් සිංහල පොතේ කර්තෘ සුචරිතවත් වී ඇත. ඔස්කාර් බ්‍රොකට් (Oscar Brockett) විසින් ලියන ලද The History of Theatre එහි මුල් පොතයි. බටහිර සාහිත්‍ය විචාරය ගැන ලියවුණු ඉංග්‍රීසි පොතක්ද මෙවැනි සුචරිත මාර්ගයකින් සිංහලෙන් පළ වී තිබේ. Aesthetics from Ancient Greece to the Present නම් මේ පොතේ කර්තා ප්‍රකට දර්ශනවාදියකු වන මොන්රෝ සී. බියර්ඩ්ස්ලි (Monroe C. Beardsley)ය. එහි ඇති වෙනස නම් මුල් ඉංග්‍රී‍සි පොතේ පළ කොට තිබූ ආශ්‍රිත ග්‍රන්ථ නාමාවලිය සිංහල පොත අගට යොදා ඒ නාමාවලියේ මුලට මුල් ඉංග්‍රීසි පොතේ නමද එක් කොට තිබීමය. 'ගමක් ලත්' තැනැත්තෙකු නොව සිය ගණනක් 'ගම්-ලත්' අයෙකු වුවත් මෙවැනි කටයුතු කරයි නම් එහි ඇත්තේ සුචරිතයක් නොව දුශ්චරිතයකි.

කරහම්පිටිගොඩ සුමනසාර හිමියන්ද මේ සුචරිතවත් ලේඛක මහාචාර්යවරයාගේ මංකොල්ලයට ගොදුරුවූ උගතෙකි. උන් වහන්සේ ලියූ "එළු සඳැස් ලකුණේ නිදසුන් පද්‍ය" නමැති අත් පිටපත මේ තැනැත්තා විසින් උන් වහන්සේ ජීවත්ව සිටියදී රැගෙන ගොස් කලකට පසුව උන්වහන්සේ අපවත් වූ බව ආරංචි වී එය තමන්ගේ නම පිටකවරයට යොදා මුද්‍රණය කරවාගෙන තිබේ. මේ උගතාගේ නමින් පළ කර ඇති බුද්ධ චරිතයද එඩ්වඩ් ඡේ තෝමස් වෙහෙස මහන්සියක් දරා ලියූ පොතම බවත් එහි සිංහල පරිවර්තනයක් කලකට පෙර කීර්තිමත් පඬිවරයකු වූ ජී. ඇස්. බී. සේනානායක විසින් පළ කර ඇති බවත් අපට අමතක වී ගොස් නැත.

මේ උගත් මහාචාර්යතුමා ළඟදී සෙනරත් පරණවිතාන මහතාගේ Sigiri Graffiti කෘතියේ මුල් කාංඩය සිංහලට පරිවර්තනය කිරීමට පුරා විද්‍යා දෙපාර්තම්න්තුවෙන් කොන්තරත්තුවක් ලබා ගත්තේය. මුල් පොතේ පිටු ගණන 222කි. එයින් 32 පිටුවේ සිට 171 තෙක් කොටස ඒ පොතේ දිගම පරිච්ඡේදයයි. 1964දී පීටර් සිල්වා මහාචාර්යතුමා විසින් සිංහලයට පෙරළා අධ්‍යාපන දෙපාර්තමේන්තුව මඟින් එය සීගිරි ගී වියරණ නමින් පළ කොට තිබේ. කොන්තරත් මහාචාර්තුමාගේ පරිවර්තනයට පීටර් සිල්වා මහාචාර්යතුමාගේ කොටස සම්පූර්ණයෙන්ම ගෙන ඇත. ඒ නොමිලයේ නො වේ. අර පරිවර්තනය පිටපත් කර තමන්ගේ නමින් පළ කිරීමට ඔහු රජයේ මුදල් ලබා ගෙන ඇත. මෙහිදී නම් තමන් පීටර් සිල්වාගේ කොටස උපුටා ගත් බව ඔහු නොබියව පවසන්නේ මුදල හරි නිසා විය යුතුය. ඔහුට පරිවර්තනය කිරීමට සිදු වුණේ 1-32 කොටසත් 171-221 කොටසත් පමණි. මේවාත් සොරකම්ය. උපැවිදි නොවී සිටියා නම් පාරාජිකා වන්නට මෙයම ප්‍රමාණවත්ය.

විශ්වවිද්‍යාලවල "උගතුන්ගේ" තවත් ක්‍රමවේදයක් නම් තමන් උගන්වන විෂයට අදාළව සිසුන්ට කියවීමට නියම කරමින් පොත් පළ කරන විට ඒවාට පාදක කර ගන්නා මුල් පොත් වසං කිරීමයි. මුල් පොත් ගැන නොකියා ඒවායේ එන අදහස් තමන්ගේ වගේ සිංහලෙන් කියා පෑම මහා වික්‍රමයක් විය යුතුය. මහාචාර්යවරුන් මේ අන්දමින් හිටගෙන කරද්දී ගෝලයන් දුව දුව නොව පෙරළි පෙරළී මේ හොරකම කරන ආකාරය විශ්ව විද්‍යාලවලින් ආරංචි වෙයි. මහාචාර්යවරයා හොරකම් කොට බෝතලයක් පුරවා එයට තමාගේ නම අලවා ගනී. කථීකාචාර්ය ගෝලයා එයින් ඇබින්දක් කුප්පියකට දමා තමන්ගේ නමින් අලෙවි කරයි.

මේ තෙල් බේත් වෙළඳාම සඳහා හොඳම උදාහරණය අපට හමුවන්නේ මූලික සමාජවිද්‍යාව 1 කොටස නමින් පළ කොට ඇති පොතකිනි. (මූලික සමාජ විද්‍යාවක් ගැන නම් අපි නොදන්නෙමු. එය සමාජවිද්‍යාවේ මූලිකාංග හෝ සමාජවිද්‍යා මූලධර්ම වැනි මාතෘකාවකින් හැඳින්වූවේ නම් ගැළපෙන බව නම් කිව හැකිය.) කෙසේ වෙතත් මේ පොතේ හත් වැනි පරිච්ඡේදය ප්‍රසිද්ධ මහාචාර්යවරයෙක් අපරාධවිද්‍යාවේ මූලධර්ම 1 යනුවෙන් ලියූ පොතේ මුල් පරිච්ඡේදය හොරකම් කර පළ කිරීමකි. (මහාචාර්යවරයාගෙ අපරාධ විද්‍යා මූලධර්ම පොතේ හා චූලාචාර්යවරයාගේ මූලික සමාජවිද්‍යාව පොතේ අපරාධ කොටසේත් ඡායා පිටපත් මෙහි දැක්වේ. ඒවා සැසඳීමෙන් සමානත්වයේ තරම වටහා ගතහැකිය.) අනික් අතට මේවා ශාස්ත්‍රීය කෘති නම් නොවේ. මේවා හොඳ විභාගවලට සටහන් එකතු කරන ශිෂ්‍යයන්ටය. විශ්වවිද්‍යාල කීපයක්ම බාහිර උපාධි විභාග පවත්වන නිසා මේ වැනි කුප්පි කෑලිවලට හොඳ ඉල්ලුමක් ඇති බව ආරංචි වෙයි.


මහාචාර්යවරයාගේ පොත.

මහාචාර්යවරයාගේ පොත කොපි කර චූලාචාර්යවරයා ලියූ පොත.


මෙවැනි පොත්වල කර්තෘවරු තමන් අහවල් විභාගයේ අහවල් විෂය භාරව සිටින බව පොත්වල පසුවදන්වලින් ප්‍රසිද්ධ කරන්නේ ඒවා අලෙවි කර ගැනීමේ මාර්ගයක්ද එමඟින් පෑදෙන බැවිනි. මේවා සෘජුවම විභාග වංචාය.


බාහිර විභාග වලට විකුණාගැනීමට ලියා ඇති පසුවදන.


විශ්වවිද්‍යාල පැත්තේ රවුමක් ගැසීමෙන් මෙවැනි පොත් ලියවෙන ආකාරය ද අනාවරණය කරගත හැකිය. මහාචාර්ය වීමට හීන මවාගෙන සිටින චූලාචාර්යවරයා කරන්නේ තමන්ට ලිවීමට ආශාව ඇති විෂයට අදාළව ශිෂ්‍යයන්ට පැවරුම් ලිවීමට නියම කිරීමයි. ඒ පැවරුම්වල මුද්‍රිත පිටපත සමග එහි සී. ඩී. එකද බාරදිය යුතුය. දැන් වැඩේ ඉතා සරලය. ශිෂ්‍යයන් ලියූ පැවරුම්වල මුල්පිටු කඩා දමා ඒවා එකට එකතු කර තමන්ගේ අත්පිටපත සාදාගත හැකිය. ඒ සමග අර සී. ඩී. තැටිද මුද්‍රණාලයට දෙයි. සතියකින් දෙකකින් පොත පිට වෙයි. ''මේ අපේ ඇසයින්මන්ට්වල තිබිච්ච කරුණු'' යි ඒ පොත දකින ශිෂ්‍යයෝ තැන තැන පවසති. මයූරයා නටන විට ''එක පුලියේ'' වුනත් ඌ එය නොදන්නා මෙන් මේ ආචාර්යවරයාටද තමන්ගේ හෙලුවැලි නැටුම නොපෙනේ.


මහාචාර්යවරයාගේ පොත.

මහාචාර්යවරයාගේ පොත කොපි කර චූලාචාර්යවරයා ලියූ පොත.


මේ අයවලුන් මේ අන්දමට පොත් පල කරන්නේ ශාස්ත්‍රීය සේවයක් තකා නොවේ. මහාචාර්ය තනතුරු ලබාගැනීමටය. විශ්වවිද්‍යාලවල මහාචාර්ය තනතුරුවලට උසස් කිරීමට අදාළ එක් චක්‍රලේඛණයක් පසුගිය නොවැම්බර් මාසයේ අවලංගු කෙරිණි. ඒ වෙනුවට අලුතින් ආ චක්‍රලේඛණය අනුව ලකුණු උසස් වීම් සඳහා හිමි වන්නේ පිළිගත් ආයතන මගින් ප්‍රකාශයට පත් කළ පොත්වලට පමණක් නිසා පරණ චක්‍රලේඛණය අවලංගු වන්නට කලින් ආචාර්යවරු බොහෝ දෙනා ඉහත කී අන්දමට පොත් පළ කර ගත්හ. තවත් සමහරුන්ගේ පොත්වල පිටපත් තමන්ගේ කාමරයේ ඩෙස්ක්ටොප් එකෙන් සකස් කර ප්‍රින්ට්අවුට් ලබා ගත් ඒවා මිස කිසිදු පුස්තකාලයක වත් පොත් සාප්පුවකවත් ඇති ඒවා නොවේ. ඒවාට ජාතික පුස්තකාලයෙන් අයි එස් බී එන් අංක පමණක් ලබා ගෙන තිබේ.

මේ දවස්වල හැම විශ්වවිද්‍යාලයකම මේ අන්දමට ඉදිරිපත් කළ පොත්වලින් මහාචාර්යකම් බලා සිටින පිරිසක් සිටිති. ඒවාට මහාචාර්යකම් දුන් පසු සිදු වන්නේ සුනකයකු පඳුරකට සුලුදිය වක් කරන විට පවා මෙවැනි ලාබ මහාචාර්යවරු දෙතුන් දෙනෙක්වත් එයින් තෙමී යාමයි. ගරු උසස් අධ්‍යාපන ඇමතිතුමනි පුද්ගලික විශ්වවිද්‍යාල පිහිටුවීම ඉක්මන් කළ යුත්තේ මෙවැනි වසලාචාර්යවරුන්ගෙන් මිදුණු විශ්වවිද්‍යාල අවශ්‍ය නිසාය. ඒ සමගම මේ දවස්වල දිගටහරහට පැවැත්වෙන මහාචාර්ය උසස්වීම් ගැනද හොයා බැලුවොත් තවත් ජාතික සේවයක් ඉටු කළ හැකි වෙයි.
මේ වියමන ඔබේ මූණු පොතට එක් කරන්න-
Tags- Sri Lankan Universities, Sri Lankan Professors, Plagiarism and Acasemic Dishonesty of Sri Lankan University teachers
පැරණි මාදිලියෙන් ලැබුණු ප්‍රතිචාර-
appu මෙහෙම කියනවා :
පේරාදෙණියේ දර්ශන අංශයේත් මේ වගෙ කෙනෙක් එන්නවලු... අපි එස්සරහට කියන්නම්.. බඩුත් එක්ක. එයගෙ තාත්ත කැළණියේලු....

කිවුව වෙලාව- 2011-05-15 18:33:20
Hearath මෙහෙම කියනවා :
As far as i know, there are no quality reputed text books and journajs in Sinhala language for SOCIOLOGY. It is also well aware that monarakoon cannot read, write or understand even a single sentence in English and now starting to attend English language Montessori to learn A,B.C..... . Big sociologists who gave him a full professorship should prof the entire academic community the way they did this ugly and unethical act of giving this promotion. This will show us that you too came to that position from the same back door

කිවුව වෙලාව- 2010-12-17 05:12:28
Hearath මෙහෙම කියනවා :
thawath mahadurukamak labunu ......horagodayatath liyoo lipi mokuth natha. liyoo pothapathakda natha. hariyaga vishayayen upadiyakwath natha. rajayanta kade yaama vitharai kale. polawa gana ugannannee gal palena bodruya. polowa subject ekata devi pihitai

කිවුව වෙලාව- 2010-12-17 04:47:58
jeewa මෙහෙම කියනවා :
අන්තිමඉ

කිවුව වෙලාව- 2010-11-07 06:17:45
Suminda මෙහෙම කියනවා :
Sunethla monavaa livuvath den neva gilila. Japura sarasaviye poth horaata Professor Post eka lebila. den nikammanikam sayura mamarakoon nemeyi MAHACHARYA Komarasaan. ane kale vane vaase! mehevu ratatath payada suriya?
den Dr. Sunil Jayantha Navarathna, Prof Gamini Samaranayaka and Hon. Minister S.B. Disanayake me hora mahachaarya post gena ganna piyavara kumakda?


කිවුව වෙලාව- 2010-10-16 12:32:25
Third Umpire මෙහෙම කියනවා :
Suneth! Magenuth mal mitak!
1) Ova denu parahata
Thama smmathehi pihita sita
Mae anduran thama sisunta dena ova saha aewa gena sisun dakwana prathichara gena kawara kathada?
2) Methana Suneth saadaka ethuwa buddimaya kollayak saha eeta wagakiwayuthu samahara kollakaruwan saha owunge kollayata lak wuna lekakayange watha gotha penna dee etha. Mema kollayata lak wuu samahara lekakayan miya gos ethi athara, thwath samaharek thamange buddiya kolla kamata lak wuu bawak hoo nodanithi!
3) Prakashawee ethi adhas anuwa meya 'hima shikaraye' thuda pamanak (tip of the iceberg) bawa pene. Kollaya ada prawahayak bawata peralemin mulu adyaapanayama gila damannak bawata path wee ethu wagak hage.
4) Mema kollaya samajaye meeta samagameewa yana anek kollayan haa hondin badhdha wee ethi bawak pehedili wae.
5) Mema prawahaya nawatha demeemata Lankawe Adyaapanaye naamayen apa sema ekwa yamak kala hekidei wimasumata kal elamba etha!


කිවුව වෙලාව- 2010-10-10 00:13:08
Senerath YAPA මෙහෙම කියනවා :
මගෝඩිස් මෙහෙම කියනවා-
....ඔය ආරියරත්න ඇතුගලට වීක්එන්ඩ් එකේ කැම්පස් එකේ රූම් එකට කෙල්ලෝ සෙට් කරගන්නවා. දැන් උන් ඔය රේඩියෝ ටීවී චැනල් වල ඉන්නවා....

me kathawa sampurnayen niwaradiyi.
awashya nam nam gama athuwa prove karanna puluwan.

athugalaya kiyanne kalakanni ballek
oka tharam kello amaruwe dapu ekek me thun lokema campus wala nathuwa athi


කිවුව වෙලාව- 2010-08-06 00:43:18
naleen මෙහෙම කියනවා :
dan nam mare maru horungeth horu kamba horu ahuwennai yanne wage.api parissan wenna oni " kelinma pahara dena sathuragen nowe. mithuru wesin inna saragenui." meka mithurek wage mal genath deepu pilliyak. oya digatama liyann madu. me helidarawwa hungak wadagath.

කිවුව වෙලාව- 2010-08-05 02:38:17
මගෝඩිස් මෙහෙම කියනවා :
ලංකාවේ විශ්ව විද්‍යාලවල මේක දැන් සම්ප්‍රදායක් බවට පත්වෙලා... රියල් ඇකඩමික් කෙනෙක් වෙන්න කැම්පස් එකෙන් එළියට එන්න ඕන. දැන් ආචාර්ය මහාචාර්යවරු නියම බඩු කාරයෝ, ඔය ආරියරත්න ඇතුගලට වීක්එන්ඩ් එකේ කැම්පස් එකේ රූම් එකට කෙල්ලෝ සෙට් කරගන්නවා. දැන් උන් ඔය රේඩියෝ ටීවී චැනල් වල ඉන්නවා.

කිවුව වෙලාව- 2010-08-04 10:45:44
Antrax මෙහෙම කියනවා :
paw maduta ridila....


කිවුව වෙලාව- 2010-08-03 04:18:13
Sarath Wijekoon මෙහෙම කියනවා :
මධු”
ඔයා කියන චරි’තය කලුද සුදුද? ඔයා සුනෙත්ගෙ හෙලිදරව්වෙන් රිදිච්ච මහාචාර්යවරුන්ට කඩේ යනවා නේද? පොත් හොරකම් කරන මහාචාර්්‍ය ඔයාට ෆස්ට් ක්ලාස් එකක් දෙනවා කියලා කිවුවද?


කිවුව වෙලාව- 2010-08-03 03:58:54
Nilantha Gamage මෙහෙම කියනවා :
ikeyiya madhu, me tharam serious problem ekak discuss karana welaweth oyd kageda heluwa wahanna oyage enduma galawala denawa.
methana thiyenne pudgala charithawala prashnayak neme. university kiyana institution eka gena prashnahak. me institution wala inna ayage awanka kama (HONESTY) saha shasthraya sambandhayen horakam kirima (Plagiarism) gena thiyena deal eka. liwuwe kawuda, ka genadha, liwuwe nette ka genada kiyala wedak nehe. parakrama kodithuwakku kaviya liwuwa "Ira pennana kota engilla dhiha nobala ira diha balanna" kiyala.
apenuth sunethta mala mitak.


කිවුව වෙලාව- 2010-08-03 03:54:19
naleen මෙහෙම කියනවා :
[PK] kiyana kena ehema hariyatama ehaema kiyanne ekko eya me liyuma liyala thiyenne. nathnam suprasidda "කැලෑ පත්තර" මහාචාර්යවරයා eya danna nisada danne na. campus wala inna kollo kello nam eyawa hondata dannawa. mewa dwesha sahagatha prakasha widihata nowee liyawenawa nam hondai. nathnam boondiye dewal agaya karapu apata hithenne kage hari patu uwamanakan ishta karanna boondiya pawichchi wenawa kiyalai

කිවුව වෙලාව- 2010-08-02 01:59:07
PK මෙහෙම කියනවා :
methana kiyawena suprasiddima hora professor sunil ariyaratna. mewa gana aduma ganane campus wala inna kollo kellowath hadak naganna uwamanayi. mokada meyala eliye peni sitinne sath gunawath suwadarathnala widihata.

kanagatudayakayi


කිවුව වෙලාව- 2010-08-02 00:29:02
Amarasinghe මෙහෙම කියනවා :
උසස් අධ්‍යාපන ඇමතිතුමනි, විශ්වවිද්‍යාල ප‍්‍රතිපාදන කොමිෂමේ සභාපති තුමනි,
ශ‍්‍රීමත් ජනාධිපතිතුමනි,

පොත්පත් යනු බුද්ධිමය දේපලයි. බුද්ධිමය දේපල සොරකම වැටෙන්නේ අපරාධ Crime ගනයටයි.

මෙහි හෙලිදරවු කර ඇති ආචාර්්‍ය මහාචාර්්‍ය වරුන් ඒ අනුව හොරුන්ය.
මොවුන්ට විරුද්ධව විනය ක‍්‍රියාමාර්ග ත්‍නාගන්නේ ඇයි? ප‍්‍රමාණවත් සාදක මෙහිම තිබෙනවා නේද?

අඩු ගනනේ මේ ගැණ විනය පරීක්ෂණයක්වත් තියන්න ඔබතුමන්ලා ඉදිරිපත් වෙනවාද?



කිවුව වෙලාව- 2010-08-01 21:24:22
KIRATH මෙහෙම කියනවා :
HATS OFF FOR YOUR FACTS....

JANA MAADYATA ADIGROOHITHA DEVI DEVATHAA WUN BANDU ACADEMICSLA RALAKUTH ME WIDIHUTAMA HELI DARAW WEWAA!


කිවුව වෙලාව- 2010-07-30 09:42:52
Vidarshana මෙහෙම කියනවා :
methana copy kireema neme aparadaya
copy kireemen poth gahuwahama salli pamanak neme enne. sanketha balaya.
mun oya sanketha balaya pawichchi karala badu amaruwe dameeme indala anduwe sahithaya mandala wala kamitu samajikayo wela anik ewunge bella kapeema dakwa dura gamanak yanawa

helidarawuwa wishishatayi


කිවුව වෙලාව- 2010-07-30 01:30:05
දර්ශන මෙහෙම කියනවා :
මේ හෙලිදරව් කිරීම ඉතා ම වැදගත්.
අධ්‍යාපන ක්ෂේත්රයේ රස්සාව කෙරුවත්, සමහර විට ඒ අත්දැකිම් නිසා ම මම හිතන්නේ ලංකාවේ පහළ ම මට්ටමේ ඉදල ම අධ්‍යාපනය කියල දෙයක් නැහැ කියලා. ඒ වෙනුවට ඇත්තේ අමන තක්කඩි ටිකකගේ ඊනියා 'දැනුමේ' ආධිපත්‍යයක්. මුලු අධයාපනය ම පදනම් වෙලා තියෙන්නේ ප්රශ්න ඇසිම තහනම්, වන්දනා-මාන කළ යුතු, සටහනේ විදියට ම උත්තරේ ඕන කරන ගිරා පෝතක- ආගමික ක්රමයකට. ගුරු ගෞරවය, රහස්‍යභාවය වගේ දේවල් තියෙන්නේ මේ තක්කඩිකම මුවා කරග්නන. ඉතින් වර්තමානයක් නැති අපට අනාගත පරපුරක් ඉතිරි වෙන්නේ නැති තරම්.ඉතිරි වෙන්නේ අතිත අවතාර ටිකක් විතරයි.
පුලුවන්නම් මේ සංවාදය ඉදිරියට ම අරන් යමු. මොකද මම හිතන්නේ මේක කොපි කිරිම ට වඩා ගොඩක් එහා ට යන අපරාධයක්.


කිවුව වෙලාව- 2010-07-30 00:58:40
Anonymous මෙහෙම කියනවා :
Menna Sunethta mal mitak!

meweni lipi pala kala yuththe antharjaalaye pamanak nowei. lankaawe prasiddha puwath path walath pala kala yuthui yanna mage hengeemai.

Posted by Anonymous to බූන්දි|BOONDI at 28 July 2010 16:41


කිවුව වෙලාව- 2010-07-28 21:08:40
pawkaaya මෙහෙම කියනවා :
අපි වෙහෙරවල් වගේ හිතන් ඉදපු මවා ගත් මහාචාර්යවරු ගැන හෙලි කිරීම හොද දෙයක් විශ්ව විද්‍යාලව ි වි ශ්ව විද්‍යාල අධ්‍යාපනය ගැන මටනම් සතපහක විශ්වාසයක් නෑ ඒ මට විශ්ව විද්‍යාලයට යන්න බැරිවුන වුන නිසා නෙවෙයි. මේ දේවල් ප‍්‍රසිද්ධ කරන්න ඔන දේවල් මේ වැඩේ ඉතා ප‍්‍රගතිගාමීයි

කිවුව වෙලාව- 2010-07-27 09:25:37
soosthigune මෙහෙම කියනවා :
Great post. expose these "intellectuals".

Posted by soosthigune to බූන්දි|BOONDI at 27 July 2010 03:27


කිවුව වෙලාව- 2010-07-27 04:49:09
මයියා මෙහෙම කියනවා :
ඔබගේ ලිපිය ඉතාම නිවැරදි, මනා අඪ්‍යනයයකින් යුතුව ඉදිරිපත් කර තියෙනවා.. මයියා ද ලOකාවේ විශ්ව විද්‍යාලයකින් ඉගෙනගෙන, විදේශ රටක අධ්‍යාපනනය ලබන්නේක්..

මයියා මේහි පැමිනි විට මේහි පවතින, ඔබගේ ලිපියෙන් විස්තර කර ඇති, ප්ලේජරිසම් යන කරුණ ගැන හරි අවබෝදයක් තිබ්බේ නැ. එහෙත් මේ රටේ ඉගෙන ගන්න පාසල් සිසු දරුවන් පවා ප්ලේජරිස්ම් වලින් වැලකී සිටින අතර, ඔවුන් වැරදිලාවත් එවැනි වැරැද්දක් සිදු කල හොත් ඒ සදහා බරපතල දඩුවම් පවා නියම වෙනවා..නමුත් මොවුන්ගේ ඩිසිප්ලින් යනු ඉතා ඉහලයි.ඔවුන් කවදාවත් 'කට් ඇන්ඩ් පේස්ට් ' කිරීමක් ගැන හිතන්නේවත් නැ..කිසියම් ලිපියකින් සකස් කලා නම් අදාල රෙෆෙරෙන්ස් හරි ව්දිහට දක්වනවා..මේ සදහා නිර්මාණය කල ' එන්ඩ් නොට්' වැනි මෘදුකOගද සිසුන්ට ලබා දේනවා..

ල්Oකාවේ මයියා ගේ අත්දැකීම් අනුව 'ප්ලේJඅරිසම් ' යනු කුමක් දැයි කියාවත් බහුතරයක් දන්නේ නැත.

ලම්යි කට් & පේස්ට් කරත්..ගුරුවරයා අදාල ලිපිය කඉයවන නේ නැති නිසා එවැන්නක් සිදු කලත් අහු වෙන්නේ ද නැත..අහූ උනත් ගනැන් ගන්නේද නැත..

එම නිසා බිහිවන්නේ හිත්නන බැරි මෝඩයන් රැලකි..හොරුන් ටිකකි.ලOකාවේ අවාසනාව මේයයි..මේ මයියා ගේ අදහස්යි...

Posted by මයියා to බූන්දි|BOONDI at 27 July 2010 02:18


කිවුව වෙලාව- 2010-07-27 04:16:45
Wasantha Priya මෙහෙම කියනවා :
puduma watinawa
edithara helidarawuwak!


කිවුව වෙලාව- 2010-07-27 02:39:43
Sunil මෙහෙම කියනවා :
Good work..!

කිවුව වෙලාව- 2010-07-27 02:22:28
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
තවත් අදහස් බූන්දි
විරහවේ නොස්ටැල්ජියාව, ආදරය සහ කවිය
"ඔවුන් කරන්නේ කුමක්දැයි ඔවුන් නොදනීද?"- බෙනාගේ කවිය ඉදිරියේ ඇති අනතුර- පුබුදු ජයගොඩ [Video]
"වරප්‍රසාදිත සිංහල නිරීක්ෂකයින් අතින් ලියැවෙන කවිය අවවරප්‍රසාදිත දෙමළ ජනතාව ඉවසයිද?"- ලියනගේ අමරකීර්ති [Video]
අවමානය තුරුලට ගෙන සම්මානයට බැටදීම
පිරිත් වතුර, ආසිරි පැන් වෙනුවට කවි ඇසිඩ්
BoondiLets
රොබට් රග්දෙත්ස්වෙන්ස්කි ලියයි.
සාමාන්‍යයෙන් කියනවා නම් යම් විටක හෝ කවියක් නොතැනූ මිනිසෙක් මෙලොව නැති බව හොඳටම විශ්වාසය. හැම කෙනෙක්ම එක් මට්ටමකට කවි ලියති. හැම කෙනෙක්ම...! ඊට පසු සිදු... [More]
What's New | අලුතෙන්ම
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook