Facebook
Twitter
Google+
YouTube
Blog
RSS Feed
අදහස් බූන්දි
කෙළෙහි ගුණ සලකමු. කතිරය රජු ට පුද දෙමු!
බූන්දි, 09:46:04
"අපි කරගෙන යන සංවර්ධන වැඩපිළිවෙල ගැන සුභවාදී ඇහැකින් බලන්න දැන් කාලය ඇවිල්ලා"
-ජනාධිපති මහින්ද රාජපක්ෂ [2012.07.14]

ජනාධිපතිතුමා ඇතුළු එතුමාගේ බලකාය සිටිනුයේ තවත් මැතිවරණ විජයග්‍රහණයක පෙරනිමිති දකිමින්ය. ජනාධිපතිතුමා සුභවාදී ඇහැකින් බලන්න කියා අමුතුවෙන් මතක් කෙරුවාට, මිලියන 20කට වඩා වැඩි ජහමනයාගෙන් බහුම බහුතරයක් තමන් දිහා සර්ව සුභවාදීව බලන බව එතුමාණන් සක්සුදක් සේ දන්නේය. ඒ බවට අවිශ්වාස නම් එළඹෙන පළාත් සභා‍ මැතිවරණයේ දී තව දුරටත් විශ්වාසය තහවුරු කරගත හැකිය. දේශද්‍රෝහී අතළොස්සක් (තවමත් හරි හැටි අඳුනා ගන්නට නොහැකි වුන සතුරෙකුට) රට පාවාදෙන්නට උත්සාහ කරමින් ඉන්න බව ඇත්තය! එහෙත් අනේ මේ රත්නද්වීපයේ පිනට උපන් නායකයා හා ආණ්ඩුවේ සකල සත් සිරිත් පිළිවෙත් පිළිබඳ මනා අවබෝධයක් ඇති මෙරට වැසියයෝ කිසි කලෙකවත් කුමන්ත්‍රණ වලින් නොමග නම් නොයන්නෝය.

බලව! ඒ තුමා මහාකරුණාවෙන් යුතුව "සුභවාදීව" බලන්නැයි කියා කුමන්ත්‍රණකාරී සුළු පිරිසෙන් පවා මේ ඉල්ලා සිටි‍න්නේ, වාද බේද සුන් කොට එක මවකගෙ දරු කැල මෙන් පෙරටම යන්නට නොවේද?

මේ රටේ නිකං දෙනවා වැඩිය. බාලාංශේ සිට උසස් පෙළ විතරක් නොව විශ්ව විද්‍යාල අධ්‍යාපනය ද නොමිල‍යේම ලබා දෙති. රටට ඇති ලොකුම හෙණේ අන් කිසිවක් නොව මේ පිනට දෙන ආයතන ටික ය. මේ සරා සොඳුරු ආණ්ඩුවට හැමදාමත් ගේම ඉල්ලන්නේ විශ්ව විද්‍යාලවල කොල්ලෝ ය. කෙල්ලෝ ය. ඒ මදිවට ආචාරියෝ ය. උන්ට නිකං හම්බවෙන දේ අරං සිතිජයෙන් එහා ලෝකයට යන්නට පින නැත.

සමහරුන්ට හැමදේම ඇදේට පෙනුනට අපිටනම් එහෙම නැත. ලෝකේ රට ඇතුලේ වරායක් ඉදිකරපු එකම රට විදිහට අපි ආඩම්බර විය යුතුය. මේ පුංචි රට එහෙම කරන එක ආශ්චර්යයක් නෙවෙයි ද? දැන් තවත් පැත්තක මුහුද ගොඩකරන්නට යන්නේය. රට ඇතුලේ වරාය හදන්න ගියා වගේ කීප ගුණයක් වියදමක් ඒකට යනවා කියන එක අහන්නත් දෙයක්ද? මේවා හැදුවම කාටද ආඩම්බර? පෑලියගොඩ කුලුණ හැදුවම ලංකාවේ ඉඳන්ම ඉන්දියාව බලාගන්න පුළුවන් වේවි. සාධූ සාධූ! දඹදිව යන්ඩ සල්ලි නෑති ඈයොන් ට ඔන්න චෑන්ස්!

රට සංවර්ධනය වෙනවය කියන එක ඕනැම අන්ධයෙකුට පේනවා. චීනෙයි, ඉන්දියාවයි තරගෙට ලංකාවට සල්ලි දෙනවා. ණය ආපහු ගෙවන්න උනාට චීනෙයි, ඉන්දියාවයි අපිට අහුවෙලා තියෙන්නේ. අනික දේශද්‍රෝහී සුද්දන්ගෙන් සල්ලි ගන්නවට වඩා දේශප්‍රේමී චීනෙන් සල්ලි ගන්න එකම කොච්චර දෙයක්ද? දැන් ලෝක බැංකුවට, ආසියානු සංවර්ධන බැංකුවට, අයි.එම්.එෆ්. එකට ඕන ඕන විදිහට අපිව නටවන්න හම්බවෙන්නේ ද නැත.

අපි වගේ රටක් හැදෙනවට සුද්දෝ කැමතිම නැත. උන් හදන්නේ අපිට මොකක් හෝ මගඩියක් අටවන්නටය. ලංකාවේ සිද්ධ වෙන ස්ත්‍රී දූෂණ, මංකොල්ලකෑම්, වැරදියි කියා කෑගසා කියන්නේ සුද්දෝ සහ උන්ගෙන් යැපෙන එවුන්ය. මේ කුමන්ත්‍රණකරුවන් රට පුරා ගොස් සියළු ජඩ වැඩ සිදුකර ඒවා ලංකාව පිටින් යවති. නැතිනම් බුදුන් වැඩි මේ බිමේ ‍මෙච්චර අපරාධ, දූෂණ වැඩිවීමට ඉඩක් නැත.

පොඩිකාලේ හැංගිමුත්තං කරලා පුරුද්දට, ලංකාවේ අපි වැඩිහිටි වෙලත් මේ සෙල්ලම් කරනවා කියා පරදේශක්කාරයෝ දන්නේ නැත. ලංකාවේ අතුරුදන්වෙන ඒවා ගැන අහන එවුන්ට මුලින්ම කියා දිය යුත්තේ "හැංගිමුත්තං" සෙල්ලමය. ආණ්ඩුව දැනගෙන මිනිස්සු අතුරුදන් කරනවා කියන්නේ අමූලික බොරුය. හිරකරුවෝ මරනවා, අතුරුදන් කරනවා කියන්නේ ඊටත් වඩා බොරුය. කේ.පී. හරි කරුණා හරි දැන් ගතකරන ආතල් ජීවිතය දුටු කෙනෙකු මෙසේ චෝදනා එල්ල කිරීමට කොහොමටවත් පෙළඹෙන්නේ නැත.

ලෝක තෙල් මිල හැමදාම ඉහළ යයි. මේ නිසා හැමදාම බඩුමිල වැඩිවෙන එක ගැන කරන්නට දෙයක් නැත. අපි ඒ දේවල් දරාගත යුතුය. ඇඟ මහන්සි වෙලා වැඩ කරොත් කොච්චර දියුණු වෙන්න පුළුවන්ද කියන එකට ලංකාවෙන්ම අවශ්‍ය තරම් ජීවමාන උදාහරණ සොයාගත හැකිය. ලලිත් කොතලාවල ලා, මනිලාල් ප්‍රනාන්දු ලා, සිමල් නිරිපාල ලා ගේ ඇඟ දුටු ගමන් ඔවුන් කොතරම් මහන්සි වී වැඩ කරනවා ද යන්න හිතාගන්නට පුළුවන. හැම එකක්ම ආණ්ඩුවටම කළ නොහැක. ආණ්ඩුව කොරාපු එකම දේ යුද්ධය ඉවර කිරීම ම විතරක් වුනත් ඇයි මදිද යකෝ කියා මගේ මිත්‍රයෙක් දවසක් පපුවට ගසා ගත්තේය. මං ඔහුට කිවුවේ ඔහොම හයියෙන් පපුවට ගහ ගන්න එපා ලෙඩ වුනොත් ආණ්ඩුවෙ ඉස්පිරිතාලවල බෙහෙත් නෑ කියා ය.

පාන් ගෙඩියට වඩා මවු පොළොව වැදගත් බවත් භූමිතෙල් ටිකට වඩා භූමිය බේරා ගත් සිරිමත් මැතිඳා වැදගත් බවත් කිය කියා ස්ටේජ් ගානේ බෙරිහන් දෙන්නට අපේ චී-චී-ග්වාරා ට ඉඩ තබන්නට එපා ය. ග්වාරා පවු ය. එනිසා මෙවර පළාත් සභා ඡන්දය දා උදෙන් ම පොල් කටු අඟුරු වලින් දත මැද ගෙන ගොස් රට සුරැකීම වෙනුවෙන් ඔබේ වටිනා කතිරය බුලත් කොළය ඉදිරිපිට ලකුණු කරන්න. කළ ගුණ සැලකීම විනා අන් යමක් ගැන හීනෙකින්වත් නො හිතන ලෙස අප ඔබට තරයේ ම අවවාද කරමු.

ඔබට කෙහෙ-ළිය සරණයි!
මේ වියමන ඔබේ මූණු පොතට එක් කරන්න-
Plus
ප්‍රතිචාර
අඩවි දත්ත
Facebook Page
Boondi Google+
Boondi RSS
සුමුදු තිවංක ගමගේගෙන් තවත් වියමන්
අදහස්
ජනතා විමුක්ති පෙරමුණ- තෙවැනි විකල්පය පිළිබඳ විමසුමක්
අදහස්
නවක වදය- දේශපාලනික කියවීමක්
වෙසෙස්
"සංහාරයේ අපායෙන් ජීවිතයේ දෙව්ලොවට"- සමූලඝාතනයන්ගෙන් දිවි ගලවා ගත්තවුන්ගේ කතා තුනක්.
වෙසෙස්
වේල් ගෝනීම්- අරාබි වසන්තයේ කසකරුවා පිටුවහලේ
වෙසෙස්
හා හා බලාගෙනයි...!
තවත් අදහස් බූන්දි
To Sir, With Love!
විද්‍යාවේ සියවසක පිම්ම!
මරණ දඬුවම සහ සුළුතරයේ හෘද සාක්ෂිය!
කුණු වී දුඟඳ හමන මජර ජනමාධ්‍ය සංස්කෘතියට එරෙහිව කුමක් කරමුද?
දෙසියවෙනි උපන්දිනයට කාල් මාක්ස්ට උපහාර තෑග්ගක්!
BoondiLets
ලියෝන් ට්‍රොට්ස්කි කියයි.
ජීවිතය සොඳුරුය. මර්දනයෙන්, කෲරත්වයෙන් සහ සැහැසිකමින් ජීවිතය මුදවා මතු පරපුරට එය භුක්ති විඳින්නට ඉඩහල යුතුය.
What's New | අලුතෙන්ම
කවි| ස්වර්ණ - සංවත්සරය දා

29-Secs

(උද්‍යෝගී පලිහක්කාර) දෙඅත් බැඳ - නවා හිස
විපිළිසර කැමරා - දෙනෙත් අභියස
එදා උන් අයුරින්ම මා අස
ඉඳී මා 'විළිබර මනාලිය'

මේ තරම් තිළිණ, මල් කළඹ, බන්ධූන්... [More]
කවි| පියාපත

12-Secs

(රත්න ශ්‍රී විජේසිංහ) මගේ පුත
මේ පියාපත
නුඹේ ම ය

තක්සලා පාරේ
කුණු මඩ පිරුණු ගොවුදේ... [More]
කවි| ආනන්ද

31-Secs

(රෝහණ පොතුලියැද්ද) මාලා කරුවෙකු සේ මල් සොයා යන
සසර සැරි ගමනක ඉම
අතහැරීම ම නිවන කියන උතුමෙකු
අත නෑර අල්ල ගති ආනන්ද

මල,පැහැය,සුවඳ, ඈ... [More]
Cine| අසන්ධිමිත්තා- වෘත්තයෙන් ආපස්සට

3-Mins

(ඩිල්ෂානි චතුරිකා දාබරේ) සාහිත්‍යය හෝ සිනමාපට තවදුරටත් සාම්ප්‍රදායික ආකෘතියම නොපතයි. රසවිඳින්නන්ව සාමාන්‍ය කතාවකින් නළවාදැමීමට නොහැකිය. තවදුරටත් ඔවුහුද හුරුපුරුදු නිර්මාණ ස්වභාවයම නොපතති. නිර්මාණකරුවකු... [More]
Cine| රාමු තුළ යළි රාමු වුණු "දැකල පුරුදු කෙනෙක්"

6-Mins

(විකුම් ජිතේන්ද්‍ර) මේ යුගය ඡායාරූප හා කැමරා යුගයක් වන අතර වෘත්තීය හෝ අර්ධවෘත්තීය කැමරා භාවිත කරන ආධුනිකයා පවා අධි සුන්දරත්වයෙන් යුතු ඡායාරූප... [More]
අදහස්| To Sir, With Love!

2-Mins

(තාරක වරාපිටිය) To Sir With Love යනු මීට වසර 28 කට පමණ ඉහතදී කළු සුදු ටෙලිවිෂන් තිරයකින් මා බැලු චිත්‍රපටයකි. එය එතෙක්... [More]
වෙසෙස්| මැදියම් රැයේ වාහනවලට අතවනන සුදු හැඳි ගැහැනිය

5-Mins

(තිලක් සේනාසිංහ ) අද මෙන් මහජනයා හෝ රථවාහන බහුල නොවූ මීට දශක හය හතකට පෙර ඇතැම් දිනවල මැදියම් රැය ආසන්නයේ දී කොළඹ බොරැල්ලේ... [More]
ඔත්තු| හෙල්මලී ගුණතිලකගෙන් 'සහස් පියවර'

5-Secs

හෙල්මලී ගුණතිලක විසින් රචිත පළමු කෙටිකතා එකතුව වන 'සහස් පියවර' කෘතිය මුද්‍රණද්වාරයෙන් එළි දක්වා තිබේ.... [More]
පොත්| ඉණෙන් හැලෙන කලිසමක් රදවා ගන්න තතනමින්...

2-Mins

(රෝහණ පොතුලියැද්ද) පුද්ගල නාමයක්, වාසගමක් දුටු කල්හි ඔහුගේ ජාතිය/ ආගම/ කුලය/ ලිංගය/ ග්‍රාමීය, නාගරිකබව සිතියම් ගත කිරීම සාමාන්‍ය පුරුද්දක්. නමුත් "ඩොමිනික් චන්ද්‍රසාලි"... [More]
කෙටියෙන්| මොන එල්ලුං ගස් ද?

10-Secs

(සුරත්) කුඩුකාරයෝ ටික විජහට එල්ලාලා
බේරා ගනිමු රට ඒකයි හදිස්සිය
මෙත්පල් මැතිඳු මුර ගානා හැටි දැකලා
ගිරවා මගේ දුන්නා එල ටෝක් එකක්

"එල්ලිය යුතු එවුන් දා ගෙන රෙදි අස්සේ... [More]
පොත්| උමතු වාට්ටුවට අප්පචිචී ඇවිත්!

6-Mins

(කේ.ඩී. දර්ශන) 'උඹට එහෙම යන්න බැහැ උඹ ඉන්න ඕනෙ මම ළඟ. මගේ හෙවණැල්ලෙන් මිදෙන්න උඹට බැහැ.'
(-41 පිට)

'මම ගල් ගැහී අප්පච්චී දෙස බලාගෙන... [More]
රත්තරං ටික| මෙන්න බත් කූරෙක්!

28-Secs

මත්සුවා බැෂෝ යනු කෘතහස්ත ජපන් කවියෙකි. බැෂෝගෙ කවිකාර කම දැක දිනක් ඔහුගේ ශිෂ්‍යයෙකු ද කවියක්... [More]
කවි| ජානූ! පේ‍්‍රමයෙන් විතැන් විය හැකි දැයි මට කියන්න

24-Secs

(තුෂාරි ප්‍රියංගිකා) එකින් එක මතක අහුලමි
මංජුසාවකි හදවත මතක අහුරමි
සීත හිමයේ මිදුණු හිමකැටිති යට
ඔබට කවි ලියා සඟවමි
ජානූ!
පසුපස සෙවණැල්ල සේ ඇදෙමි... [More]
පොත්| සෞන්දර්යය වෙනුවට කටු අතු- අපේ යුගයේ උරුමය!

13-Mins

(චූලානන්ද සමරනායක) කිවිඳියකගෙ කාව්‍ය ග‍්‍රන්ථයක් එළිදක්වන මොහොතක ඇගේ කවියට ප‍්‍රවේශ වෙන්න වඩාම සුදුසු මාවත මොකක්ද? මේක ටිකක් විසඳගන්න අමාරු ප‍්‍රශ්ණයක්. මොකද අද... [More]
ඔත්තු| 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්'- දෙසැ. 01

11-Secs

මාලතී කල්පනා ඇම්බ්‍රෝස්ගේ 'නො පවතිනු වස් ප්‍රේමය ව පවතිමි' සහ 'පියා නො හැඹූ පියාපත්' කාව්‍ය... [More]
වෙසෙස්| වාලම්පුරි- වාසනාව, විහිළුව සහ මිත්‍යාව

1-Mins

(තාරක වරාපිටිය) ලංකාවේ ඉහළ "අලෙවි වටිනාකමක්" ඇති, ‘අනුහස් ඇති’ ගුප්ත වස්තුවකි වාලම්පුරිය. මෙම ‘වටිනාකම’ තීරණය වන්නේ එහි ඇති ද්‍රව්‍යමය වටිනාකම හෝ වෙනත්... [More]
පොත්| "මතක වන්නිය" හෙවත් උතුරේ ශේෂ පත්‍රය

3-Mins

(සුරෝෂන ඉරංග) කලා කෘතියකින් භාවමය කම්පනයක් ඇතිකළ හැකි නම් එයට කිසියම් සමාජ බලපෑමක් සිදුකළ හැකිය. එසේ කම්පනයත්, පශ්චාත්තාපයත් ජනිත කළ, දමිළ බසින්... [More]
අදහස්| විද්‍යාවේ සියවසක පිම්ම!

2-Mins

(තාරක වරාපිටිය) පසුගිය සියවසේ මිනිස් ශිෂ්ඨාචාරය මුහුණපෑ ප්‍රධාන මාරක අභියෝග තුන වුයේ වසංගත, සාගත හා සංග්‍රාමයන්ය. ඒ සියවස තුල එසේ ඉන් මියැදුන... [More]
Boondi Dot Lk · බූන්දියේ අපේ වැඩක් · editorial@boondi.lk
Home · Currents · Raha · Sookiri · Kavi · Dosi · Music · Plus · Facebook