Facebook
Twitter
Google+
YouTube
Blog
RSS Feed
කවි බූන්දි
සැරිසරන ඥාතියා
බූන්දි, 03:36:30
දේශ සීමා නොමැති කවියක් ව
පියාපත් ලබාගෙන
පුංචි ගේ කුරුල්ලෝ
නුඹ ආවෙ

චාල්ස් ඩිගෝල් නම්
සුවිසල් ගුවන්තොටුප‍ලේ
පන්සාළිස් වන පර්යන්තයේ
ආපන ශා‍ලාවෙ මුල්ලක
තනි මේසෙ,
මා ගාව වැටුණු
මිල අධික පාන් රොඩු
සිඟිති රතු හොටින්
අසුලා කෑවෙ

මැසි මදුරු පවා නොඑන
වායු සමීකරණය කළ
සිවිශාල ආගාරෙ
කොතැනකින් රිංගල ද
වීසා නැති ව
කුරුල්ලෝ නුඹ ආවෙ

කූඩුවෙන් පිටත් වී
බිත්තියේ ගෙයි සාලෙ
ලංකාවෙ කඳුළකුත්
ඇහින් අරගෙන මොකද
මේ තරම් දුර ආවෙ

කාත් කවුරුත් නැතිව
නන්නාඳුනන රටක
කොහේ යනවාද අපි
මේ පාරෙ
හැමතැනම පාරවල්
සංසාරෙ

[සන්ධ්‍යා තීර්ථය- 2010]
මේ වියමන ඔබේ මූණු පොතට එක් කරන්න-
Tags- Sandya Theerthaya
පැරණි මාදිලියෙන් ලැබුණු ප්‍රතිචාර-
Unknown මෙහෙම කියනවා :
BoondiArticles.. Neat :)

කිවුව වෙලාව- 2011-04-22 08:02:32
Unknown මෙහෙම කියනවා :
BoondiArticles.. Nice :)

කිවුව වෙලාව- 2011-04-06 21:38:12
bandara seneviratne මෙහෙම කියනවා :
hebe ratna sri kavi liyana ratna sri nowe vage adahasak yovun kaviyan tula ethi bava penenava.usas kavi livvath e kavi tulin ratnasri hoya ganna ovun asamath vela thiyenava.me gena rathne gemburin sithiya yuthui.rathne duppath pavul karayek.eththa.

කිවුව වෙලාව- 2010-10-10 18:16:24
priyangani මෙහෙම කියනවා :
nawaththalaa me vaadha aluth kaviyan gena, unge nirmaana gena kathaa karapan

කිවුව වෙලාව- 2010-09-25 20:30:43
පාන් බට්ටි මෙහෙම කියනවා :
@NIshmi

අපගේ සංවාදයට තේමා වූයේ රත්න ශ්‍රී ‍ගේ ඉහත කවියයි. මෙම කවියේ අනුභූතිය ඔබම පවසන ආකාරයට
"හාත්පස සියළු නුහුරු දේ අතර ගේ කුරුල්ලන් සුලබ දසුනකි. මේ කුරුල්ලා ඔහුට සිය නිවස සිහි කරවයි. ගෙයි සාලේ බිත්තියක තනා ඇති කූඩුවකින් පිටත් වී ආ කුරුල්ලෙක්- සාලයෙහි උන් කුරුල්ලා ඔහුට අතිශයින් සමීපය"
නොස්ටැල්ජියාව යනු අතීතයේ අත්දැකීම් ආශ්‍රීත සිදුවීම්, පුද්ගලයන්, හෝ ස්ථාන සම්බන්ධයෙන් ඇති අසාමාන්‍ය බැදීමක් මානසික තත්ත්වයකි.
ගේ කුරුල්ලෙක් දැකීමෙන් සිය නිවස මතක්වීම නොස්ටැල්ජියාවක් මිස අන් කිසිවක් නොවේ. මෙම වචනය රත්න ශ්‍රි වැන්නෙකු සම්බන්ධයෙන් යෙදීම ගැන අපහාසයක් ලෙස සළකන ඔබ ඊට මාරාන්තික ලෙස විරුද්ධ බව පෙනී යයි. එහෙත් එය අපහාසාත්මක වදනක් නොවේ. ලොවේ බොහෝ ශ්‍රේෂ්ඨ නිර්මාණ නිර්මාණ කරුවන් පිලිබද සාහිත්‍ය විචාරකයන් මෙම වදන බොහෝ අවස්ථාවල යොදා තිබේ.
මා මතු කළ ගැටළුව වූයේ රත්න ශ්‍රී වැනි සංවේදී කවියෙකුට තමන් ජීවත්වන අවදියේ සිදු වූ යුද්ධය, සමාජයේ ජාතිවාදී මනෝභාවය, තිස්දහසකට අධික සිවිල්වැසියන් මරා දැමීම, සෙසු සියල්ලන් කදවුරුවල ගාල් කිරීමආදියෙන් සමන්විත මහා මිනිස් ඛේදවාචකයක් මගහැරීම ගැනය. එය ඔබ පවසන අයුරෙන් හුදු අනුභූති දහසක් අතුරෙන් එකක් තෝරාගැනීමට කවියෙකු සතු පුද්ගලික අයිතිය පිලිබද ප්‍රශ්නයකට නොවේ. එහි ඊට වඩා කපටි දැනුවත් දේශපාලනයක් අන්තර්ගතය.මවිසින් ප්‍රශ්න කලේ එම දේශපාලනයයි.එම ප්‍රශ්න කිරීම ප්‍රශ්නය 'මැක්කා'ට ගෙන යාමක් ලෙස ඔබ දකියි. මේ 'මැක්කා" බොහොවුන් සිය කැමැත්තෙන් බල්ලන් සමග ලැග සිය යට ඇදුම් අස්සට රිංගවාගත් එකෙකු බැවින් "මැක්කා " මග හැර යාමට ඇති කැමැත්ත වූකලී බල්ලන් සමග නිදි වැදීම පිළිබද වූ සිය අතීතය අමතක කරවීමට ගන්නා උත්සාහය සමග බැදී පවතින බව සැගවිය නොහැකිය. ජනවාර්ගික ගැටළුව සියලු කවීන් සිය සියලු නිර්මාණ සදහා යොදාගත යුතුය යන්න මගේ අදහස වී යැයි ඔබ යැයි ඔබ ඔබගේ තර්කය ගොඩ නගනු පහසු වනු පිණිස දැනුවත් විකෘති කිරීමක යෙදේ. ඇත්තෙන්ම ප්‍රශ්නය රත්න ශ්‍රී මිට පෙර එවන් අනුභූතින් සිය නිර්මාණකරණයට යොදාගැනීමට සංවේදී වූ කවියෙකු වූ අතර පසුව ජනවාර්ගික ගැටළුව මහා ඛේදවාචකයක් සහ මිනිස් සංහාරයකින් අවසන් වන විට එකී සංවේදී භාවය රත්නශ්‍රී වෙතින් ගිලිහී ගියේ මන්ද යන්නයි. ඔබ හෝ බල්ලා විසින් මෙහි පල කර ඇති රත්නශ්‍රී ගේ කවි පොතින් උපුටා ගත් කවි අතරද එකී "අනුභූතිය" රත්න ශ්‍රීට මගහැරී ඇති බව පෙන්වන බැවින් මගේ තර්කය තවමත් වලංගුය.

මෙම කවිය සම්බන්ධවද යමක් කිව යුතුය. බොහෝ කවීන් සිය දහස්වර පට්ට ගසා ඇති යෙදුම්,උපමා උපමේයයන්, රූපක සහ සංකල්ප හැරෙන්නට කිසිදු අපූර්වත්වයක් මෙහි නැත. " සංසාරය", "කාත් කවුරුවත් නැති නන්නාදුනන" "ලංකාවේ කදුල" වැනි වදන් යෙදු පමණින් මෙහි කාව්‍යමය අන්තර්ගතයක් දැකිය නොහැකිය. එරික් විප්‍රවාසී කවිය ගැන 'ඩයස්පොරික කවිය සහ ඇම්පෝරික විචාරය' යන ලිපියේ කියා ඇති පරිදි මෙහි ඇත්තේත් රිද්මයක් පමණි.
පසුව 'බල්ලා' විසින් මෙම තීරුවේ පල කර ඇති රත්න ශ්‍රී ගේ සෙසු නිර්මාන මීට වඩා බෙහෙවින් සාර්ථකය. මට තවමත් මෙම පොත කියවීමට අවස්ථාවක් නොලැබිනි.
ඔබ මා ඔබ හදුනන වෙනත් අයෙකු යැයි වරදවා වටහාගෙන ලියන ලද පිලිතුරු වලින් මා ලද විනෝදය වෙනුවෙන් ස්තූති කරමි.
බල්ලා
මම හැමතිස්සෙම කොම්පියුටරේ ඉස්සරහ වාඩිවෙලා නැහැ බං උඹට උත්තර ලියන්න. ඒක උඩ ද උඹ ඊට පස්සේ ලියලා තියෙන උන් මං කියලා හිතුවේ. මේ ප්‍රශ්නෙදි නම් උඹටයි නිස්මිටයි එකම ලෙඩේ. සමහර විට උඹලා දෙන්නගේ ජාන සමාන ඇති.


කිවුව වෙලාව- 2010-09-25 01:23:05
බල්ලා... මෙහෙම කියනවා :
නිරීක්ෂක,
1. ඔබ නිරෝගී සංවාදයක් ගෙනාබව කියන්නේ නම් එකඟ වෙමි. නමුත් පාන් බට්ටිගේ ආගමනයත් අන්තරස්දානයත් මේ නිරෝගී සම්බන්ධතාවයේ ස්ථානගත වන්නේ කොතැන ද? ඉන් පසුව වෙනත් නම් කිහිපයක් ප්‍රාදුර්භූත වී යට කී කාරණාම ඉිල්පුනේ කෙසේ ද? කෙසේ වෙතත් නිරෝගී සංවාදයක් ගොඩනැගීම වෙනුවෙන් තුති.
2. රත්න ශ්‍රී ට ඇති ගෞරවයක් හෝ වෙ දෙයක් නිසා හෝ මෙහි නොලිව්වෙමි. ලිවීමට ඇති නිවැරදි යමක් තිබූ නිසා පමණක් ලිවූවෙමි. එහිදී ඔබේ නිරීක්ෂනය අතිශය සාවද්‍ය ය.
3. මහින්ද රාජපක්ෂ පුතාව රජ කිරීමට ඇති ඔනෑකමයි රත්න ශ්‍රි ට පාන් කෑල්ලක් ගැනීමට තිබෙන උවමනාව එකක් නොව දෙකක් බව ඔබත් ඇතුළු සියල්ල දන්නවා ඇත. එවැන්නක් සඳහන් කිරීම ගැන ඉතා කණගාටු වෙමි. මහින්දගේ බල ව්‍යුහයේ පරිමාණය රඳා පවත්වා ගැනීමට පුතාව රජ කරවන්න ගත් උත්සහය කෙසේද මිත්‍රය රත්න ශ්‍රී පාන් කන්න ගන්නා උත්සාහයට සමාන. එහි මහින්දගේ දේශපාලනික ජඩකමයි රත්න ශ්‍රී ගේ දෛනික ආහාරයයි කුමන ආකාරයකින් සමපාත වේද..? කණගාටුය. මහින්ද ගත් උත්සහයේ යටි දේශපාලනික අරුත ඔබ ද දන්නවා ඇත. ඇ ඔබ මෙවැනි දෑ කියන්නේ..? මේ මන්ද?

ස්තූතියි...!


කිවුව වෙලාව- 2010-09-24 05:24:05
නිහඬ නිරීක්ෂක මෙහෙම කියනවා :
නිශ්මි, රත්න ශ්‍රීට වෙඩි තැබීමට මා හෝ අන් කිසිවෙකු යෝජනා කොට නැත. ඔහුගේ කවිකමට අලගු තැබීමට හෝ ඔහුගේ කවි පුච්චා දැමීමට හෝ කවුරුත් උත්සාහ දරා නැත. නිශ්මි සහ බල්ලා යන නම් වලින් ලියන මිතුරන් කලබල වී ඇත්තේ අප රත්න ශ්‍රී සම්බන්ධයෙන් ගොඩ නැගීමට වෑයම් කළ/ කරන ඉතාම නිරෝගී සංවාදය කෙරෙහි ය. එයට හේතුව ඔවුන් තුළ රතන ශ්‍රී කවියා කෙරෙහි ඇති අසීමාන්තික භක්තිය බව මගේ නිරීක්ෂණයයි.

මේ අනුව නම්, මහින්ද රාජපක්ෂ ගැන වුවද සංවාද කිරීම බලවත් වරදකි. මන්ද ඔහුට පවා ඔහු කරන ජඩකම් පිළිබඳව ඔහුගේම වූ විවරණ සහ සාධාරණීකරනය කිරීම් තිබේ. රත්න ශ්‍රීට පාන් කන්නට සල්ලි නැති වීම වාගේම ප්‍රශ්නයකි මහින්දට තම පුතු රජ කිරීමට ඇති උවමනාව. දෙකම ''හේතු''ය!


කිවුව වෙලාව- 2010-09-24 05:09:00
Nishmi මෙහෙම කියනවා :
රත්න ශ්‍රී යනු මැක්කන් නොවැසූ බල්ලෙක් බව ද ඔබ කීමට රුචි වන්නේ මා මිතුර? netha.
samana adahas aththo bohoya...eheth obe anga bera ganeemata nam sinahawak pahala karami...
Mage yojanwada ma kara atha...
මේ රත්න ශ්‍රී වැනි ද්‍රෝහීන්ගේ කවි බූන්දිය වැනි තැනක පළ නොකරන මෙන් අපි බූන්දියේ ඇත්තන්ගෙන් ඉල්ලා සිටිමු. එතකොට බල්ලොත් නැත.මැක්කොත් නැත...
E hara ohu wedi thaba maranna baha neda?

Mage kalaya ran ha watee...
samu ganimi.


කිවුව වෙලාව- 2010-09-24 04:50:42
බල්ලා... මෙහෙම කියනවා :
සිදු වී ඇත්තේ කුමක්දැයි පැහැදිලිය. තමුන් පෙර සිටම සිටින මතයට කිසිඳු හෝ පලුද්දක් සිදු වීම ඔබට ඉතා වේදනාකාරී වනු ඇත. ඉතිකින් අප කුමක් කරමුද? රත්න ශ්‍රී කඩේ ගියා යැයි කියන අවලාදය අප නැවත නිවැදි කිරීමට නොඑමු. අත්සනක් මැකිය හැකි මකනයක් සොයා ගත හොත් මම එය වහා දුව ගොස් ගාලු කොටුවට විසි කරමි. ඔය කියන චන්ද්‍රිකාම තමයි රත්න ශ්‍රී ගේ රැකියාවට පහර දෙන්නෙත්. ඔහු ප්‍රශස්ති රචනා කර යෙහෙන් වැජඹෙනවානම් මිතුර ඔබට පිටකොටුවෙන් ගාල්ලට බස් ඇත ඕනෑ තරම්. ඔබට විසඳා ගත හැක. විශ්‍රාම වැටුපෙන් දරුවනුත් ඔහුත් රක්ෂා වෙමින් දිවිගෙවන බව ගාලු රළ රැළි ඔබට පවසනු ඇත. දෛනිකව කිසිදු වරදානයක් නොමැතිව සාහිත්‍ය උළෙලවල් වලට සහභාගි වී දේශන තියමින් හරවත් සාහිත්‍යක් පාදා ගැනීමට පාදා දීමට කැපවෙන ඔහුගේ සමාජමය කාර්යය මේ අපි ‍යතුරු පුවරු වලට ඇඟිලි ඔබමින් කරන කාර්යයට වඩා ප්‍රායෝගිකය මිත්‍රය. ඒ අනුවෙන් එය වැදගත්ය.

හබරල කොළ ගැන කිසිවක් නොකියමි. ඒ ඉන් අදහස් කළේ කුමක්දැයි ඔබ ඉතා හොඳින් දන්නා නිසාය. කවි ලියන්නට ආසා වීමත් කවිය දැනීමත් කවි ලියූ ඇත්තන්ට ආදරය කිරීමත් යන ඔබේ පෙර හෘද සාක්ෂිය මා ප්‍රශ්න නොකරමි. ආඛ්‍යානයක් ලෙස ඔබේ හබරල කොළ කතාව අලංකාරය. මිය නොගිය මිනිසුන්ව කුරුසයට නග්ගවා බලෙන් ඇණ ගැසීම ගැන මාගේ බලවත් කණගාටුව ප්‍රකාශ කරමි. මීට වඩා මිය ගිය වුන්ව ජීවත් කරවන උත්සාහයන් අපි දැක ඇත. අපි එයට එරෙහි වෙමු මිත්‍රය. ඒ වෙනුවෙන් එක පෙළට සිට ගනිමු.

නිෂ්මිගේ අදහස් දැක්වීම ට අනුව මොහු සමග දේශපාලනික ප්‍රතිවිරෝධයක් ඇත්නම් ඔහුගේ කාව්‍ය වැනි රචනාවන් බූන්දියේ පළ නොකරමු. මේ මොහොතේ සිටම එවැන්නක් තිබේ නම් ගලවා දමීම ඔබේ කියන දේ කරන කරන දේ කියන පෞරුෂයට හිතකර වනු ඇත.

ඔව් මේ කුණපය නොවිඳ ගොඩ ගිය එවුන් එක මහත එක උස. හැබැයි මිත්‍රය ඔබ නොදැකපු එක දෙයක් ඇත. ඔහු තවමත් එක තැන.

ඒහි පස්සික....!


කිවුව වෙලාව- 2010-09-24 04:50:12
නිහඬ නිරීක්ෂක මෙහෙම කියනවා :
nishmita dayaweni

මා නම් කිහිපයකින් නොලිවුවෙමි. මේ විෂයය ගැන උනන්දු ම දරන මතයට සමාන්තර වෙන අය නොසිටීය යන්න මුළාවකි.
අනෙක් අතට, නම් කීපයකින් ලියා දිග්ගැස්සිය යුතු කිසිවක් මෙහි ඇත්තේ ද නැත.

රත්න ශ්‍රී යනු මැක්කන් නොවැසූ බල්ලෙක් බව ද ඔබ කීමට රුචි වන්නේ මා මිතුර?

මැක්කන් නොවැසූ බල්ලන් සෙවීම යනු අර සරසවි කුලපති කළාක් බඳු ''සෙවිල්ලකි''. රත්න ශ්‍රී නොව කිසිම කෙනෙකු සර්ව ශුද්ධ මිනිසුන්යැයි සිතන්නෙක් නොවෙමි මම. මේ සංවාදයට මා උනන්දු වූයේ ශුද්ධ සුනඛයා සෙවීමට නොව ඔබ කිහිප පොළක් විසින් රත්න ශ්‍රී යනු ශුද්ධ සුනඛයෙකැයි අන් අයට ඒත්තු ගන්වන්නට දරන වෑයම දැකීමෙනි.

රත්න ශ්‍රී කෙබඳුදැයි සෙවිල්ල මග හැර හුදෙක් ඔහුගේ පෙදෙහි රස හව්, හව් හව් ගා බල්ලන් මෙන් රස විඳීම ද ඔබ අපට යෝජනා කරමින් සිටින්නේ මිතුර?


කිවුව වෙලාව- 2010-09-24 04:40:04
Nishmi මෙහෙම කියනවා :
මැක්කන් නොවැසූ බල්ලන් ද සිටින බව ඔබට හදිසියට අමතක වී ඇතැයි සිතමි. ඔබ නම් කීයකින් ලිව්වද මා ලිවූයේ එකම නමිනි. සංවාදයට එළඹුනේ කවිය පිළිබඳ කතිතාවක් ඇති වූ නිසාවෙනි. ඉන් එහාට ඇති වූ වාදය සදාකාලික එකකි...කොතැනත් එකම විදිහට, එකම වචන වලින්, එකය තුරුම්පු වලින්...
මට හිතෙන්නේ අප මෙබන්දක් කළ යුතු බවය. මේ රත්න ශ්‍රී වැනි ද්‍රෝහීන්ගේ කවි බූන්දිය වැනි තැනක පළ නොකරන මෙන් අපි බූන්දියේ ඇත්තන්ගෙන් ඉල්ලා සිටිමු. එතකොට බල්ලොත් නැත.මැක්කොත් නැත...


කිවුව වෙලාව- 2010-09-24 04:07:43
පූසා මෙහෙම කියනවා :
@ බල්ලා!
තොපි එකෙක්ටවත් මේ මිනිහගෙ කවි කමට අභියෝග කරන්න පුළුවන්ද?
අඩුම තරමෙ තොපිට හබරල කොළයක් හිල් වෙන්ඩ හුජ්ජ කරන්ඩ පුළුවන්ද?..

කවි කම සහ හබරල කොළවලට හිල්වන්නට හුජ්ජ කිරීමේ හැකියාව අතර සබදතාව කුමක්දැයි වටහාගැනීම තරමක් දුෂ්කරය.
යුගයේ විශිෂට කවියෙකු වීම සදහා, හිල්වන ලෙස හුජ්ජා කළ යුතු අවම හබරල කොළ සංඛ්‍යාව කුමක්දැයි නව පරපුරේ කවි කිවිදියන්ගේ දැනගැනීම උදෙසා සදහන් කරන්නේ නම් මැනවි.
එමෙන්ම රත්න ශ්‍රීට එලෙස හබරල කොළ හිල් කිරීමේ හැකියාව විහිෂ්ට මට්ටමක තිබූ බව ඔබගේ අදහස් දැක්වීම මගින් ඇගවේ. ඔහු විසින් මේ වනවිට සිදුරු කර ඇති හබරල කොළ සංඛ්‍යාව හෝ ඔහුගේ එම හැකියාව ගැන ඔබගේ පුද්ගලික අත්දැකීම් ඇති ගැන අසා ඔබව අපහසුවට පත් කිරීමට අවශ්‍යතාවක් නැත.
එහෙත් හුජ්ජා කිරීමට භාවිතා කරන අවයවය මානසික රෝගීන් නොවන මිනිසුන් තවත් වැදගත් වැඩකටද භාවිතා කරන නමුත් ඔබට එයින් හබරල කොල හිල් කරමින් පසුවීමට සිදුවීම ගැන සැබැවින්ම දුක්වෙමි.


කිවුව වෙලාව- 2010-09-24 04:05:48
නිහඬ නිරීක්ෂක මෙහෙම කියනවා :
nishmita
මැක්කන් වසන්නේ බල්ලගේ ඇඟ මත නොවේද? බල්ල කියවීම යනු මැක්කා මග හැරීම ද මිතුර?


කිවුව වෙලාව- 2010-09-24 03:54:08
රිපෝටර් 2 මෙහෙම කියනවා :
මාමා සහ බෑණා නවබිමේ ප්‍රශස්ති ලිවූ බව නම් මම දනිමි. පක්කලි සේවා මුරය අවසාන නිසාත් නවබිමට යෙදවීමට සජින් වාස්ට මුදල් නාස්ති කිරීමට බැරි නිසාත් බෑණා පිස්සු නටන නිසාත් පත්තරේ ට කෙලවින.

කිවුව වෙලාව- 2010-09-24 03:51:16
නිහඬ නිරීක්ෂක මෙහෙම කියනවා :
@Balla

හොඳයි....

මේ ස්වරයෙන්ම මහ රජු විවේචනය කළ හැකිද රත්න ශ්‍රී ට මහරජුට ප්‍රශස්ති ලියූ පෑනෙන්?
මේ ස්වරයෙන්ම උතුරේ කඳවුරුවල දුක් විඳින දෙමල්ලු ගැන කවි ලියන්නට පුළුවන්ද ඔහුට කිරිබත් මඟුල දා ලංකා පත්තරේට උදාන කවි ලියූ පෑනෙන්?
මේ ස්වරයෙන්ම සජින් වාස්ලා අත ඉස්සා නීති ගත කළ මේ හිට්ලර් සංශෝධනය ඔහුට විවේචනය කළ හැකිද?

පරාක්‍රම සහ ඔහුගේ වෙනස කුමක්ද මිතුරනි...
එක උස එක මහත!


කිවුව වෙලාව- 2010-09-24 03:41:47
Nishmi මෙහෙම කියනවා :
අන්තිමට සුපුරුදු පරිදි මැක්කාට පැමිණ ඇත.:)

බුදු සරණයි!


කිවුව වෙලාව- 2010-09-24 03:40:52
නිහඬ නිරීක්ෂක මෙහෙම කියනවා :
@ALL
A repeat telecast. It s time 2 read this again.

"දර්ශන" මෙහෙම කියනවා :

@චින්තක
" මේ සියල්ල මෙසේම තිබියදී රත්න ශ්‍රී ගේ පැත්තෙන් ඔහු මුහුන දුන් කටුක යථාවන් හදුනාගැනීමට කිසිවෙකු හෝ උත්සහ දරන බවක් ද දිස් වෙන්නේ නැහැ. කවියෙක් විදිහට ආත්ම ගරුත්වයක් සහිතව කෙලින් ඉන්නට රත්න ශ්‍රී අසමත් වන්නේ හුදෙක් කොන්ද පන නැති වීමේ අසනීපය නිසා පමනක් ද"

ඔබ කියන කරුණ සංවාදයට ගැනීම වැදගත්. 1994 දී චන්ද්‍රිකා බලයට එන්නේ 17 වසක යූඇන්පී මර්දනකාරී පාලනය තුළ සිදූ වූ මානව හිමිකම් උල්ලංඝණයන්, ප්‍රජාතන්ත්‍ර විරෝධී කටයුතු, ඉන්දියන් හමුදා ගෙන්වීමෙන් දෙමළ ජනයා මත ඇති කරන ලද මර්දනය, තරුණ සංහාරය ආදි කරුණු හේතුවෙන් සමාජය තුළ මතු වූ විරෝධය භාවිතා කරමිනුයි. මර්දනයෙන් හෙම්බත් වූ ජනයා තුළ සමාජ ප්‍රජාතන්ත්‍රවාදී සටන් පාඨ සදහා හොද ඉල්ලුමක් තිබුණා. චන්ද්‍රිකාගේ ශ්‍රිලනිප හා හවුල් වූ වමේ පක්ෂ ගොඩ නගාගත් ,වෘත්තීය සමිති, මාධ්‍ය සංවිධාන, සහ කලාකරැවන් ආදි සියල්ලන් ගොනුවෙනවා. 1994 දී ජවිපෙ නීත්‍යානුකූල දේශපාලනයට පැමිණිමේදී එය වටා වූ බලවේගය වෙනම ගොනු වෙනවා.එක් පැත්තකින් චන්ද්‍රිකා සිය බල ව්‍යාපෘතිය සදහා සමාජ ප්‍රජාතන්තවාදී සටන්පාඨ වෙනුවෙන් පෙනී සිටි බුද්ධිමතුන්,කලාකරුවන් සහ ප්‍රගතිශීලි බලවේග භාවිතා කර පසුව ඔවුන් නන්නත්තාර කර දැමූ පරිදිම ජනතා විමුක්ති පෙරමුණ විප්ලවීය සමාජ වෙනසක් පැතූ රැඩිකල් බලවේගයන් පාර්ලිමේන්තුවාදී පිරිහීම තුළ දිය කර දැම්මා.චන්ද්‍රිකා යළි යුද්ධය පටන් ගන්නා විට ඇය සමග සිටි සමාජ ප්‍රජාතන්ත්‍රවාදී බලවේගවලට අවස්ථාවාදී ලෙස එයට අනුගත වීමට සිදුවුනා. එයට එරෙහිව ප්‍රතිචාර දක්වමින් සිය දේශපාලන සහ සදාචාරමය ස්ථාවරයන් ආරක්ෂා කරගනිමින් මෙම ක්‍රියාවලියෙන් ඉවත්වීමට ධෛර්යය තිබුනේ කීප දෙනෙකුට පමණි. බීබීසි එකේ ඉදලා චන්ද්‍රිකා විසින් රූපවාහිනියට පත් කරපු වසන්ත රාජාගේ ඉල්ලා අස්වීම එයට උදාහරණයක්.නමුත් බොහෝ අය ආපසු හැරීමට බැරි දුරක් මේ දේශපාලන මඩ ගොහොරුව තුළ ගොසි තිබුනා. ධනය සහ බලය ලැබීමේ උල්පතක් වූ එය සමහරුන් ආශිර්වාදයක් කොට සැළකුවා. රත්න ශ්‍රී ලා 1994 දී පොදු පෙරමුණ වටා ගොනුවන්නේ එජාපය යටතේ පීඩනයට පත්ව සිටි අතරමැදි පන්තීන්ගේ දේශපාලන උවමනාවන් නියෝජනය කරමිනුයි. නමුත් දේශපාලනඥයන්ගෙන් පුද්ගලික වරදාන පිලිගැනීම හේතුවෙන් සහ ඒවෙත ඇලී ගැලී සිටීම හේතුවෙන් රතන ශ්‍රී වැනි බොහෝ අයට තම ආත්ම ගරැත්වය ආරක්ෂා කරගෙන ඉවත් වීමට නොහැකි වුණා.අනෙක් අතින් ගත්තාම රත්න ශ්‍රීලාට ඔය තනතුරු බදාගත්තේ නැහැ කියලා හාමතේ මරෙන්න වෙන තත්ත්වයක් තිබ්බේ නැහැ. ඊට වඩා ආර්ථික අපහසුකම් තියෙන ගොඩාක් අය තම ප්‍රතිපත්තිමය ස්ථාවරයන් ආරක්ෂා කරගත් බව ඔවුන්ගේ ගෞරවය පිණිස කිව යුතුයි.එක් අතකින් ගත් කළ රත්න ශ්‍රි ලා ලාංකීය සමාජයට පසුකිරීමට සිදු වූ එක්තරා ‍ඓතිහාසික නිමේෂයක ගොදුරු.අනෙක් පැත්තෙන් ඒ ගොදුරු වීමට කෙනෙකුගේ පුද්ගලිකත්වය කියන සාධකයේ බලපෑමත් නොසළකා හරින්නට බැහැ. නමුත් රත්න ශ්‍රී වැනි සමාජ දේශපාලන දැක්මක් සහිතව නිර්මාණ කරණයේ යෙදුන අයෙක් වෙතින් සමාජය බොහෝ දේවල් අපේක්ෂා කිරීම ස්වාභාවිකයි.
ජවිපෙ වටා එකතු වූ කලාකරුවන්ගේත් ඉරණම මෙයට දෙවැනි නැහැ. චන්ද්‍රිකා සාමය සදහා යුද්ධය නැමැති සටන්පාඨය යටතේ සමාජ ප්‍රජාතන්ත්‍රවාදී සටන්පාඨ ජාතිවාදයෙන් සහ යුදවාදයෙන් දූෂණය කරන කොට ජනතා විමුක්ති පෙරමුණ සමාජවාදයේ සහ අධිරාජ්‍යවිරෝධයේ නාමයෙන් එයම කරා. උතුරු කොනේ ගැයූ ගුණදාස කපුගේලා දේශ හිතෛශී වේදිකාවට නැගීමත් ඊට උදාහරණයක් වමේ දේශපාලන අවස්ථාවාදය විසින් මෙවැනි අයට තම ස්ථාවරයන් සාධාරණීකරනයෙහිලා තර්ක සැපයූ අතර ධනපති ක්‍රමය විසින් එයට මිලක් ගෙවනු ලැබූවා.

කිවුව වෙලාව- 2010-08-31 07:22:19


කිවුව වෙලාව- 2010-09-24 03:35:47
බල්ලා... මෙහෙම කියනවා :
@ නිරීක්ෂක
කවිය හෝ නිර්මණය පමණක් වෙනම උත්තරාරෝපිත තැනක තබා කියවීම අදේශපාලනිකය. කවිය පැන නගින්නේ \'කවියා\'ගෙනි.
එහෙයි නිරීන්ෂක.

ඔහු එදා ලියූ දේ තවමත් ලියන බව දකින්නට ඇත. පරාක්‍රම මෙන් ආස්ථානය මාරු කර නැති බවක් පෙනේ. ඔහු ස්වකීය නව කෘතියේද පරාක්‍රමට ද පිදුමකින් ගසා ඇත. එය මෙහි සඳහන් කරමි.

මිනිසුන් විසු ව
කවියක් දුටිමු එදවස
උන්‍ගේ සතුට
ඩහදිය,කඳුළ,සෙනෙහස
නොදනිති කෙනෙක් ඒ ගැන
කිවිඳ ඔබ මිස

පරාක්‍රම කොඩිතුවක්කු
කිවිඳුන්ට යි.

(මෙය පරීක්ෂාවෙන් කියවන්න)


කිවුව වෙලාව- 2010-09-24 03:28:29
රිපෝටර් මෙහෙම කියනවා :
රත්න ශ්‍රී ඇමැති දොඩංගොඩගේ මාධ්‍ය උපදේශකයෙකු වී සිටි බවද සැබෑවකි.ඔහු යටතේ තිබූ අමාත්‍යාංශයේ සිදු වූ අක්‍රමිකතා දූෂණ පුවත්පත්වලින් වාර්තා වන විට තමන්ට තිබූ මාධ්‍ය සබදතා පාවිච්චි කරමින් ඒවා යටපත් කිරීමට වෑයම් කළ බවද සැබෑවකි.එහෙයින් ඔහු දොඩංගොඩ ඇමැතිවරයා පාවා නුදුන් බවද සැබෑවකි.

කිවුව වෙලාව- 2010-09-24 03:20:20
Kolla මෙහෙම කියනවා :
balla says...
නොද්දකිං මේ බලු හැතිකරේ .
කවිය විඳපිය... කවිය....

this is not a good reaction. you try to forcibly control others thinking.


කිවුව වෙලාව- 2010-09-24 03:18:18
නිහඬ නිරීක්ෂක මෙහෙම කියනවා :
මිතුරනි, පාවා දීම යන්න සාපේක්ෂය. එය ඔබ නියෝජනය කරන කඳවුර කුමක්ද යන්න මත යැපෙයි. රත්න ශ්‍රී නියෝජනය කළේ හෝ ඔහු එසේ කරතැයි අප මුළාවී සිටියේ- ක්‍රම විරෝධී කඳවුර ය. ක්‍රම විරෝධය සමග 'ඔබේ' සම්බන්ධයේ ස්වරූපය අනුව රත්න ශ්‍රී-ව සිතියමේ විවිධ තැන් වල ස්ථානගත කිරීමට පුළුවන.

එසේ ස්ථානගත කොට රත්න ශ්‍රී ව දේශපාලනික අරුත් විවරණයකට ලක් කිරීම මගින් ඔහුගේ කවීත්වය නින්දාවට ලක් වේයැයි නොසිතන්න. කවිය හෝ නිර්මණය පමණක් වෙනම උත්තරාරෝපිත තැනක තබා කියවීම අදේශපාලනිකය. කවිය පැන නගින්නේ 'කවියා'ගෙනි.


කිවුව වෙලාව- 2010-09-24 03:16:40
බල්ලා... මෙහෙම කියනවා :
@ නිරීක්ෂක.
රත්න ශ්‍රී නව බිමේ කවි පිටුව කළ බව සැබෑවකි. එය සජින් වාස් ගේ බවද සැබෑවකි. එහි ඔහුගේ බෑණන් වැඩ කළා ද සැබෑවකි. නමුත් කවි පිටුවක් කළ පමණින් ඔහු පාවා දීමක් කළා යැයි කීම හැබෑවකි ද?. කවි පිටුවේ කුමක් තිබුනේ ද යන්න විමසා දැන ගත යුත්තකි. දැන් නවබිම නැති බවද සැබෑවකි. එය ඔබ නොදන්නක් ද වේද නොදන්නකි. මෙසේ බුරන මට රත්න ශ්‍රී එකදු මස් කට්ටක් වත් නොදෙන බවද සැබෑවකි. ඔහු ගේ කවි කම අගේ ඇති. එයද සැබෑවකි.


කිවුව වෙලාව- 2010-09-24 02:49:05
Nishmi මෙහෙම කියනවා :
Mulinma oka kiwwa nam ivarane...kavi kam gana katha nokara :)

කිවුව වෙලාව- 2010-09-24 02:45:19
නිහඬ නිරීක්ෂක මෙහෙම කියනවා :
දැං මහ රජු ජාතික ගැටලුව ද අන් සියලු ගැට ද ලිහා හමාර නිසා රත්න ශ්‍රී නොව ඔහුගේ බාප්පා කවි ලිවුවත් වෙන දෙයක් නැත්තේමය. දැන් කවියන් හමුවේ ඇති ඇසිඩ් පරීක්ෂණය නම්, මහ රජාගේ ඒකාධිපතිත්වය හමුවේ කොතරම් බැරෑරුම් ලෙස නැගී සිටිනවා ද නො එසේනම් උගේ සරම අස්සේ රිංගා බලු වෙනවා ද යන්නයි. මේ දෙකෙන් රත්න ශ්‍රී දෙවැන්න තෝරා ගෙන සිටි බව අපි දන්නෙමු. මන්ද ඔහුත් ඔහුගේ බෑනාත් සජින් වාස් ගේ සල්ලි වලින් දිව්ව නවබිමේ වැඩ කල හින්දාය. රතන ශ්‍රී ජීවත් වෙන්ටත් ඕනෑය. කවුද කිවුවා වාගේ පාන් කන්ටත් ඕනෑය. ඒ නිසා එයාලාගේ පාන් සහ වයින් හටන් වලට එයාලාව නිදහස් කොටැ අනික් පාන් කන්ට සල්ලි තියන ඒ වාගේම කොන්දක් කියා දෙයකුත් තිබෙන අනික් වාහේලා කොල යුත්තේ මේ පරයා පැන්නීම සඳහා වූ අනාගත අරගලයට කවි අවි මුවහත් කිරීමය.

කිවුව වෙලාව- 2010-09-24 02:38:08
බල්ලා... මෙහෙම කියනවා :
@පාන් බට්ටි...
මේ පිලිබඳව ද විමසන්න. නිෂ්මිගේ පිළිතුරු වලට උෘන පූර්ණයක්. ඔබට උත්තරයක් ඇත මෙහි.

බිලි පූජාව.

මවක් තම දරුවා කළු ගඟට දමයි (පුවතක්)

අචිරවතී ගංගාවක් වී
කළු ගඟ
නතර නොවී ගලනා
කැමරා ඇස් ඔරවා ගෙන
පාලම උඩ
ගොදුරු සොයන රකුසු රෑන උන්නා

සුරුවිරු පැණසර
දරුවන් වැඩු
සිරිලක් අම්මා
වැලට බර වෙලා
තව එක දරුවකු
ගංගාවට දැම්මා

බහ තෝරන දුප්පත්කම
හෙමිහිට පාවෙන්නා

ලේන කුලේ දී
සමුදුර ඉස ඉස
වලග රිදුම් ගත් අම්මා
අප්පා මෙන් උන් හැර නොගියා

තිත්ත කටුක කාඩි බිබී
ගිනි රස්නය දරණු නොහී
පපුව සිඳී
සිඟා ගත් බතින් දෙකටක්
අන්තිම වරටත් කැව්වා

ගෟෟෂා මෙන්
වැල් පාලම එතෙරව යනු බැරි වී
යකඩ අතින් දරුවා ඔසවා
ගංගාවට දැම්මා

කැඳ උගුරක්
බත් වේලක්
ඇඳුමක්
උන්ට නොදුන්
සුදු ඇඳගත්
සජ්ජන පිරිවර
ඈට ගහන්නට
ඉස්තරම්ම ගල්
අසුලා
අසුලා දුන්නා

ගංගාවේ දිය රැළි උකුළේ
දිය බෙරලිය මල් තුරුළේ
කිසිදා නොසි‍ඳෙන
කඳුළු බිඳක් තිබුණා
සෑ රදුන්ට පෙනුණා.


හරන්තිකගේ ස්තුති ප්‍රකාශය

(....අලුත් මළමිනියක් අධෝමුඛ කොට මුහුණින් බිම හොවා, ඔහු පිට සොරා උඩුකුරු කොට හොවා, දෑත දෙපය, පිට ඉසි ආදී වූ තැන් මුදා ගත නොහැකි පරිද්දෙන් වෙන වෙනම තද කොට බැඳ හොවා....)
- සද්ධර්මාලංකාරය . උභය ස්ථවිර වස්තුව


සොරු වෙමි හරන්තික
අබැටකුත් සොරකම් නොකළ

නව දොරින් වැගිරෙන
දුර්ගන්ධ කුණපය
දස වසරක් පුරා
උර දරා අවිදුයෙම්,
බැට කැට මුගුරු පහණින්
නින්දා අපහාසයෙන්
මිරිකුණෙම්

මා මුදවාපිවා
මුගුරින් පහළ තැන් තව ඔසු ගල්වා
කුලාවෙන් තෙල් ගෙන උලා
කවා පොවා සනහා
සොහොයුරෙකු සේ රැකගත්
උපාසකවරුනි හිතවත්,

මඟ වැටී සිටිය දී මා
අසුලා ගත්තෙහිය ඔබ
ඉදින් ඒ ඔබටම ය.

මේ අභය භූමිය
රමණීය සෙනසුන
අද සිට වාස වෙයි මට

සැබැයි
මුණ නොගැසෙයි
කිසිදාක උස් කඳු මුදුන්
මිතුරනි,
එහෙත් අප
කුරා කුහුඹුවන්

දකිමු
හැම බෝ රුකක් යට ම
බුදුවරුන්.


බාල දුවගේ නොමනාපය

\'ඊ\' ගාන්නැයි කියා
එපා අම්මේ
දත් මද්දවන්නට
කා එක්කලා හිනාවෙන්නද
සේරෝම බොරුවට
විරිත්තන උදවිය
පිටු පා ගිය පසුව
දත් මිටි කන අය

බොකුටු අත්ලට
රැගෙන පොල් තෙල්
උලා හිස
පීරා ගොතා බැඳ
වෙහෙස වෙන්නට එපා අම්මේ
ටොකු අනින්න ද
මට වඩා උස අයට
වර්චස් හෙළන්න ද
ගස් උඩ කපුටන්ට

රැළි තියා මැද සුදු ගවුම
කිරි සුදුවට
අන්දා ඉණට
යවා කුමට ද පාරට
මඩ අරගෙන අතට
බලා ඉන්නා සෙනග අතරට
ලකුණු දේවි ද
පිරිසිඳු කමට


රජගෙදර කවි

(වෙන්ව ගොස් නුඹ
හිටන් ඉන්නේ
අනේ කොතැනක ?
රජගෙදර
පිළිකන්න මත වෙද?
පාර මතක ද
ගේ ළඟයි තව.)

- මිතුරෙකුගේ කවියකින්


හිසින් දැරූ බැරි බර රජ-මැති ගාව
බිමින් තියා පැදුරේ කවි ලෙව කෑව
අතින් රජ ගෙදර කැත කුණු අත ගෑව
ලියන්නට යන කවි නැත රජුනට දාව

දුකට කියූ කවි රජ ගෙදරට විකුට
කවට අන්දරේ දුක් වින්දෙ ද සැපට
බතට කන්න බැරි පිළිවෙත්ම ය අපට
දරට සුදුසු ඒවා රජගෙට - ලිපට

ගලින් සැදුණු මහ වාසල් ඇති බැවිනී
ගලින්ම ලොව සැදුනේ නැත සකි සඳුනී
හෙමින් අන්දරේ හිනහෙන හැටි පෙණිනී
ඇහින් වැටෙන දුක මුළු ලොවටම නොපෙනී

සාර සියක් මල් අත තිබුණත් රුවැතී
බාර වෙන්ට එක දෙවියෙකු වත් නොමැතී
පාර මතක ඇති - වංගුව මතක ඇතී
වීර ගහ යටයි පණ යන්නට කැමතී

රත්න ශ්‍රී විජේසිංහ ---
සන්ධ්‍යා තීර්ථය කවි සංග්‍රහයෙනි...

පාන් බට්ටි ට පිළිතුරක් ඇතැයි සිතමි....මේ බල්ලත් ඉතින් අනිත් උං වගේ පොඩ්ඩක් බිරුවා..ගනන් ගන්ඩ එපා..!ආ...තව එකක් මිස් වෙනවා තව පොඩ්ඩෙන් මේකත් ලියන්නම එපැයි. අපේ එවුන් වෙනුවෙන්...

රේන්ද රාළගේ බල්ලා වෙනුවෙනි.

-ශෝක ප්‍රකාශය

පරම්පරාවෙනි කළ බලුකම් කෙරුවේ
අලුත් මුදලි,නිලමේ කම් නැත දැරුවේ
වැඩක් නැතත් කඩිසරවයි සැරි සැරුවේ
මුදල් වලට නොව යුතුකමටයි බිරුවේ

හීන් සැරේ අපි එන විට හැන්දෑවේ
යාන්තම් බිරුවෙ - නැත කේලම් කීවේ
\'හාං බලමු\' යයි නැත පාරම් බෑවේ
ආං ඒ නිසයි අපි මළගම් ආවේ

පාන්දර වෙද්දි ඇස් දෙක පියවෙනවා
කාන්සියට වෙස්සන්තරෙ මදි වෙනවා
හීන් අඩියකුත් අපි ගානෙම දෙනවා
රේන්දයගෙ මළගමටත් අපි එනවා


ඕන්න ඉතිං බව්ව්ව්ව්ව්......බව්ව්ව්...බව්ව්.....!!!


කිවුව වෙලාව- 2010-09-24 02:03:36
Nishmi මෙහෙම කියනවා :
@පාන් බට්ටි,
මම දන්න විදිහට මේක කවි පොතක එක කවියක්...හැම කවියකින්ම ජන වාර්ගික අරගලය ගැන කියන්න ඕනෙ කියල කාට හරි කවුරු හරි යෝජනා කරනවා නම් ! :) විහිළුයි වගේ නේද? කවුරු හරි කැමැත්තෙන් එහෙම ලියනව නම් ඒක වෙනම දෙයක්නෙ. මිනිහෙකුට තමන්ගෙ අත්දැකීමක් කවියට නගන්න බැරි කමකුත් නෑනේ..ඒ මිනිහා අපි ආස අනුභූතීන්ට කවි ලියන්න ඕනෙත් නෑනෙ... සුනිල් විප්‍රවාසි කවි විතරක් නෙවෙයි සමස්ත කවියම අනලා කෑව කියලා අපි දන්නවනේ කවියාන....ඒකට රත්න ශ්‍රී මක් කරන්නද?කෙනෙක් කවි කෑවා කියලා අනුභූතියට බැණලා වැඩක් නෑනෙ...
හැබැයි! රත්න ශ්‍රී සන්ධ්‍යා තීර්ථයේ ඔබ කියන වර්තමාන ගැටළු ගැන එක කවියක් වත් ලියල නැද්ද කියලා මට තවම අදහසක් නෑ...මම මුළු පොතම තවම කියවා නැති නිසා...එහෙම දෙයක් ඇතුළත් නැත්තම් ඔබේ තර්කය වලංගුයි.හැබැයි ඒක රත්න ශ්‍රී කියන සැබෑ කවියාගෙන් සිය භූමිකාව අත්හැරී යම වැනි බරපතල වරදක් මිස සුනිල් ගෝ ගේ නොස්ටැල්ජියානු මන්ද මානසිකත්වයට සම කරන්නට යාම නම් කතාව මැක්කාට ගෙන යාමකි.අපි කවියන් ගැන කතා කරමු..ලෙඩුන් බලා ගැනීම දොස්තරලාට ඉතිරි කරමු.
පලි.
\'ඔබ දකින විදියට එහෙනම් මේ කවිය ගේ කුරුල්ලෙක් ගැන!\'
නෑ...ඔබත් දන්නවනෙ..මේක කුරුල්ලෙක් ගැන නෙවෙයි..කවියා ගේ සිත තුළ දුරක දී ඇති වූ තනිකම ගැන බව


කිවුව වෙලාව- 2010-09-24 00:32:33
පාන් බට්ටි මෙහෙම කියනවා :
@Nishmi
ඔබ දකින විදියට එහෙනම් මේ කවිය ගේ කුරුල්ලෙක් ගැන!ඒකයි නිශ්චිතව දැනගන්න ඕන වුනේ. අනේ රත්න ශ්‍රී කොච්චර සංවේදී කවියෙක්ද?
එක්තරා කාලයක ඔහුගේ කවි වලට වස්තු විෂය වෙච්ච දෙමළ මිනිස්සු තමන්ගේ උපන් ගම් බිම්වලම අනාථයෝ වෙලා ඉන්නකොට, ළමා ළපටිත් එක්ක සැතපුම් දහස් ගණන් ඈත නන්නාදුන රටවලට අනාරක්ෂිත මුහුදු ගමන්වලින් පලා ගිහින් අනාථ කදවුරුවල ලගිනකොට ඒ ගැන ලියන්න රත්න ශ්‍රීට දැන් හිතෙන්නේ නැත්තේ සමහර විට ඒ මිනිස්සු චාල්ස් ඩිගෝල්ස් ගුවන් තොටුපළේ වායු සමීකරණය කළ පර්යන්ත හරහා නොයන නිසා වෙන්නැති. එහෙම නැත්නම් ගේ කුරුල්ලන්ගේ වගේ උන් ගේ ඇස්වල කදුළු නැති නිසා වෙන්නැති.
සුනිල් ගෝවින්නගේ නොස්ටැල්ජියාවයි මේකෙයි අතර වෙනස මොකක්ද


කිවුව වෙලාව- 2010-09-24 00:15:43
බල්ලා... මෙහෙම කියනවා :
@kolla
බල්ලන්ගෙන් ප්‍රවේසම් වන්න ...!


කිවුව වෙලාව- 2010-09-23 23:44:09
Nishmi මෙහෙම කියනවා :
@පාන් බට්ටි
1. කවියා සිටින්නේ සිය රටින් හා නිවසින් දුරකය.හඳුනන දෙයකට ඔහු දකින්නේ ගේ කුරුල්ලා පමණි..මෙය බොහෝ විට යුරෝපයේ දී මෙන්ම ඔස්ට්‍රේලියාව වැනි රටක වුව අත්දැකිය හැක්කකි.හාත්පස සියළු නුහුරු දේ අතර ගේ කුරුල්ලන් සුලබ දසුනකි. මේ කුරුල්ලා ඔහුට සිය නිවස සිහි කරවයි.
2. ගෙයි සාලේ බිත්තියක තනා ඇති කූඩුවකින් පිටත් වී ආ කුරුල්ලෙක්- සාලයෙහි උන් කුරුල්ලා ඔහුට අතිශයින් සමීපය.


කිවුව වෙලාව- 2010-09-23 23:08:21
Lavuly මෙහෙම කියනවා :
kastiya rathna sri ekka oroppu wela eka eka aragannawa
rathna sri danneth naha
pora porage wada


කිවුව වෙලාව- 2010-09-23 23:08:01
Kolla මෙහෙම කියනවා :
@බල්ලා
pls mind ur language බල්ලා


කිවුව වෙලාව- 2010-09-23 23:04:06
බල්ලා... මෙහෙම කියනවා :
නොද්දකිං මේ බලු හැතිකරේ .
කවිය විඳපිය... කවිය....

තොපි හිතන තරම් දෙයක් රත්නෙට වෙලත් නෑ. උනෙත් නෑ.
තොපි එකෙක්ටවත් මේ මිනිහගෙ කවි කමට අභියෝග කරන්න පුළුවන්ද?
අඩුම තරමෙ තොපිට හබරල කොළයක් හිල් වෙන්ඩ හුජ්ජ කරන්ඩ පුළුවන්ද?...
නොදෝමකින්....!


කිවුව වෙලාව- 2010-09-23 22:53:22
Senadheera මෙහෙම කියනවා :
දන්නැද්ද පාන් බට්ටි, කවිය හැඩ කරන්න දාපු ෙජාලි කෑලිෙන.අර පාන් ෙරාඩු කනව කියලත් තිෙයන්ෙන

කිවුව වෙලාව- 2010-09-23 15:30:06
පාන් බට්ටි මෙහෙම කියනවා :
@Nishmi
"කූඩුවෙන් පිටත් වී
බිත්තියේ ගෙයි සාලෙ
ලංකාවෙ කඳුළකුත්
ඇහින් අරගෙන මොකද
මේ තරම් දුර ආවෙ"
1.මේ පදවලින් කවියා කියන්නට හදන දෙය ඔබට ඒ කවිය දැනුන විදිය අනුව මොකක් කියලද හිතන්නේ?
2.
මේ කවියේ"කූඩුවෙන් පිටත් වී ,බිත්තියේ ගෙයි සාලෙ" යන පෙළවල තේරුම මොකක්ද


කිවුව වෙලාව- 2010-09-23 11:12:43
priyangani මෙහෙම කියනවා :
rathna srita mokada me wune !!!!
anithye heti
keti kavi liyanna gihin madhyama yaamayedi naagaththa
den bhaashaawa merunu kavi liyanawa
mage lokaye weerayaa merilada???????????????????????????


කිවුව වෙලාව- 2010-09-23 07:24:11
ruwan sudassana මෙහෙම කියනවා :
Kohomath ohu apata godak dewal kiyaladenawa. hithagannawath beri issawwalata apawa regenayanawa. kaviyaka ,geethayaka jeevithya thawaranne kohomada kiyala ohu dannawa. Ochithya, sanshipthabawa ohu tharam danna kennek thwath ne. Rathnashri oba sadakmai.. me gana andakaraye paya aa...

කිවුව වෙලාව- 2010-09-23 01:43:23
Nishmi මෙහෙම කියනවා :
@මහකිවි,
Sunilta bari Rathna sri ta puluwan liwwema thamai me...
කූඩුවෙන් පිටත් වී
බිත්තියේ ගෙයි සාලෙ
ලංකාවෙ කඳුළකුත්
ඇහින් අරගෙන මොකද
මේ තරම් දුර ආවෙ

කාත් කවුරුත් නැතිව
නන්නාඳුනන රටක
කොහේ යනවාද අපි
මේ පාරෙ
හැමතැනම පාරවල්
සංසාරෙ


කිවුව වෙලාව- 2010-09-23 01:24:28
Hudeejana මෙහෙම කියනවා :
Matanam madi wage rathnasri ge hatiyata!!!!!
Eth apahu aapu eka gena nam sathutui


කිවුව වෙලාව- 2010-09-22 20:02:30
Amaley Munasinghe මෙහෙම කියනවා :
මම මේ කවියට කැමතියි. ගේ කුරුල්ලා මිය ගිය අතීතය වගේ මට දැනෙයි...

කිවුව වෙලාව- 2010-09-21 21:54:36
මහකිවි මෙහෙම කියනවා :
@ kapila jayavilal
"HiTHANNATA BOHOO DEEWAL APATA KIYANA KAVIYAK. HARI RASAWATH."

මොනවා හිතන්නද බං! සුනිල් ගෝවින්නගේ පර්ත් කවියි රත්න ශ්‍රී ගේ මේ කවියයි අතර තියෙන වෙනස් කම මොකක්ද? රත්න ශ්‍රී වාගේ "පොරක්" ලියපු නිසාද මේක සිරා. දැන්වත් ඔය වැඩවසම් වන්දනාව නවත්තපල්ලා.රත්න ශ්‍රී ගේ ඉතා විශිෂ්ට නිර්මාණ තියෙන බව ඇත්ත. ඔහු එක්තරා යුගයක විශාල මෙහෙවරක් කරපු බවත් ඇත්ත. නමුත් ඒක ඔහුගේ සියළුම නිර්මාණ සාර්ථකයි
කියන්න හේතුවක් නෙවෙයි.
පසු සටහන/ හරිම රසවත් කිව්වෙ මොනවාද? "මිල අධික පාන් රොඩුද?"


කිවුව වෙලාව- 2010-09-21 13:32:17
sujeewa මෙහෙම කියනවා :
menna me kotasath generalize kala nam deyiyane kiyala;

"චාල්ස් ඩිගෝල් නම්
සුවිසල් ගුවන්තොටුප‍ලේ
පන්සාළිස් වන පර්යන්තයේ
ආපන ශා‍ලාවෙ මුල්ලක"

me kaale eka sammana labhi apayak dekala me vage apayagami kotas dekkath anga kilipolaa yanava.


කිවුව වෙලාව- 2010-09-21 07:40:58
Kapila Jayavilal Herath මෙහෙම කියනවා :
HiTHANNATA BOHOO DEEWAL APATA KIYANA KAVIYAK. HARI RASAWATH.

කිවුව වෙලාව- 2010-09-21 06:12:05
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
රත්න ශ්‍රී විජේසිංහගෙන් තවත් වියමන්
කවි
පියාපත
කවි
වස්සානය
කවි
පින්කෙත
කවි
ප්‍රේමය හෙවත් ඒ උතුම් දෙය
කවි
නෙළුම
තවත් කවි බූන්දි
ස්වර්ණ - සංවත්සරය දා
ආනන්ද
ජානූ! පේ‍්‍රමයෙන් විතැන් විය හැකි දැයි මට කියන්න
පෙට්ටියක් දිනා ඇත!
මා බිරිඳ උවැසියක වී
BoondiLets
මාර්කේස්ගේ සමුගැනීමේ ලිපියෙන්.
අප සියළු දෙනාට ම අවශ්‍යව ඇත්තේ සාර්ථකත්වය නම් වූ ගිරි-ශිඛරයට ළං වීමටයි. එහෙත් ජීවිතයේ සැබෑ තෘප්තිය ළඟාකර ගත හැක්කේ එතැනට ළඟාවීමෙන් නොව එතැනට යාමට අප... [More]
What's New | අලුතෙන්ම
කවි| ස්වර්ණ - සංවත්සරය දා

29-Secs

(උද්‍යෝගී පලිහක්කාර) දෙඅත් බැඳ - නවා හිස
විපිළිසර කැමරා - දෙනෙත් අභියස
එදා උන් අයුරින්ම මා අස
ඉඳී මා 'විළිබර මනාලිය'

මේ තරම් තිළිණ, මල් කළඹ, බන්ධූන්... [More]
කවි| පියාපත

12-Secs

(රත්න ශ්‍රී විජේසිංහ) මගේ පුත
මේ පියාපත
නුඹේ ම ය

තක්සලා පාරේ
කුණු මඩ පිරුණු ගොවුදේ... [More]
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook