Facebook
Twitter
Google+
YouTube
Blog
RSS Feed
අදහස් බූන්දි
ෆොටෝෂොප් මාර්ග සංවර්ධනය හෙවත් බඩගින්නට හයි වේ කෑම
බූන්දි, 09:10:09
"ලංකාව දැන් පට්ට දියුණුයි බං, පිස්සු හැදෙනවා. ....ලුයි ....ඨායි දෙන ගේම් දැක්කම. අර හැංගිලා හිටපු තට්ට ඩයල් එකට දැක්කනේ දුන්න ගේම, අන්තිමට ඌයි ඕස්ට්‍රේලියන් ගවර්මන්ට් එකයි දෙකම චාටර් වුණා..." උපතින්ම කොළපාට මගේ මිතුරාගේ අදහසින් එක්වරම මා පුදුමයටත්, කණගාටුවටත් පත්වුණෙමි. පුදුමය නම් ලංකාව ලබා ඇති දියුණුව පිළිබදව මා කිසිලෙසකින් වත් දැනුවත්ව නොසිටීමයි. එසේනම් රජයේ මාධ්‍ය විසින් සිදුකරන වාර්තා සත්‍ය විය යුතුය. මා කණගාටුවට පත්වූයේ ප්‍රජාතන්ත්‍රවාදී දේශපාලනයේ යෙදී සිටි පුද්ගලයෙකු ර‍ජයට හිතවත් මිලිටරි කණ්ඩායමක් මගින් (මිතුරාට අනුව) පැහැරගෙන යාම "මාර ගේමක්" ලෙස විග්‍රහ කරගන්නා එවුන් ද සිටීම ගැනයි.

මනුස්සයෙකුගේ පැහැරගැනීම ‍නොව හුරතලේට ඇතිකරන සතෙකුට සිදුකරන හිංසාවක් පවා සදාචාර විරෝධී හා නීති විරෝධී වන ධනේෂ්වර ප්‍රජාතන්ත්‍රවාදී රටක ජීවත් වන පුද්ගලයෙකුට, තමන්ගේ මතයට එරෙහි වූවෙකුගේ කොන්දේසි විරහිත විනාශයක් ප්‍රාර්ථනා කිරීම කවර ආකාරයකින් අවබෝධ කරගතයුතුද යන්න මම නොදනිමි. ‍මේවා බරපතල සමාජ විද්‍යාත්මක න්‍යායන් ඇසුරින් විශ්ලේෂණය කරගන්නවාට වඩා "උණ පුරුකෙ දැම්මත් බල්ලාගේ වලිගෙ ඇද අරින්න බැහැ" වැනි ප්‍රස්ථාව පිරුළක් ඇසුරින් තේරුම් ගැනීමට තැත් කිරීමෙන් ලේ කෝප වීම පාලනය කරගැනීමට පහසු වේ යැයි මම විශ්වාස කරමි. පුද්ගලයා අතුරුදන් වූ පසු, ඔහු‍ගේ ජීවිතය බේරීමත්, ඒ සදහා ඕස්ට්‍රේලියානු රජය මැදිහත් වීම මානුෂවාදී ඇසකින් බලනවාට වඩා නරුමවාදි ඇසකින් බැලීම ගැන මා එතරම් පුදුමවන්නේ නැත. ඔහු ලාංකිකයෙකි.

"ලංකාවේ පට්ට දියුණු..."ව ගැන මා විස්තරාත්මක ඇසීමි. ඔහුගේ දැඩි අවධානයට පත්ව තිබුණේ ලංකාවේ වැඩිදියුණු වූ මාර්ග පද්ධතියයි. මීට පෙර පැය 10ක පමණ කාලයක් ගතකෙරෙන ගමනක් සදහා ඔහුට ගතව තිබුණේ පැය 6කටත් අඩු කාලයකි. සෘණාත්මකව විමසීමත් තාර්කිකව විමසීමත් යනු එකක් නොව දෙකක්ය. මගේ විමසීම අර්ථදැක්වීම ඒ ඒ පුද්ගයින්ගේ දෘෂ්ඨිකෝණයන්ට අනුව වෙනස්විය හැකිය.
මෑත කාලින ලංකාවේ දැවැන්ත දියුණුව ගැන සිදුකෙරෙන සඳහන් වලදී හම්බන්තොට වරාය හා ගුවන් තොටුපොළ, කෙරවලපිටිය විදුලිබලාගාරය, හැරුණු කොට සදහන් වන ප්‍රධානතම කාරණය ලංකාවේ මහා මාර්ග පද්ධතියයි. පශ්චාත් යුධ ලංකාවේ ආර්ථික සංවර්ධනයේ දිශානතිය මෙයයි. සැබැවින්ම ලංකාවේ මාර්ග පද්ධතිය, අනෙකුත් දේවල් වලට වඩා ඉහළය. පරිපාලනය සම්බන්ධයෙන් වන අනෙකුත් සියළු දෑ වලදී දැඩි මානසික ආතතියකට මුහුණ දෙන විට ලංකාවේ මාර්ග පද්ධතියවත් නිසියාකාරව පැවතීම විශාල සහනයකි. (මේවා අංග සම්පූර්ණ නොවීම, කාණු පද්ධතියක් නැතිවීම, නිසියාකාරව නඩත්තු නොකිරීම ද්වීතික කාරණාවන්ය.)

මම මාතර සිට අරුගම්බේ දක්වා ඇති කාපට් යෙදූ මාර්ගයේ ගමන් කොට ඇත්තෙමි. මාතර ප්‍රදේශය පසුවූ පසු එම මාර්ගයේ ගමන් කිරීම ඉතාමත්ම පහසු කාර්යයකි‍. මන්ද එම මාර්ගයේ ගුණාත්මක භාවය ඉහළ යෑමත්, අතරමගදි හමුවන වාහන ප්‍රමාණය අඩුවීමත්ය. කොළඹ සිට විවිධාකාර විනෝදචාරිකාවන් වල යන පිරිස් මෙන්ම ලංකාවට පැමිණෙන විදේශිකයින් රැගත් වාහන ද ඒ අතර බහුලය. හම්බන්තොට දිස්ත්‍රික්කය හා මොණරාගල, අම්පාර දිස්ත්‍රික්ක හරහා ගමනේ යෙදෙන විට මට ඇතිවූ හැගීම නම් මෙය "ෆොටෝෂොප්" කරන ලද මාර්ගයක් බවයි. එහි අදහස ඡායාරූප දෙකක් බද්ධකරනවාක් මෙන් මෙම කාපට් මාර්ගයද එම ප්‍රදේශයට බද්ධ කර ඇති බවක් හැගේ. මෙම ප්‍රදේශවල ජීවත්වන ජනතාවගේ ස්වභාවය, ඔවුන්ගේ ජීවන තත්ත්වය හා මෙම මහාමාර්ගයේ සුඛෝපභෝගී තත්ත්වය අතර ඇත්තේ අහසට පොළොව වැනි තත්ත්වයකි‍. ලංකාවේ ‍ගොඩනැංවෙමින් පවතින අලුත් මාර්ග පද්ධතියට සමාන්තර තත්ත්වය මෙයයි.

ලංකාවේ ගොඩනැංවෙන සියළුම මහාමාර්ගයන් පාහේ ඉදිවන්නේ විදේශ ණය ව්‍යාපෘති වලට පින්සිද්ධ වන්නටය. අධිහීනමානය පිරිමසාගනිමින් සිටින දේශපාලඥයින් විසින් සිය නම්වලින් හදුන්වා දුන්නද, රටේ සිටින සියළු ජනතාව හා අනාගත පරම්පරා ගණනාවක් විසින් මෙම ණයට ගත් මුදල් හා පොළිය නැවත ගෙවීමට එක සමානව දායක විය යුතුය. ප්‍රවාහනය සදහා අවම පහසුකම් ඇති හැටන්හි පිහිටි පුදුකාඩු ගම්මානයේ ජනතාව විසින් මිලදී ගනු ලබන පරිප්පු ග්‍රෑම් 100ක මෙන්ම දශක තුන හතරකින් අලුත්වැඩියා කර නොමැති මොණරාගල-බිබිල මාර්ගයේ අමුණේකඳුර ගම්මානයේ ජීවත් වන පුරවැසියෙකු විසින් මිලදී ගනු ලබන සබන්කැටයක් තුළින්ද මෙම ණය වාරික ගෙවීමට සිය දායකත්වය දැක්වීමට බල කර ඇත.

මෙම සුඛෝපභෝගී මාර්ග භාවිතාවට ගැනීමට මෙම මාර්ගවල අයිතිකරුවන්ට අවස්ථාව ලැබෙනුයේ බො‍හෝ විට වසරකට කිහිප වතාවක් යෙදෙන විනෝද චාරිකාවකදී පමණක් විය හැකිය. මගේ මිතුරාට පැය 10ක ගමන පැය 6කින් යැමට අවශ්‍ය වූයේ වසර කිහිපයකට පසුවය.
හම්බන්තොට ප්‍රදේශයේ පළල් මහා මාර්ගයන්හි ගමන්කරන විට තවත් වාහනයක් හමුවන්නේ කලාතුරකිනි. මන්ද එම ප්‍රදේශ එතරම් වාහන නොමැති නිසාය. වෙනත් වාහන යන්නට හේතු ද නොමැත. අනාගතයේදී මං තීරු 3ක මාර්ගයක් අවශ්‍යතරම් එම ප්‍රදේශය සංවර්ධනය වන විට මෙම මාර්ගපද්ධතියේ වල්බිහිවීමට පවා ඉඩ ඇත. එම මාර්ගවලින් ආර්ථිකමය කටයුතු සදහා වන භාවිතාවක් ද එතරම් නොමැත. මේවා සංවර්ධනය වෙනුවෙන වැය කරන බිලියන ගණනක් මුදල් සදහා ලංකාවේ සිටින සියළුම පුරවැසියන් දායක විය යුතුය. ඉතා දැඩි මාර්ග තදබදයන් පවතින හොරණ-කොළඹ මාර්ගය මෙන්ම බියගම සිට කැළණිය පන්සල හරහා ‍දිවෙන මාර්ගය කර්මාන්තශාලා ගණනාවක් ආවරණය වන මාර්ගයක් වුව ද තව දුරටත් අබලන් තත්ත්වයේ පවතී.

තත්ත්වය මෙසේ වන විට ලංකාවේ මාර්ග පද්ධතිය ඉදිවන්නේ සංචාරක කර්මාන්තය ඉලක්ක කොට ගෙන බව දක්නට ඇත‍‍. යුද්ධයෙන් පසු රාජපක්ෂ ආණ්ඩුවේ ප්‍රධානතම ආර්ථික සංවර්ධනය උපාය මාර්ගය මෙයයි. ඒ අනුව රුපියල් බිලියන 500කටත් වඩා වැඩි මුදලකින් ගොඩනැංවීමට නියමිත මාර්ග පද්ධතිය පරිහරණය සදහා වන ප්‍රධානතම ඉලක්කය වනුයේ විදේශ සංචාරකයින් බව පැහැදිලිය‍. විවිධාකාර කොන්දේසි වලට යටත් වෙමින්, ලංකාවේ සමස්ත ආර්ථිකයම දරාගත නොහැකි ණය පරිමාවක ගිල්ලවාලමින්, අනාගත පරම්පරා ගණනාවකට ගෙවීමට තරම් ණය ප්‍රමාණයක් ඉතිරිකරමින් ගොඩනගන මාර්ග පද්ධතිය පරිහරණය කිරීමට ඉලක්ක කරනුයේ විදේශික සංචාරකයින්ය. රජයේ ආදායම ඉහළ දාගැනීම සදහා ක්ෂණිකව පනවන අතිවිශාල බදු බර දරාගනිමින්, මූලික අවශ්‍යතාවන් පිරිමසා ගැනීමට නොහැකිව කුසගින්නේ සිටිමින්, එදිනෙදා රාජ්‍ය සේවයේ සියළු දුක්ගැහැට විදදරා ගනිමින්, ලාංකික ජනතාව විසින් ණය බර කරට ගෙන නිමවනු ලබන මාර්ග පද්ධතියේ අවසාන ඉලක්කය වන්නේ ලංකාවට එම ණය ලබාදීමට මූලික වන රටවල සංචාරකයින්ය. විදෙස් රටවල් විසින් ණය මුදල් දී කොන්දේසි ද පනවා, අනෙක් අතට එම මුදල් පොළිය ද සමග අය කරගනිමින්, අවසානයේ එම ණය වලින් ඉදිකෙරෙන මාර්ග වල මූලික පහසුකම් ලබන්නා බවට තමන්ව පත්කරගෙන ඇත. මේවා කුමන්ත්‍රණකරුවන්ගේ චෝදනා ද, සැබෑ හේතුඵල සහිත චෝදනා ද යන්න වටහා ගැනීමට තරම්වත් ලාංකික ජනතාව බුද්ධිමත් ද?

ලංකාවේ ආණ්ඩු පිළිබදව අපේක්ෂාභංගත්වයට පත්ව ඇති පිරිස් වල අදහසට අනුව මේ ආණ්ඩුව පාරවල් වත් හදයි. ‍අනෙක් ආණ්ඩු වලින් එහෙම වැඩක්වත් සිදුව නොමැත. එහෙත් සුවිශේෂී කාරණය නම්, වත්මන් ආණ්ඩුව විසින් සිදුකරමින් සිටින ආර්ථික, දේශපාලන හා සංස්කෘතිය පරිහානිය තුළින් ලංකා රාජ්‍ය නැවත වරක් සුවපත්කළ නොහැකි තරම් ගැඹුරු ආගාධයකට ඇද‍වැටෙමින් පැවතිමයි. වැරදි ආර්ථික කළමණාකරණය, සියළුම රාජ්‍ය පරිපාලන යන්ත්‍රය දේශපාලනීකරණය කිරීම, පුරවැසියාට රාජ්‍ය පිළිබදව වන විශ්වාසය බිද වැටෙන ලෙස කටයුතු කිරීම වැනි දෑ පළල්ව සාකච්ඡා කළ යුතු කාරණාය.

ධනේෂ්වර රාජ්‍ය යන්ත්‍රණය ගොඩනගා ඇත්තේ සැළසුම් සහගත වැඩපිළිවෙළකට යටත්වය. ඊට අනුව ඒ ඒ පාර්ශවයන් සදහා නිශ්චිත කර්තව්‍යයන් ගොඩනගා ඇත. ඉල්ලුම් සැපයුම් න්‍යාය, මිල, ලාභය ඒ සදහා මූලික මිනුම් දඬු ලෙස භාවිතා වේ. ඊට අනුව සංවර්ධන ක්‍රියාදාමයන්ට අදාළ තීරණ ගත යුත්තේ එකී විෂයයන්ට අදාළ විශේෂඥයින් මිසෙක රටේ ජනාධිපතිවරයා හෝ ඔහු‍ගේ පවුලේ අයගේ අවශ්‍යතාවය මත නොවේ.

ලංකාවට අවශ්‍ය සංවර්ධන උපාය මාර්ගයන් තීරණය කළ යු‍ත්තේ ඒ සදහා අවශ්‍ය ශක්‍යතාවන් අධ්‍යනය කිරීමෙන් ‍මිසෙක හීනමානයන් සන්තර්පනය කිරීමේ විකල්පයක් ලෙස නොවේ. රටේ සංවර්ධනය උදෙසා යැයි කියමින් මාර්ග පද්ධතිය පමණක් වෙන්කොට සංවර්ධනය කිරී‍මේ මූලික වැරැද්ද එයයි. රටේ මාර්ග පද්ධතියේ සංවර්ධනයට සාපේක්ෂව නිෂ්පාදනය කොතරම් වැඩිවී තිබේද යන්න ගැටළුවකි.

බිලයන ගණනින් ලබාගනිමින් සිටින විදේශ ණය යෙදවීමෙදී රටට ගැලපෙන සංවර්ධන උපාය මාර්ග තෝරාගත යුත්තේ විද්වත් උපදේශයන් මත පිහිටමින්ය. සංවර්ධනය වෙනුවෙන් වන යටිතල පහසුකම්, ප්‍රතිපත්ති සකසා ගත යුත්තේ ප්‍රමුඛතා අනුපිළිවෙළකට අනුවය. ආයෝජන සිදුවිය යුත්තේ නිශ්චිත ක්‍රමවේදකයට අනුවය. තමන්ගේ පුද්ගලික වෛරය හෝ හිතවත්කම් නිසාවත්, රෑ හීනෙන් උපදෙස් ලබාදෙන සිය මුතුන් මිත්තන්ගේ උපදෙස්වලට යටත්ව රටේ අනාගතය තීරණය කිරීමට අවශ්‍ය පියවර ගැනීමට හාස්‍යජනක ක්‍රියවකි‍‍. බොරු මාධ්‍ය සංදර්ශන, කෘත්‍රිම සංඛ්‍යා දත්ත, ගණනය ක්‍රමවේද වෙනස්කර බොරු සංවර්ධනයක් මවා පෙන්වීමට සිදුවන්නේ මෙනිසාය.

රටේ සිටින කුසගින්නෙන් පෙලෙන මිනිස්සු දස දහස් ගණනකගේ කුසගිනි නිවේනම් වසරකට වරක් මා යන විනෝද චාරිකාවට පැය කිහිපයක් ප්‍රමාදවීම විදදරාගත හැක.
මේ වියමන ඔබේ මූණු පොතට එක් කරන්න-
Tags- Road Development in Sri Lanka, Development projects in Sri Lanka, Tourism in Sri Lanka
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සුමුදු තිවංක ගමගේගෙන් තවත් වියමන්
අදහස්
ජනතා විමුක්ති පෙරමුණ- තෙවැනි විකල්පය පිළිබඳ විමසුමක්
අදහස්
නවක වදය- දේශපාලනික කියවීමක්
වෙසෙස්
"සංහාරයේ අපායෙන් ජීවිතයේ දෙව්ලොවට"- සමූලඝාතනයන්ගෙන් දිවි ගලවා ගත්තවුන්ගේ කතා තුනක්.
වෙසෙස්
වේල් ගෝනීම්- අරාබි වසන්තයේ කසකරුවා පිටුවහලේ
වෙසෙස්
හා හා බලාගෙනයි...!
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
ෆෙඩ්රික් නීට්ෂේ කියයි.
රකුසන් හා යුද වදින්නන්, එ් කාර්යය නිසාම රකුසන් බවට පත් නොවීමට වග බලාගත යුතුය. අැති පමණ කල් අාගාධයක් පතුලට නෙත් යොමා සිටියොත් අාගාධය ද පෙරළා... [More]
What's New | අලුතෙන්ම
කවි| ස්වර්ණ - සංවත්සරය දා

29-Secs

(උද්‍යෝගී පලිහක්කාර) දෙඅත් බැඳ - නවා හිස
විපිළිසර කැමරා - දෙනෙත් අභියස
එදා උන් අයුරින්ම මා අස
ඉඳී මා 'විළිබර මනාලිය'

මේ තරම් තිළිණ, මල් කළඹ, බන්ධූන්... [More]
කවි| පියාපත

12-Secs

(රත්න ශ්‍රී විජේසිංහ) මගේ පුත
මේ පියාපත
නුඹේ ම ය

තක්සලා පාරේ
කුණු මඩ පිරුණු ගොවුදේ... [More]
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook