Facebook
Twitter
Google+
YouTube
Blog
RSS Feed
කවි බූන්දි
උතුරින් දකුනට
බූන්දි, 20:14:59
(උප මාතෘකාව: පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට)

සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන

වියරු ගිනිදැල් නොවෙමු
වනය අවුලා තබන
මුරුගසන් වැස්ස වෙමු
දැවෙන කැලයට වහින

චන්ඩ පවනක් නොවෙමු
දෙරණ අතුගා දමන
මන්ද මාරුතය වෙමු
දෙකොන සිපගෙන හමන

නපුරු හීනය නොවෙමු
ළමුන් නිදි සුව බිඳින
සොඳුරු අඬහැරය වෙමු
දනන් නින්දෙන් මුදන

යකඩ පිත්තල නොවෙමු
රජුන් උඩ පැන තලන
බුරුත-කොස්-නැදුන් වෙමු
උනට එසවිය නොහෙන

පිදුරු-පොල් අතු නොවෙමු
පැරණි ගෙට සෙවිලි වන
සබඳ අපි ගඩොලු වෙමු
අලුත් ගෙපැලක් බඳින

මෙම කවිය ඇසුරෙන් සකස් කොට, ගායක ගුණදාස කපුගේ ගයන ගීතය නිසි මාතෘකාව යටතේ ඉදිරිපත් නොවීම ගැන මම කම්පා වෙමි.
-කර්තෘ


-'කඳුලු මිටියාවත' (1992) කෘතියෙනි.
මේ වියමන ඔබේ මූණු පොතට එක් කරන්න-
Tags- Kandulu Mitiyawatha 1992, Sabanda Api Kandu Nowemu, Gunadasa Kapuge, Darshana Medis
පැරණි මාදිලියෙන් ලැබුණු ප්‍රතිචාර-
Apurwa මෙහෙම කියනවා :
kawiya wagema sanwadayath baluwa
harima interesting


කිවුව වෙලාව- 2010-07-29 21:17:48
Neenu මෙහෙම කියනවා :
මේ කවිය නම් දර්ශන මේදිස් ගේ...ඒක ගැන විවාදයක් නැහැ...මේක අපේ උසස් පෙළට කියවන්න නියමිත පොතකත් තිබ්බා...

කිවුව වෙලාව- 2010-07-29 21:15:30
ලොකු මෙහෙම කියනවා :
වීරයා,
මේ රචනාව සුනිල් එදිරිසිංහ ගීතයක් විදිහට ගයනවා. මට මතක හැටියට අළුත් වැස්සක් සී.ඩී. එකේ තියෙනවා.

-ලොකු


කිවුව වෙලාව- 2010-07-29 04:53:49
Manusha මෙහෙම කියනවා :
Hariyata hari. Ehemath ekka thibuna nennam. Sthuthee Koombiya saha veeraya..

කිවුව වෙලාව- 2010-07-29 00:27:57
Hashitha මෙහෙම කියනවා :
කපුගේ ගේ තනු 1990 න් පස්සේ ඔක්කොම එක වගේ උනා.. ඔය ගැන ඇහුවාම කපුගේ අපි දෙන්නෙකුට බැන්නා.

කිවුව වෙලාව- 2010-07-29 00:26:21
Koombiya මෙහෙම කියනවා :
මරු වීරයා.

කපුගේ කියන රත්න ශ්‍රී ලිවුව සිංදුවක් තියනවා ''සොඳුර නුඹ ලිහිණියකි- රැයේ අඳුරට හඩන... මම ද ලිහිණියක වෙමි- කැඩුනු තටු පිරිමදින'' කියලා. මේකෙ මෙලඩි එක සම්පූර්ණයෙන්ම සමානයි ''සබඳ අපි කඳු නොවෙමු'' එකට. මං කාලයක් ටපලවගෙන උන්නෙ දෙකේ වචන පවා. මෙතන මතු වුන රත්න ශ්‍රී ගෙ සමබන්ධය ඒ සින්දු දෙකේ සමානකම නිසා ආව නෙත්තියක් වෙන්නත් බැරි නැහැ.


කිවුව වෙලාව- 2010-07-29 00:14:47
Veeraya මෙහෙම කියනවා :
මේ ගීතය සඳහා ඇති වූ අලකංචිය විසඳීම සඳහා මෙසේ කරුණු පෙළගස්වමි. මනූෂා ඉදිරිපත් කළ ආකාරයේ මෙම ගීතයට රත්න ශ්‍රී ගේ සබඳතාවක් නොමැත. නමුත් සිදු වී ඇති දෙය පැහැදිලි වූයේ රත්න ශ්‍රී ගේ ගංගා ගීතය නැවත කියවීමෙනි. එහි සුනිල් ආරියරත්න ලියූ මන්දා නාලිනී ගැයූ කේන්තියට කියන විරිඳු හා සමාන රචනාවක් තිබෙනවා. මේ පටලැවිල්ල වෙන්න ඕන ඇයට සිදු වූයේ. එය මට මුණගැසුනේ ද අද උදෑසන නැවතත් කියවීමෙනි. ඊයෙ දවස තුළ ද එවැන්නක් එක ලෙසම හමු නොවුණි.

මෙය ඇත්කඳ ලිහිණි විත්තිය නමින් රචිතය. මෙය ධර්මසේන පතිරාජ විසින් රචිත නන්නාදුනන පුත්තු ටෙලි නාට්‍ය වෙනුවෙන් නිර්මාණය වූවකි. මෙසි සංගීත නිර්මාණය ප්‍රේමසිරි කේමදාස ගෙනි.


හත් මූදෙන් මෙපිට ගුගුරුවා - බතරොයි උගුරු දණ්ඩ
හත් දෙයියන් බලා ඉද්දි - සුද්දො ආවෙ රට කොරන්ඩ
මහත්වරුනි දන්වාද - සුද්දො ආවෙ රට කොරන්ඩ

යෝධ කඳු වළලු වටලා - මුඩුබිම් නිල් පෑ කරන්ඩ
නීල හරිත දළු නෙළලා - එතෙර එදේසෙට යවන්ඩ
ඉර නොඉහින පොළව වටේ - කතිර කොඩිය ලෙළදෙවන්න

සත්තු වගේ මඩ කාගෙන - දිව කාගෙන බර අදින්න
උත්තම මහ රාජිනීට - ජීවිත පූජා කරන්ඩ
මහත්වරුනි අපිත් ගියා - පය පාමුල වාල් වෙන්ඩ

මහ කඳවැටි කෙට්ටු වෙලා - රට වැහැරී යන අතරේ
මහ පුදුමෙට වගේ දෙයක් - සිද්ධ වුණයි මගෙ මිතුරේ
අහගන්නම වටින දෙයක් - සිද්ධ වුණයි මගෙ මිතුරේ

දුප්පත්කම දළු දමනා රටට - එදේසෙට පසින්දු
ඇත්කඳ ළිහිණියෙක් වගේ - ආවයි බන්බරි මැතින්දු
වත්තක පාලනේ ගන්ට - ආවයි බන්බරි මැතින්දු

අත්වල කරගැට පෙනිලා - හිත්වල මළකඩ දැකලා
ඇත්කඳ ළිහිණියා ඇවිත් - ඇත්තම බණ මතක් කළා
ඇත්තට කිව්වේ මොකවද - ඇවිදින් බන්බරි මැතින්දු

මිනිසුනේ නුඹලා - මේ සරු මහ පොළවෙ දරුවෝ
කෝඋඹලාගේ ඔටුන්න - නුඹලා අද හිර කරුවෝ
ඉර නොබහින අධිරාජ්ජෙ - සදාකල්ම හිර කරුවෝ

කරබාගෙන නොඉඳ ඉතින් - ලක්වැසියනි එකතු වෙයව්
ඉර නොබහින අධිරාජ්ජෙ - ඉර පෙරළා බිමට දමව්
කුරිරු අදිරදේ ගින්දර - නිවාලන්න එකතු වෙයව්

කමලා දේවිත් එක්කල - ඇවිදින් නාවල පිටියේ
බන්බරි මැති කළ කතාව - අපි අහගෙන හිටියේ
සුදු වතු පාලක පිරිවර - වෙවුලුවාලු කිටි කිටියේ

සිංහ වෙසින් බන්බරි මැති - කළ උන්ටය අභියෝගේ
කෝප වුණා වතු සුද්දන් - වෙඩි කෑ ඌරන් වාගේ
ආණ්ඩුවත් දුන්න නේද - ධනපතින්ට සහයෝගේ

මෙන්න මේ වගේ කවි 23 ක් තියෙනවා මේ ගිතය තුළ. කාර්යාලයේ කාර්යබහුල කම හේතුවෙන් ඉතිරිය නොලියමි. ඊයේ සිදු වූ පටලැවිල්ල මේ මොහොතේදී පැහැදිලි වනවා ඇති. මනූෂාගේ කරුණු දැක්වීමෙන් නැවතත් අපිට ඒ ගීතය පිළිබඳව සොයන්නට සිතන්නට ඉඩක් ලැබුණා. ඒ පිළිබඳව මනූෂාට ස්තූතියි.


කිවුව වෙලාව- 2010-07-29 00:01:40
Naveen Welikala මෙහෙම කියනවා :
දර්ශන මේදිස් මේ කවිය ලිව්වේ මගේ මතකය නිවැරදි නම් 1987දී හෝ ඒ ආසන්න කාලයකදී.
'දිවයින" පත්තරේ 'කව්මුතු' තීරයේයි මේ කවිය පළවුණේ.
කපුගේ මේක ගීතයක් වශයෙන් පාවච්චි කළේ 'කම්පන' ප්‍රසංගය වෙනුවෙන් 1990දීයි.
නමුත් මෙතැනදී දර්ශනගේ මුල් කවියේ අර්ථයත්, සන්දර්භයත් කපුගේ විසින් වගේම ඉන් පස්සේ කවිය පාව්චිචි කළ බොහෝ අය විසිනුත් විකෘති කළා.
ඒක වුණේ මෙහෙමයි:
දර්ශන තමන්ගේ කවිය නම් කළේ "උතුරින් - දකුණට" කියලා.
අර්ථය වඩාත් පැහැදිලි කරන්න තමයි උප මාතෘකාවක් වශයෙන් 'පීඩිත ජාතියේ පීඩිතයෙකුගෙන් පීඩක ජාතියේ පීඩිතයෙකුට' කියලා දැම්මේ.
ඒ අනුව 'සබඳ අපි කඳු නොවෙමු' කියන සහෝදරත්වයේ ප්‍රකාශය පීඩිත දෙමළෙකු සිංහල පීඩිතයෙකුට දෙන පණිවුඩයක්.
නමුත් කපුගේගේ 'කම්පන' ප්‍රසංගයේදී මේ කවියේ සන්දර්භය වහලා ප්‍රසංගය අවසානය සඳහා හෝ ඊට ආසන්න තැනකට මේක යොදාගත්තා.
අනිත්මේදී ඒක හරියටම ප්‍රසංගය බලන්න ආව අයට කියන පණිවුඩයක් බවට පත්වුණා.
ඉන් පස්සේ දිගින් දිගටම මේ කවිය යොදාගත්තේ දකුණේ බහුතරයක් වාමාංශිකයන්ගේ 'ප්‍රදර්ශනවාදී' වාර්ගික සහෝදරත්වය කෙළින් කරලා තියාගන්න අවශ්‍ය කරන කූඤ්ඤයක් විදියටයි.
මුල් කවියේ සන්දර්භය වුණ 'උතුරින් දකුණට' පසුකාලීනව 'දකුණින් උතුරට' විදියට වෙනස් වුණා.
ප්‍රතාභා සම්පන්න කවියෙක් වගේම, පිළිවෙත් ගරුක මනුෂ්‍යයෙක් වූ දර්ශන පසුකාලීනව ඒ ගැන සිටියේ පසුතැවිල්ලෙන්.

කොහොම වුණත්, රත්න ශ්‍රීට මේ කවිය එක්ක කිසිම සම්බන්ධයක් නැහැ.

නවීන්.


කිවුව වෙලාව- 2010-07-28 21:31:30
Koombiya මෙහෙම කියනවා :
manushage wradi wataheema hari watinawa...
eeka nisane meka gana dana gaththe hathwalame


කිවුව වෙලාව- 2010-07-28 03:07:30
Manusha මෙහෙම කියනවා :
Ehenam kamak ne… Mage veradi wetaheema gena samaawa ayadinawa… Gangaa geethaya mekata kohoma aandunaada manda..

කිවුව වෙලාව- 2010-07-28 03:06:00
Boondi මෙහෙම කියනවා :
corrected with darshana's foot note.

කිවුව වෙලාව- 2010-07-28 03:03:22
Hashitha මෙහෙම කියනවා :
මම මේ කවිය කියෙව්වෙ දර්ශනගෙ පොතින් [කඳුලු මිටියාවතින්] පොතේ අන්තිම කවිය. දර්ශන ඒකෙ ලියලා තියෙනවා මේ කවිය අරුත් විකෘති කොට කපුගේ විසින් ගායනා කිරීම ගැන කණගාටු වෙනවා කියලා. මම දර්ශනට කතා කරන්න හැදුවා ෆෝන් එක නිවලා.

කිවුව වෙලාව- 2010-07-28 02:57:56
Koombiya මෙහෙම කියනවා :
methana aththatama mokadda ban ethakota wela thiyenne?
kapuge kiyanne mekema version ekak neda?
kapuge kiyana eka rathna sri ge lyrics da?


කිවුව වෙලාව- 2010-07-28 02:57:33
Veeraya මෙහෙම කියනවා :
Meka darshana medisge kandulu mitiyawathin kiyana pothe thiyenne. meke urumakkaraya darshana.
rathna sri ge ganga geethaye kiyana pothe thiyana sinduwa oka newei. manusha langa thiyei nam eka ewanna.


කිවුව වෙලාව- 2010-07-28 02:57:11
Manusha මෙහෙම කියනවා :
Me geethaya Rathna Shri Wijesinghage “Gangaa geethaya pothe thiyanawa” Me kaivyama aragena Kapuge kiyana geethayak thiyenawa.. Meka kohomada Darshan Medisge pothaka thiyenne.. ?????

කිවුව වෙලාව- 2010-07-28 02:56:33
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
දර්ශන මේදිස් ගෙන් තවත් වියමන්
කවි
ලතෙත
කවි
බිරිඳ නලුවා අමතයි!
Cine
කලාව, කලා විචාරය සහ වෙන් වීමක් චිත‍්‍රපටය
සිත්තර
පරත්වාරෝපිත මනුශ්‍යාත්මය විනිවිද දකින depth
කරන්ට්ස්
(වි)සංවාදයක් හෙවත් පශ්චාත්- නන්දිකඩාල් දෙබසක්
තවත් කවි බූන්දි
පෙට්ටියක් දිනා ඇත!
මා බිරිඳ උවැසියක වී
නගා මැරූ අල....
බෝධිසත්ව ගබ්සාව
දුම්මල ගලට ගිය අම්මා
BoondiLets
කැරොලිනා මාරියා ඩි ජීසස් ලියයි.
ජනාධිපතියො, උඹ කූඩුවක ඉන්න ගිරවෙක්. ලස්සන ලස්සන කතා කියනවා. ඒත්, බඩගින්නෙ ඉන්න මිනිස්සු ව්‍යාඝ්‍රයෝ කියලා හිතා ගන්න එක හොඳයි. උන් ඉන්නෙ කෝපයෙන්. අවස්ථාව ආපු ගමන්... [More]
What's New | අලුතෙන්ම
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
කරන්ට්ස්| "අඟ"

19-Secs

(උපුල් සේනාධීරිගේ) අංඟ පුලාවකට නැති මිනිස්සු
තම හිස අත ගෑහ
අඟක්... ඔව් අඟක්
රයිනෝසිරසක හැඩගත් අඟක්
මොළයක් නැති සිරසක්
තෙතක් නැති හදවතක්... [More]
වෙසෙස්| ඇනා කැරනිනා සහ ඇනා ස්ටෙපානොව්නා

7-Mins

(ඩිල්ෂානි චතුරිකා දාබරේ) ලියෝ තෝල්ස්තෝයි විරචිත ඇනා කැරනිනා නවකතාවේ ප්‍රධාන කථා නායිකාව වන ඇනා අර්කෙඩියෙව්නා කැරනිනා නමැති චරිතය ගොඩනැංවීම සඳහා තෝල්ස්තොයිට කාන්තාවන් කිහිප... [More]
පරිවර්තන| යෑම සහ ඒම අතර

20-Secs

(ඔක්තාවියෝ පාස් | නිලූක කදුරුගමුව) තම විනිවිද පෙනෙනබව සමඟ
ආලයෙන් බැඳුණු දහවල
අවිනිශ්චිතව ටැග්ගැහෙයි
යෑම සහ නැවතීම අතරමැද.
මුළු ලෝකයම නිසලව නැලැවෙන
මුහුදු බොක්කකිය දැන් වටකුරු පස්වරුව.... [More]
පොත්| මී පුප් සේ රස 'හෑල්ල'

2-Mins

(කේ.ඩී. දර්ශන) "තිත්ත ම තිත්ත කසායටත් සීනි මී පැණි අවශ්‍ය වන්නා සේ යකඩම යකඩ තැපැල් පෙට්ටියටත් මී පැණි පටල පිටින් ලැබීමෙන්, සතුරන්... [More]
කවි| පෙට්ටියක් දිනා ඇත!

44-Secs

(ඩිල්ෂානි චතුරිකා දාබරේ) නිමිත්ත- ගුවන්විදුලි නාලිකාවකින් පැමිණ පැවැත් වූ තරඟයකින් පිටිසරබද ගැමියෙක් නවීන රූපවාහිනියක් දිනා ඇත.

අරඹෙ ඈත ගස් ගොල්ලේ
කෝටු කඩන ඉපනැල්ලේ
චරස් චරස් අඩි පැන පැන
දර නෙළනා බාල නගෝ... [More]
සිත්තර| ගුවෙර්නිකා යථාර්ථය!

1-Mins

(කසුන් සමරතුංග) මේ පැබ්ලෝ පිකාසෝගේ 'ගුවෙර්නිකා' නම් සුප්‍රසිද්ධ සහ අති සූක්‍ෂම තෙළි වික්‍රමය යි. යුද්ධයත් කලාකරුවාත් අතර පරාසයේ ඉසියුම් සංවේදනා සහ සංකීර්ණතා... [More]
අදහස්| මරණ දඬුවම සහ සුළුතරයේ හෘද සාක්ෂිය!

2-Mins

(තාරක වරාපිටිය) බරපතල අපරාධ කිහිපයකට මරණ දඬුවම යලි ක්‍රියාත්මක කිරීමට ගෙනා යෝජනාව පිලිබඳ සංවාදය දැන් කෙමෙන් නිවීගොස් ඇත. එහෙත් ඒ මාතෘකාව පිලිබඳ... [More]
වෙසෙස්| ආගිය අතක් නැති වූ 'මහසෝනා'

2-Mins

(තිලක් සේනාසිංහ ) "මගේ සීයා හොඳ කට්ටඬියෙක්. එයා ඔය යක්ෂයො ගැන පුදුම විදිහට විස්තර දන්නවා. කොටින්ම එයා මැරුණෙත් ගුරුකම් වැඩක් කරලා රෑ තනියම... [More]
පොත්| උතුරා යන්න ගඟ මම කැමති පොකුණට- විමසුමක්

3-Mins

(අනිල් හේරත්) ෆේස්බුක්. අද කාලයේ වඩාත්ම ආකර්ශණීය සංජානන මාධ්‍යය විය යුතු ය. බොහෝ දෙනා බොහෝ දෑ ලියන. කවි කෙටිකතා විචාර ඈ විවිධ... [More]
කවි| මා බිරිඳ උවැසියක වී

10-Secs

(රෝහණ පොතුලියැද්ද) දැල් තිර අතරින්
පෙනෙයි ඈ
ඔබ යනු, මොබ එනු
තෙල් මල් ගෙන, සුවඳ දුම් ගෙන

මල්, දෝතක්... [More]
ඔත්තු| උතුරා යන්න ගඟ මම කැමති පොකුණට - සැප්. 07

10-Secs

තුෂාරිකා ඇන්තනි ගේ පළමු කාව්‍ය සංග්‍රහය, 'උතුරා යන්න ගඟ මම කැමති පොකුණට' 2018 සැප්තැම්බර් 07... [More]
කතන්දර| සැප්තැම්බරයේ දවසක්

10-Mins

(ඩිල්ෂානි චතුරිකා දාබරේ) පණිවිඩයක් අරන් ඇවිත් හිටි විජයගෙ රාජ සේවකයා මං දිහා බලා හිටියෙ පිළිතුරු ලිපියක් යවනවා ද නැද්ද නැත්නම් මං යන්නද වගේ... [More]
වෙසෙස්| පාවුලෝ කොයියෝ හෙවත් පිස්සෙකු ගේ කතාව

5-Mins

(කසුන් සමරතුංග) පිස්සෙකුට පොත් ලියන්න පුළුවන්ද? පොඞ්ඩක් ඉන්න, සටහන ආරම්භයේ ම පිහියකින් ඇන්න වගේ එහෙම ප‍්‍රශ්නයක් ඇහුව ම මට දැනෙනවා නිකං මොකක්දෝ... [More]
කවි| නගා මැරූ අල....

33-Secs

(කේ.කේ. සමන් කුමාර [සර්පයා]) නුඹ පිච්ච කැකුළකි
පිළිකන්නක පිපි.
ඉඳුල් වතුරින් නුඹව නහවනා
උන්ටද සිනා සළනා.
කිඩාරං මලකැයි කියනා
උන්ටද සුවඳ දී... [More]
කවි| බෝධිසත්ව ගබ්සාව

15-Secs

(කුමාර හෙට්ටිආරච්චි) නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී

සඳුන් සුවඳ මල් ගෝමර ළැම තොරණේ... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook